ມິລານ ບໍ່ທົນ! ປົດ ຈຽມເປົາໂລ ອອກຈາກຕຳແໜ່ງຄູຝຶກ ຫລັງຜົນງານບໍ່ປະທັບໃຈ!!

ເອຊີ ມິລານ ປະກາດປົດຄູຝຶກ ມາຣໂກ ຈຽມເປົາໂລ ອອກຈາກຕໍາແໜ່ງໃນຕົ້ນອາທິດນີ້ ຫລັງຈາກຄຸມທິມບໍ່ເຖິງ 4 ເດືອນ ເພາະຜົນງານບໍ່ປະທັບໃຈຄະນະບໍລິຫານ ແລະ ແຟນບານ, 7 ນັດໃນລີກລະດູການນີ້ ຊະນະ 3 ເສຍ 4 ຕາມຫລັງຢູເວັນຕຸສທິມນຳ 10 ຄະແນນ.

ມາຣໂກ ຈຽມເປົາໂລ ຄູຝຶກຊາວສະວິສເຊື້ອສາຍອີຕາລີ ໄວ 52 ປີ ລາ ຊາມໂດເຣຍ ມາຄຸມ ມິລານ ໃນລະດູການນີ້ ດ້ວຍຜົນງານທີ່ໜ້າຜິດຫວັງ, ທິມມີຫລາຍຈຸດທີ່ຕ້ອງປັບແກ້ ໂດຍສະເພາະເກມຮັບ, ຕົ້ນລະດູການນີ້ ທິມທຸ້ມງົບຫລາຍສົມຄວນ 100 ກວ່າລ້ານເອີໂຣ ຈັບຈ່າຍນັກເຕະເສີມທັບ ແຕ່ຜົນງານບໍ່ໄດ້ດັ່ງໃຈ ເຮັດໃຫ້ຄະນະບໍລິຫານຕັດສິນໃຈປົດ ຈຽມເປົາໂລ ແລະ ມີຂ່າວວ່າ: ກຳລັງເຈລະຈາກັບ ສະເຕຟາໂນ້ ປີໂອລີ້ ອະດີດຄູຝຶກ ອິນເຕີ ມິລານ ມາຄຸມທິມແທນ.

 

 

ຂໍ້ມູນມາຈາກ : ຂ່າວກິລາໂທລະພາບແຫ່ງຊາດລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *