6 ປີຜ່ານມາ ລັດຖະບານສົ່ງເສີມຂະແໜງສຶກສາ ເກືອບ 2 ພັນໂຄງການ ໃຊ້ງົບປະມານ 376 ກວ່າຕື້

ການສຶກສາເປັນປັດໃຈໜຶ່ງທີ່ສໍາຄັນໃນການພັດທະນາຊັບພະຍາກອນ ມະນຸດ ໂດຍສະເພາະ ຢູ່ເຂດຫ່າງໄກສອກຫຼີກ ທີ່ຍັງຂາດສິ່ງອໍານວຍຄວາມສະດວກດ້ານສາທາລະນູປະໂພກ ແລະ ເປັນສິ່ງທ້າທາຍໜຶ່ງໃນການ ສົ່ງເສີມເດັກນ້ອຍໃນກຽນອາຍຸເຂົ້າໂຮງຮຽນ ເພາະບາງບ້ານ, ບາງກຸ່ມບ້ານບໍ່ມີໂຮງຮຽນຖາວອນເລີຍ. ສະນັ້ນ ໃນ 16 ປີຜ່ານມາ ລັດຖະບານ ໄດ້ໃຫ້ການສະໜັບສະໜູນຂະແໜງການສຶກສາ ຢູ່ເຂດຊົນນະບົດ ຜ່ານກອງທຶນຫຼຸດຜ່ອນຄວາມທຸກຍາກ ເຊັ່ນ: ການກໍ່ສ້າງ – ສ້ອມແປງໂຮງຮຽນ, ກໍ່ສ້າງຫໍພັກຄູ, ສະໜອງອຸປະກອນການຮຽນ-ການສອນ, ໃຫ້ທຶນແກ່ບ້ານທຸກຍາກ, ຊົນເຜົ່າໄປຮຽນຄູ ຫຼັງຈາກນັ້ນກັບມາເປັນຄູສອນຢູ່ບ້ານຕົນເອງ ລວມມີທັງໝົດ 1.960 ໂຄງການ ໂດຍນໍາໃຊ້ງົບປະມານ 376 ຕື້ກວ່າກີບ ຫຼື ເທົ່າກັບ 30.5% ຂອງງົບປະມານທີ່ກອງທຶນລົບລ້າງຄວາມທຸກຍາກລົງທຶນທັງໝົດ. ທັງນີ້, ການພັດທະນາຊຸມຊົນປະກອບສ່ວນວັດຖຸ ແລະ ແຮງງານຄິດເປັນເງິນ 32 ຕື້ກວ່າກີບ ແລະ ມີຜູ້ໄດ້ຮັບຜົນປະໂຫຍດທັງໝົດ 531.091 ຄົນ, ຍິງ 272.216 ຄົນ. ການສະໜັບສະໜູນດ້ານການສຶກສາເຫຼົ່ານັ້ນໄດ້ຊ່ວຍເຮັດໃຫ້ເດັກນ້ອຍໃນເກນອາຍຸເຂົ້າໂຮງຮຽນໄດ້ເຂົ້າເຖິງການສຶກສາຫຼາຍຂຶ້ນກວ່າເກົ່າ.

 

ຂໍ້ມູນຈາກເຟສບຸ໊ກ: Prf Fund

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *