U19 ທີມຊາດລາວ ຊຸດຄັດເລືອກຊິງແຊ້ມອາຊີ ຮອບຄັດເລືອກ 2020 ທີ່ ໄຕ້ຫວັນ! ກຽມໄປອຸ່ນເຄື່ອງທີ່ປະເທດໄທ

ທີມຊາດລາວ ຮຸ່ນອາຍຸບໍ່ເກີນ 19 ປີ ກຽມເຂົ້າຮ່ວມ ການແຂ່ງຂັນເຕະບານຊາຍ ຊິງແຊ້ມອາຊີ ຮຸ່ນອາຍຸບໍ່ເກີນ 19 ປີ ຮອບຄັດເລືອກ 2020 ທີ່ ໄຕ້ຫວັນ ໃນລະຫວ່າງວັນທີ 6 – 10 ພະຈິກ 2019, ທີມຊາດລາວ ຖືກຈັດຢູ່ຮ່ວມ ກຸ່ມ H ຮ່ວມກັບ ອົດສະຕຣາລີ, ໄຕ້ຫວັນ (ເຈົ້າພາບ) ແລະ ມາເກົ້າ

ທີມຊາດລາວ ຮຸ່ນອາຍຸບໍ່ເກີນ 19 ປີ ແມ່ນໄດ້ເລີ່ມການຝຶກຊ້ອມມານັບຕັ້ງແຕ່ ວັນທີ 27 ສິງຫາ 2019 ເຊິ່ງມາຮອດປັດຈຸບັນ ທ່ານ ຊຸນດຣາມ ມຸນຕຣີ ຫົວຫນ້າຄູຝຶກຊາວ ສິງກະໂປ ໄດ້ຄັດເລືອກນັກເຕະເຫລືອທັງຫມົດ 29 ຄົນ ຈະຄັດໃຫ້ເຫລືອ 26 ຄົນ

ກ່ອນຈະອອກເດີນທາງອຸ່ນເຄື່ອງທີ່ປະເທດໄທ ລະຫວ່າງວັນທີ 16 – 22 ຕຸລາ 2019 ຈະມີການອຸ່ນເຄື່ອງ 3 ນັດ: ນັດທີ 1 ວັນທີ 17 ຕຸລາ 2019 U19 ລາວ ພົບ ຂອນແກ່ນ ເອຟຊີ ໄທລີກ 2, ນັດທີ 2 ວັນທີ 19 ຕຸລາ 2019 U19 ລາວ ພົບ ສະຣະບູຣີ ໄທລີກ 4 ແລະ ນັດທີ 3 ວັນທີ 21 U19 ລາວ ພົບ ນະຄອນຣາຊສີມາ ໄທລີກ 1.

 

 

ຂໍ້ມູນມາຈາກ : ຂ່າວກິລາໂທລະພາບແຫ່ງຊາດລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *