ເປີດໂສມຮູບປັ້ນ ຊາລາຕັນ ອີບຣາຮີໂມວິກ ອະດີດກອງໜ້າແມນຢູ ທີ່ບ້ານເກີດ!!

ໃນວັນທີ 8 ຕຸລານີ້ ສະໂມສອນບານເຕະ ມາວໂມ (Malmö) ທິມດັງໃນລີກສູງສຸດຂອງສະວີເດັນ (ຊູແອັດ) ໄດ້ເປີດໂສມຮູບປັ້ນ ຊາລາຕັນ ອີບຣາຮີໂມວິກ ອະດີດກອງໜ້າຂອງທິມ ແລະ ແມນເຊັສເຕີ ຢູໄນເຕັດ ທີ່ໜ້າສະໜາມຫລັກຂອງທິມ. ທັງນີ້ກໍ່ເພື່ອເປັນການໃຫ້ກຽດ ແລະ ຊົມເຊີຍຜົນງານຂອງ ຊາລາຕັນ ທີ່ມີໃຫ້ກັບສະໂມສອນຜ່ານມາ, ກາຍເປັນກອງໜ້າທີ່ໂດດເດັ່ນທີ່ສຸດຂອງສະໂມສອນ ແລະ ທິມຊາດ. ຊະລາຕັນ ຖືກປັ້ນມາໂດຍສະໂມສອນແຫ່ງນີ້ຕັ້ງແຕ່ເຍົາໄວ ຈົນກ້າວສູ່ທິມຊຸດໃຫຍ່ໃນປີ 1999–2001 ກ່ອນຍ້າຍໄປຮ່ວມທັບ ອາແຈັກ, ຢູເວັນຕຸສ, ອິນເຕີ ມິລານ, ບາຣເຊໂລນ້າ, ເອຊີ ມິລານ, ປາຣິສ ແຊັງແຊກແມັງ, ແມນຢູ ແລະ ເອວເອ ກາແລັກຊີ້ ໃນປະຈຸບັນ. ລົງຫລິ້ນທັງໝົດ 786 ນັດ ຍິງໄດ້ 473 ປະຕູ.

ປັນກອງໜ້າທີ່ໂດດເດັ່ນທີ່ສຸດຂອງສະໂມສອນ ແລະ ທິມຊາດ. ຊະລາຕັນ ຖືກປັ້ນມາໂດຍສະໂມສອນແຫ່ງນີ້ຕັ້ງແຕ່ເຍົາໄວ ຈົນກ້າວສູ່ທິມຊຸດໃຫຍ່ໃນປີ 1999–2001 ກ່ອນຍ້າຍໄປຮ່ວມທັບ ອາແຈັກ, ຢູເວັນຕຸສ, ອິນເຕີ ມິລານ, ບາຣເຊໂລນ້າ, ເອຊີ ມິລານ, ປາຣິສ ແຊັງແຊກແມັງ, ແມນຢູ ແລະ ເອວເອ ກາແລັກຊີ້ ໃນປະຈຸບັນ. ລົງຫລິ້ນທັງໝົດ 786 ນັດ ຍິງໄດ້ 473 ປະຕູ.

ຊະລາຕັນ ກ່າວວ່າ: ” ບໍ່ວ່າທ່ານຈະມາຈາກໃສ, ຢູ່ແຫ່ງຫົນໃດ, ຫລືວ່າທ່ານຈະມັກຫລືບໍ່! ແຕ່ຮູບປັ້ນນີ້ຈະເປັນສັນຍາລັກຂອງສິ່ງທີ່ເປັນໄປໄດ້. ” ຮູບປັ້ນນີ້ ປັ້ນໂດຍ Peter Linde ນັກຈິດຈະກອນຊາວສະວີດິສ, ມີຄວາມສູງ 8 ຟຸດ 9 ນິ້ວ ຫລື ປະມານ 2 ແມັດ 66 ຊັງຕີແມັດ, ໜັກ 500 ກິໂລ. ນອກຈາກນີ້ ຍັງມີຫຸ່ນຂອງ ຊະລາຕັນ ໃນພິພິຕະພັນຫຸ່ນຂີ້ເຜິ້ງທີ Grevin ໃນນະຄອນຫລວງປາຣີສ ປະເທດຝຣັ່ງ.

 

 

ຂໍ້ມູນມາຈາກ : ຂ່າວກິລາໂທລະພາບແຫ່ງຊາດລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *