ອັບເດດດາວຍິງສູງສຸດ 5 ລີກ ຊັ້ນນຳຂອງເອີລົບລ່າສຸດ

ຫລັງຈາກເກມລີກ ສຳເລັດລົງໃນທ້າຍອາທິດທີ່ຜ່ານມາ ເຊິ່ງອາທິດນີ້ ແລະ ກາງອາທິດໜ້າຈະເປັນເກມທີມຊາດ ຫລາຍລີກຊັ້ນນຳໄດ້ພັກການແຂ່ງຂັນຊົ່ວຄາວ ເພື່ອໃຫ້ນັກເຕະໄປຮັບໃຊ້ຊາດຄັດເລືອກບານໂລກ 2022 ຢູໂລ 2020 ແລະ ການອຸ່ນເຄື່ອງ ເຊິ່ງໃນບົດຂ່າວນີ້ພວກເຮົາຈະນຳສະໜີ 5 ລີກຊັ້ນນຳຂອງເອີລົບ: ອັງກິດ, ສະເປນ, ອິດຕາລີ່, ເຢຍລະມັນ ແລະ ຝຣັ່ງ

+ ພີເມຍລີກອັງກິດ ຈົບການແຂ່ງຂັນທີ່ 8 ນັດ ດາວຍິງສູງສຸດ 8 ປະຕູຮ່ວມກັນແມ່ນ ແທັມມີ່ ອັບບາຮຳ ກອງໜ້າສັນຊາດ ອັງກິດ ອາຍຸ 22 ປີ ຈາກເຊວຊີ ແລະ ເຊຄິໂອ່ ອ່ເກໂລ່ ຈາກ ແມນເຊັດເຕີ່ ຊິດຕີ່, ຮອງລົງມາເປັນອັນດັບ 2 ປີແອ ເອເມລິກ ໂອບາເມຢອງ ຈາກ ອາເຊນ່ອນ 7 ປະຕູ ອັນດັບ 3 ປະກອບມີ ຕີມູ ປຸກກີ່ ຈາກ ນໍລິດ ຊິດຕີ່ ແລະ ລາຮິມ ສະເຕີລິ່ງ ແມນຊິດຕີ່ ຍິງໄປ 6 ປະຕູ , ອັນດັບ 4 ປະກອບມີ ແຮລີ່ ເຄນ, ຊາດິໂອ ມາເນ່, ເຈມມີ່ ວາດີ່ ແລະ ຄໍລໍ່າ ວິວສັນ 5 ປະຕູ

+ ລາລີກ່າ ສະເປນ ຜ່ານໄປ 8 ນັດ ດາວຍິງສູງສຸດ 6 ປະຕູຮ່ວມກັນມີ 3 ຄົນ ຄາລິມ ເບນເຊມ່າ ຈາກ ເລເອົາ ມາດຣິດ, ເຈີຫລາດ ໂມເລໂນ່ ຈາກ ບີຢາ ລີເອົາ ແລະ ໂລເລນ ໂມລອນ ຈາກ ເລເອົາ ເບຕິດ, ອັນດັບ 2 ມີເຖິງ 7 ຄົນ ຍິງໄດ້ ຄົນລະ 4 ປະຕູ ສ່ວນ ເມດຊີ່ ເຈົ້າຂອງລາງວັນດາວຍິງສູງສຸດໃນລະດູການທີ່ຜ່ານມາຍິງໄດ້ 1 ປະຕູ ໃນນັດລ່າສຸດ ຫາກໍ່ເຊົາເຈັບກັບມາ

+ ເຊລິອາ ອິດຕາລີ່ ຈົບ 7 ນັດດາວຍິງສູງສຸດແມ່ນ ຊີໂລ່ ອິມໂມບີເລ່ ຈາກ ລາຊີໂອ່ 7 ປະຕູ, ດູວານ ຊາປາຕ່າ ຈາກ ອັດຕາລັນຕ່າ 6 ປະຕູ, ອັນເດຍ ເບລັອດຕິ ຈາກ ໂຕລີໂນ່ 5 ປະຕູ ເທົ່າກັບ ໂດເມນິໂກ່ ເບລາດີ່ ຈາກ ອັດຊູໂລ່ ຄະນະທີ່ ຄຣິດເຕຍໂນ່ ໂລນັນໂດ່ ຍິງໄປແລ້ວ 3 ປະຕູ

+ ບຸນເດດລີກ່າ ເຢຍລະມັນ ຜ່ານໄປ 7 ນັດ ດາວຍິງສູງສຸດປັດຈຸບັນແມ່ນ ໂລເບີດ ເລວານດັອດກີ່ ຈາກ ບາເຢິນ ມິວນິກ ເຈົ້າຂອງລາງວັນດາວຍິງສູງສຸດໃນລະດູການທີ່ຜ່ານມາ ຍິງໄປແລ້ວ 11 ປະຕູ ຮອງລົງມາ ປາໂກ ອາຄາວເຊ ຈາກ ດັອດມຸນ 5 ປະຕູ ເທົ່າກັບ ຕິໂມ ແວເນີ່ ຈາກ ອາເບໄລ້ຊິກ

+ ສ່ວນລີກເອີງ ຝຣັ່ງ ຈົບ 9 ນັດ ດາວຍິງສູງສຸດແມ່ນ ວິກເຕີ ໂອຊິມເລັນ ສັນຊາດ ໄນຈີເລຍ ອາຍຸ 20 ປີ ຈາກສະໂມສອນ ລິວ 7 ປະຕູ, ອັນດັບ 2 ຍິງໄປ 6 ປະຕູປະກອບມີ ວິນຊໍ່າ ເວຍຢັດເດີ່ ຈາກ ໂມນາໂກ, ມຸດຊ່າ ເດັມເບເລ່ ຈາກ ລີຢົງ ແລະ ຮາບີ່ບຸ ເດຍໂລ່ ຈາກ ເມັດ ຄະນະທີ່ ເນມາ ຍິງໄດ້ 4 ປະຕູ ແລະ ເອັມປັບເປ່ 1 ປະຕູ

 

 

ຂໍ້ມູນມາຈາກ : ສະປອດອັບເດດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *