“ໂລໂບຄອປ K5” ຕຳຫຼວດໃຫມ່ລາດຕະເວນ ສວນສາທາລະນະ ໃນແຄລິຟໍເນຍ

ທີ່ເມືອງ Huntington Park ມີການຈ້າງຕຳຫຼວດໜ້າໃຫມ່ ດູເລຄວາມປອດໄພ ໃຫ້ສວນສາທາລະນະ ເຮັດໜ້າທີ່ຢ່າງຕໍ່ເນື່ອງແບບບໍ່ຕ້ອງຢຸດພັກ ບໍ່ຕ້ອງມີມື້ພັກຮ້ອນ, ບໍ່ມີການ ຂໍເງີນເດືອນ ແລະ ບໍ່ຕ້ອງມີປະກັນສຸຂະພາບ ນີ້ແມ່ນໂລໂບຄອປ ທີ່ນຳມາໃຊ້ງານຈິງແລ້ວ.

ເມືອງ Huntington Park ລັດແຄລິຟໍເນຍ ເລີ້ມໃຊ້ໂລໂບຄອບ ຫຼື ຕຳຫຼວດຫຸ່ນຍົນ ດູແລຄວາມປອດໄພ ໃຫ້ສວນສາທາລະນະ ໃຫຍ່ທີ່ສຸດຂອງເມືອງ ຕະຫຼອດ 24 ຊົ່ວໂມງ ແບບບໍ່ຕ້ອງມີມື້ຢຸດ, ໂດຍໜ້າທີ່ຫຼັກກໍ່ແມ່ນການສອດຊ່ອງເບີ່ງແຍງ ແລະ ບັນທືກພາບຄວາມເຄື່ອນໄຫວ ເພື່ອສ້າງຄວາມປອດໄພ ໃນພື້ນທີ່ທີ່ຫຸ້ນຍົນຕຳຫຼວດໄດ້ລົງປະຕິບັດໜ້າທີ່ ນອກຈາກນັ້ນ ມັນຍັງສາມາດສາກແບັດດ້ວຍໂຕມັນເອງ ເມື່ອເຖິງເວລາທີ່ແບັດເຕີລີ້ ໃກ້ຈະໝົດລົງ.

ຕຳຫຼວດຫຸ່ນຍົນນີ້ ມີກ້ອງ 360 ອົງສາ ແລະ ສາມາດບັນທືກພາບໄດ້ເຖີງແມ່ນວ່າຈະມີແສງໜ້ອຍ ໃນເວລາກາງຄືນ ລວມເປັນເຖີງຍັງມີປຸ່ມຂໍຄວາມຊ່ວຍເຫຼືອສຸກເສີນ ທີ່ເຊື່ອມຕໍ່ກັບສູນທີ່ມີທີມງານດູແລ ໂດຍຕຳຫຼວດສາມາດເຫັນ ພາບສະຖານະການໃນພື້ນທີ່ ໄດ້ໂດຍຜ່ານກ້ອງຂອງຫຸ້ນຍົນນັ້ນເອງ.

ຖືໄດ້ວ່າເປັນການຊ່ວຍເຫຼືອຕຳຫຼວດ ໄດ້ອີກທາງໜື່ງໃນການດູແລ ແລະ ຮັກສາຄວາມປຶດໄພ ທີ່ອາດຈະເກີດຂື້ນໄດ້ ເຖີງແມ່ນວ່າ ຫຸ່ນຍົນຕຳຫຼວດ ຈະບໍ່ສາມາດເຮັດວຽກແທນ ຕຳຫຼວດຈິງໄດ້ທັງໝົດກໍ່ຕາມ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *