ຖືກຈັບຄາສະໜາມບິນວັດໄຕພ້ອມຢາໄອສ໌ 2,1 ກິໂລ

ໃນວັນທີ 2 ຕຸລາ 2019, ເຈົ້າໜ້າທີ່ປະຈຳສະໜາມບິນສາກົນວັດໄຕໄດ້ກວດພົບເຫັນຢາເສບຕິດ ປະເພດຢາໄອສ໌ 2,1 ກິໂລກຼາມ ໃນກະເປົ໋າເດີນທາງຂອງແມ່ຍິງອາຍຸ 66 ປີໃນຂະນະທີ່ກຳລັງເດີນທາງອອກຕ່າງປະເທດ.

ຈາກນັ້ນ, ຈຶ່ງໄດ້ກັກຕົວມອບໃຫ້ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ເພື່ອດຳເນີນການສອບສວນ.

ກົມຕຳຫຼວດສະກັດກັ້ນ ແລະ ຕ້ານຢາເສບຕິດໃຫ້ຮູ້ວ່າ:

ຜູ້ຖືກຫາຊື່ ນາງ ບູແອ ຍູຊາດ ແຊຊ່າ (Ms BAUER USAGE CESARCE) ອາຍຸ 66 ປີ, ເຊື້ອຊາດແລະສັນຊາດຝລັ່ງ, ຢູ່ບ້ານລີເລ່ ເມືອງບາຣິນ ແຂວງອາຊາດປະເທດຝລັ່ງ, ບ່ອນຢູ່ປະຈຸບັນຢູ່ບ້ານແຟັງເຟີດ ເມືອງເຣດຊັນ ແຂວງແຟັງເຟີດ ປະເທດເຢຍລະມັນ, ເຊິ່ງຢາເສບຕິດຈຳນວນດັ່ງກ່າວຜູ້ກ່ຽວຊຸກເຊື່ອງຢູ່ໃນກະເປົ໋າເດີນທາງ ທີ່ກຽມຈະເດີນທາງໄປປະເທດຍີ່ປຸ່ນ.

ຜ່ານການສອບສວນເບື້ອງຕົ້ນ, ຜູ້ກ່ຽວຮັບສາລະພາບວ່າ: ຢາໄອສ໌ຈຳນວນດັ່ງກ່າວແມ່ນຈະນຳໄປປະເທດທີ່ສາມ. ປະຈຸບັນຄະດີດັ່ງກ່າວຍັງຢູ່ໃນຂັ້ນຕອນການສອບສວນຂະຫຍາຍຜົນຫາກຸ່ມແກ້ງທີ່ພົວພັນກັບຢາເສບຕິດ ເພື່ອຕິດຕາມຕົວໄປດຳເນີນຄະດີຕາມກົດໝາຍ

 

ແຫຼ່ງຂ່າວ: ຄວາມສະຫງົບລາຍວັນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *