ຄູເຝິກມວຍສາກົນ ໄດ້ຮັບການຍົກລະດັບຫຼັກສູດລະດັບຊາດ

ຄູ​ເຝິກ​ກີ­ລາ​ມວຍ​ລາວ 18 ຄົນ ທີ່​ມາ​ຈາກ 14 ພາກ­ສ່ວນ​ໄດ້​ຮັບ​ການ​ຍົກ​ລະ­ດັບ​ຫຼັກ­ສູດ​ຄູ​ເຝິກ​ມວຍ​ສາ­ກົນ​ລະ­ດັບ​ຊາດ (1 ດາວ) ວັນ​ທີ 1-5 ຕຸ­ລາ 2019 ທີ່​ພະ​ແນກ​ສຶກ​ສາ​ທິ​ການ ແລະ ກີ­ລາ ແຂວງ​ບໍ​ລິ​ຄຳ​ໄຊ ມີ​ທ່ານ ບົວ​ລານ ສິ­ລິ​ປັນ­ຍາ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ທັງ​ເປັນ​ຮອງ​ປະ­ທານ ຄະ­ນະ​ກຳ­ມະ­ການ​ໂອ​ແລມ​ປິກ ແຫ່ງ​ຊາດ​ລາວ (ຄອລ) ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ກະ­ຊວງ ສສກ ຮອງ​ປະ­ທານ ແລະ ເລ­ຂາ­ທິ­ການ ຄອລ ພ້ອມ​ດ້ວຍ​ຫົວ­ໜ້າ​ກົມ ຮອງ​ຫົວ­ໜ້າ ພະ​ແນກ​ສຶກ​ສາ​ທິ​ການ ແລະ ກີ­ລາ ແຂວງ​ບໍ​ລິ​ຄຳ​ໄຊ ວິ­ທະ­ຍາ­ກອນ ແລະ ສຳ​ມະ​ນາ​ກອນ​ເຂົ້າ​ຮ່ວມ.

ໂອ­ກາດ​ນີ້ ທ່ານ ບົວ​ລານ ສິ­ລິ​ປັນ­ຍາ ໄດ້​ກ່າວ​ຍ້ອງ­ຍໍ​ຊົມ­ເຊີຍ ຄະ­ນະ​ຮັບ­ຜິດ­ຊອບ​ຈັດ​ກອງ​ປະ­ຊຸມ ແລະ ສຳ​ມະ​ນາ​ກອນ​ທຸກ​ຄົນ ທີ່​ເຂົ້າ​ຮ່ວມ​ເພາະ​ການ​ເຝິກ­ອົບ­ຮົມ​ຄູ​ເຝິກ​ມວຍ​ສາ­ກົນ​ລະ­ດັບ 1 ດັ່ງ­ກ່າວ ມີ​ຄວາມ​ສຳ­ຄັນ​ຫຼາຍ​ຕໍ່​ການ​ພັດ­ທະ­ນາ​ວົງ​ການ​ມວຍ​ລາວ ໃຫ້​ທຽບ​ເທົ່າ​ກັບ​ພາກ​ພື້ນ ແລະ ສາ­ກົນ​ເທື່ອ​ລະ​ກ້າວ ພາຍ­ຫຼັງ​ເຝິກ​ສຳ­ເລັດ ຈະ​ໄດ້​ນຳ­ໄປ​ພັດ­ທະ­ນາ​ຂົງ­ເຂດ​ຂອງ​ຕົນ.

ສຳ­ລັບ​ການ​ເຝິກ­ອົບ­ຮົມ​ຄັ້ງ​ນີ້ ສຳ​ມະ​ນາ​ກອນ​ໄດ້​ຮຽນ​ຮູ້​ທັກ​ສະ​ເຕັກ­ນິກ ກະ­ຕິ​ກາ ແລກ­ປ່ຽນ​ປະ­ສົບ​ການ​ຖ່າຍ​ທອດ​ທຸກ​ຄວາມ​ຮູ້​ທຸກ​ຢ່າງ ແລະ ຄວາມ​ຮູ້​ທົ່ວ​ໄປ ໂດຍ​ລວມ​ຂອງ​ກີ­ລາ​ມວຍ​ສາ­ກົນ ທັງ​ພາກ​ທິດ​ສະ​ດີ ແລະ ການ​ປະ­ຕິ­ບັດ​ຕົວ​ຈິງ.

 

 

ຂໍ້ມູນມາຈາກ : ວຽງຈັນໃໝ່

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *