ບາສຕຽນ ສະວາຍສະໄຕເກີ ອະດີດກອງກາງ ບາເຢິນ, ແມນຢູ ແລະ ທີມຊາດເຢຍລະມັນ ປະກາດຢຸດອາຊີບ!!

ບາສຕຽນ ສະວາຍສະໄຕເກີ (ບາສຕີ້) ອະດີດກອງກາງ ບາເຢີນ ມິວນິກ, ແມນຢູ ແລະ ທີມຊາດເຢຍລະມັນ ອາຍຸ 35 ປີ ປະຈຸບັນສັງກັດສະໂມສອນ ຊິຄາໂກ້ ຟາຍເອີຣ໌ ທິມໃນ ເມເຈີລີກ ຊອກເກີ ອາເມຣິກາ ປະກາດຢຸດອາຊີບທາງກາານ ເມື່ອວັນທີ 8 ຕຸລາຜ່ານມາ. ຫຼັງຈາກລົງສະໜາມນັດສຸດທ້າຍຊ່ວຍຕົ້ນສັງກັດ ບຸກໄປຊະນະ ອໍຣແລນໂດ້ ຊີຕີ້ 5-2, ຈົບອັນດັບ 8 ຂອງເຂດຕາເວັນອອກ ມີ 42 ຄະແນນ ຈາກການແຂ່ງ 34 ນັດ ບໍ່ສາມາດຊ່ວຍທີມຜ່ານເຂົ້າຮອບ ເພລອ໊ອຟ ລະດູການນີ້ ເມື່ອລວມທັງ 2 ເຂດຕາເວັນອອກ ແລະ ເຂດຕາເວັນຕົກ ຊິຄາໂກ້ ຟາຍເອີຣ ຈົບອັນດັບ 17. ສຳລັບຮອບເພລອັອຟ ແມ່ນຄັດເອົາທີມອັນດັບ 1-7 ຂອງສອງເຂດຕາເວັນຕົກ ແລະ ຕາເວັນອອກ ໄປລຸ້ນແຊ້ມ.

ຜົນງານຜ່ານມາ ບາສຕຽນ ສະວາຍສະໄຕເກີ ເລີ່ມຕົ້ນອາຊີບນັກເຕະກັບສະໂມສອນ ບາເຢີນ ມິວນິກ ແຕ່ປີ 1998-2015 ຄວ້າແຊ້ມ ຮຸນອາຍຸບໍ່ເກີນ 17 ປີ ແລະ 19 ປີ ຂອງບຸນເດັສລິກ້າ ເຢຍລະມັນ ໃນປີ 2001 ແລະ ປີ 2002; ບາສຕີ້ ລົງຫລິ້ນໃຫ້ທິມຊຸດໃຫຍ່ຂອງບາເຍິນທັງໝົດ 500 ນັດ ຍິງ 68 ປະຕູ. ຄວ້າແຊ້ມ ບຸນເດັສລິກ້າ 8 ສະໄໝ, ເດເອຟເບ ໂຟຄາວ 7 ສະໄໝ, ເຢຍລະມັນ ຊຸບເປີ້ ຄັບ 1 ສະໄໝ ແລະ ແຊ້ມ ຢູຟ້າ ແຊ້ມປ້ຽນລີກ 1 ສະໄໝ; ຈາກນັ້ນຍ້າຍມາຮ່ວມທັບ ແມນເຊັສເຕີ ຢູໄນເຕັດ ປີ 2015-17 ລົງສະໜາມທັງໝົດ 35 ນັດ, ຍິງ 2 ປະຕູ ຄວ້າແຊ້ມ ເອຟເອຄັບ ລະດູການ 2015-16. ຫລັງຈາກນັ້ນ ມາຢູ່ກັບ ຊິຄາໂກ້ ຟາຍເອີຣ ແລະ ປະກາດອຳລາອາຊີບທາງການ.

ສຳລັບຜົນງານຂອງ ບາດຕີ້ ກັບທີມຊາດ ເຢຍລະມັນ ຕິດຕາມຊາດແຕ່ຮຸ່ນອາຍຸ 16 ປີ 17 ປີ 19 ປີ ແລະ 21 ແຕ່ປີ 200-2004 ລົງສະໜາມລວມ 26 ນັດ ຍິງ 6 ປະຕູ ສ່ວນທີມຊາເຊຸດໃຫຍ່ຕິດມາຕັ້ງແຕ່ປີ 2004 – 2016 ລົງສະໜາມທັງໝົດ 121 ນັດ ຍິງ 24 ປະຕູ ຄົວ້າແຊ້ມໂລກ 2014, ອັນດັບ 3 ບານໂລກ 2006 ແລະ 2010 ອັບດັບ 3 ຟີຟ່າ ຄອນເຟເດເລຊັ່ນ ຄັບ 2005 ແລະ ຮອງແຊ້ມ ຢູໂລ 200 8

 

 

ຂໍ້ມູນມາຈາກ : ຂ່າວກິລາໂທລະພາບແຫ່ງຊາດລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *