ເອົາແບບນີ້ເດີ້ໝໍ! ລວມດັງ 10 ຊົງງາມໆຂອງດາລາເກົາຫຼີ

ມື້ນີ້ເຮົາໄດ້ຮວບຮວມເອົາດັງງາມໆແຕ່ລະຊົງຂອງບັນດາໄອດໍ້ເກົາຫຼີ 10 ຄົນ 10 ສະໄຕລ໌ມາໃຫ້ໄດ້ເບິ່ງກັນ ແຕ່ລະຄົນກໍຈະມີດັງທີ່ເຂົ້າກັບບຸກຄະລິກ ແລະ ຮູບໜ້າໃນແບບຂອງຕົນເອງ.

ສາວໆຖືກໃຈດັງຊົງໃດ ບັນທຶກຮູບໄວ້ແລ້ວເອົາໄປໃຫ້ໝໍຊ່ວຍພິຈາລະນາໄດ້ເລີຍ.

10. Jessica

ເຈສສິກ້າ ເປັນໄອດໍ້ສາວງາມອັນດັບຕົ້ນໆຂອງເກົາຫຼີເລີຍກໍວ່າໄດ້ ເພາະມີສັນດັງທີ່ຍາວໄດ້ສັດສ່ວນກັບຮູບໜ້າ ແລະ ປາຍຢົດນໍ້າງາມໆ ຊ່ວຍເຮັດໃຫ້ໜ້າຫວານ ແລະ ມີມິຕິຫຼາຍຂຶ້ນ. ດ້ວຍເຫດນີ້ຈຶ່ງບໍ່ແມ່ນເລື່ອງແປກທີ່ສາວໆຫຼາຍຄົນຈະມີຮູບຂອງເຈສສິກ້າຖືຕິດໄມ້ຕິດມືໄປພົບໝໍ ເພື່ອທີ່ຈະບອກໝໍວ່າຢາກໄດ້ດັງແບບຄົນນີ້.

9. Taeyeon SNSD

ດັງຂອງແທຢອນ ຈະເນັ້ນສັນທີ່ຄົມຊັດຕັ້ງແຕ່ບໍລິເວນຫົວຕາ ແລະ ປາຍດັງຈະສູງເຊີດຂຶ້ນໜ້ອຍໜຶ່ງ. ດັງຊົງນີ້ຊ່ວຍໃຫ້ໜ້າເບິ່ງມີມິຕິທຸກມຸມມອງ, ເວລາໃສ່ແວ່ນຕາແລ້ວມີບ່ອນໃຫ້ຢືດເກາະ ບໍ່ໄຫຼລົງແນ່ນອນ. ເຊື່ອວ່າມີສາວໆຈຳນວນບໍ່ໜ້ອຍເລີຍທີ່ມັກຊົງດັງຂອງແທຢອນ, ຖ້າເປັນແນວນັ້ນກໍເອົາຮູບແທຢອນໃຫ້ໝໍເບິ່ງໄດ້ເລີຍ.

8. Krystal F(x)

ດັງຂອງຄຣິສຕັນໂດ່ງງາມ, ປາຍມົນເປັນຮູບຢົດນໍ້າ ເປັນສັນຢ່າງຊັດເຈນ. ຫຼາຍຄົນຮ່ວມຢືນຢັນເປັນສຽງດຽວກັນວ່າ ຄຣິສຕັນ ບໍ່ໄດ້ສັນຍະກຳຢ່າງແນ່ນອນ ເຊິ່ງເຮົາກໍຄິດແບບນັ້ນ ເພາະສັງເກດໄດ້ຈາກຄວາມໂຄ້ງອອກໄປທາງງຸ້ມໆເລັກນ້ອຍບໍລິເວນສັນດັງມາຮອດປາຍດັງຂອງລາວ. ການມີດັງງາມໆແບບນີ້ ເຮັດໃຫ້ໃບໜ້າເບິ່ງມີມິຕິຫຼາຍຂຶ້ນ, ຈະຖ່າຍຮູບເຊິ່ງໜ້າ ຫຼື ດ້ານຂ້າບ ມຸມໃດກໍອອກມາງາມ.

7. YoonA SNSD

ດັງຂອງຢຸນອາ ເອີ້ນວ່າເປັນດັງຊົງບາບີ້ລາຍ ທີ່ເບິ່ງເປັນທຳມະຊາດສຸດໆ ເຮັດໃຫ້ໜ້າຫວານ ແລະ ອ່ອນໄວຂຶ້ນ ເລີຍເຮັດໃຫ້ດັງຊົງແບບຢຸນອານັ້ນເປັນທີ່ນິຍົມ ແລະ ສາວໆໃຫ້ຄວາມສົນໃຈຫຼາຍ ແຕ່ການທີ່ຈະເຮັດດັງຊົງນີ້ໄດ້ນັ້ນບໍ່ແມ່ນເລື່ອງງ່າຍເຊັ່ນກັນ ເພາະຕ້ອງຜ່ານການພິຈາລະນາຈາກໝໍກ່ອນ, ຕ້ອງເບິ່ງກ່ອນວ່າພື້ນຖາມເດີມຂອງເຈົ້າຂອງດັງນັ້ນເປັນແນວໃດ.

6. IU

ດັງຂອງໄອຢູ ເທົ່າທີ່ຮູ້ມາແມ່ນໜ້າຈະເປັນດັງທຳມະຊາດ, ສັງເກດໄດ້ຈາກສັນດັງທີ່ມີຄວາມງຸ້ມເລັກນ້ອຍ (ຖ້າເສີມດັງມາສັນດັງຈະຊື່ກວ່ານີ້). ໄອຢູເປັນຄົນທີ່ປາຍດັງໂດ່ງຢູ່ແລ້ວ, ດັງຊົງນີ້ເບິ່ງແລ້ວໜ້າຮັກ ເປັນຕາບີບຫຼິ້ນສຸດໆເລີຍ ເຮົາເຊື່ອວ່າຫຼາຍໆຄົນໃຝ່ຝັນຢາກໄດ້ດັງແບບນີ້ ເວລາຖ່າຍຮູບແບບອ່ຽງຂ້າງແລ້ວໜ້າຈະເບິ່ງມີມິຕິສຸດໆ.

5. Suzy

ດັງຂອງຊູຈີເປັນຊົງຢົດນໍ້າ, ຊົງຢົດນໍ້າກໍຄືການເສີມປາຍດັງໃຫ້ຍາວຂຶ້ນຄ້າຍໆກັບຢົດນໍ້າ ເຊິ່ງຊົງນີ້ຈະເໝາະກັບຄົນທີ່ມີຮູບດັງຍາວພໍເໝາະ ແລະ ປາຍດັງມີຊີ້ນຢູ່ພໍສົມຄວນ. ແຕ່ຖ້າຫາກໃຜທີ່ມີຊີ້ນປາຍດັງໜ້ອຍຢ່າຄິດທີ່ຈະຝືນເຮັດເລີຍ ເພາະມັນສ່ຽງທີ່ຊິລິໂຄນຈະຊອດໄດ້.

4. Lisa BLACKPINK

ລິຊ່າເປັນຄົນທີ່ມີສັນດັງຊັດເຈນ ແລະ ມີຊີ້ນບໍລິເວນດັງທີ່ຫຼາຍຢູ່ແລ້ວ ຖ້າໃຜຢາກໄດ້ດັງງາມໆເບິ່ງເປັນທຳມະຊາດແບບລິຊ່າ ກໍໃຫ້ໝໍເສີມສັນຂຶ້ນມາອີກໜ້ອຍໜຶ່ງ ເພື່ອໃຫ້ດັງເບິ່ງຄົມຂຶ້ນ, ໃຊ້ກະດູກອ່ອນຈາກໃບຫູມາເສີມບໍລິເວນປາຍດັງເພີ່ມອີກໜ້ອຍໜຶ່ງ ແລະ ອາດຈະມີການຕັດປີກດັງອີກໜ້ອຍໜຶ່ງເພື່ອເຮັດໃຫ້ເບິ່ງສົມສ່ວນ.

3. Irene Red Velvet

ນີ້ແມ່ນດັງຊົງທີ່ໄດ້ຮັບຄວາມນິຍົມຫຼາຍໃນແວດວົງດາລາ, ເໝາະກັບຄົນທີ່ມີບັນຫາດັງບໍ່ໂດ່ງ ຫຼື ບໍ່ສົມສ່ວນ. ເມື່ອເຮັດແລ້ວດັງຈະເປັນສັນມາແຕ່ບໍລິເວນຫົວຕາ, ປາຍດັງຈະຍົກສູງຂຶ້ນ ເຊິ່ງຈະເຮັດໃຫ້ໃບໜ້າສົມສ່ວນຍິ່ງຂຶ້ນ.

2. SEOLHYN AOA

ດັງຂອງຊອລຮະຢອນ ເປັນດັງທີ່ສັນດັງບໍ່ສູງຈົນເກີນໄປ, ຊົງດັງຍາວມີປາຍຢົດນໍ້າໄດ້ສັດສ່ວນ, ມີຄວາມເປັນສາວອາຊີຢ່າງຊັດເຈນ. ແຕ່ກໍຄືທີ່ບອກໄປວ່າປາຍຢົດນໍ້ານັ້ນຈະເໝາະກັບຄົນທີ່ມີຮູບດັງຍາວ ແລະ ປາຍດັງມີຊີ້ນຢູ່ແລ້ວ.

1. Hyun Ah

ຮະຢອນອາ ເປັນຄົນທີ່ສັນດັງຄ່ອນຂ້າງໂດ່ງ, ປາຍດັງເຊີດຂຶ້ນ ແຕ່ບໍ່ແຫຼມຈົນເກີນໄປ, ບໍ່ມີຢົດນໍ້າ ເຊິ່ງເບິ່ງແລ້ວເໝາະກັບບຸກຄະລິກຂອງນາງເປັນຢ່າງຍິ່ງ ເພາະຈະຍິ່ງເຮັດໃຫ້ງາມເຊັກຊີ, ເປັນຊົງທີ່ຄ້າຍຄືກັບດັງຂອງຄົນຕ່າງປະເທດ.

ແຕ່ທັງນີ້ຄົນທີ່ເໝາະກັບດັງຊົງນີ້ຄວນເປັນຄົນທີ່ມີພື້ນຖານດັງງຸ້ມ ຫຼື ດັງບານ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *