ບອລລູນຊົມວິວທີ່ປະເທດຈີນ ລະເບີດກາງອາກາດ ສອງແມ່ລູກຕົກຈາກຄວາມສູງ 3.000 ແມັດ

ສຳນັກຂ່າວຕ່າງປະເທດລາຍງານເມື່ອວັນທີ່ 4 ຕຸລາ 2019 ວ່າ ເກີດເຫດສະຫລົດໃຈໃນປະເທດຈີນ ເມື່ອບອລລູນ ຊົມວິວໃນມົນທົນຊານຕົງ ທາງພາກຕາເວັນອອກເກີດລະເບີດຂະນະໃຫ້ບໍລິການສອງແມ່ລູກນັກທ່ອງທ່ຽວ ສົ່ງຜົນໃຫ້ທັງຄູ່ເສຍຊີວິດຢ່າງສະຫລົດ

ລາຍງານລະບຸວ່າເຫດດັ່ງກ່າວເກີດຂື້ນເມື່ອວັນທີ່ 1 ຕຸລາຜ່ານມາ ຈາກຄລິບວິດີໂອທີ່ມີຜູ້ບັນທຶກໄວ້ ເຜີຍໃຫ້ເຫັນຍິງຄົນຫນື່ງ ແລະລູກສາວໃນໄວປະຖົມສຶກສາ ນັ່ງຢູ່ເທີງບ່ອນນັ່ງ 2 ບ່ອນຊື່ງເຮັດຂື້ນສຳລັບນັ່ງແທນສ່ວນກະເຊົ້າຄືກັບບອລລູນທົ່ວໄປ ໂດຍເຈົ້າຫນ້າທີ່ຜູ້ໃຫ້ບໍລິການບອລລູນຊົມວິວ ໃສ່ສາຍນິລະໄພໃຫ້ກັບ ທັງສອງຄົນ ກ່ອນຈະປ່ອຍບອລລູນທີ່ມີເຊືອກຍຶດໄວ້ກັບພື້ນຂື້ນສູ່ທ້ອງຟ້າ

ແຕ່ແລ້ວເມື່ອເຖິງຄວາມສູງທີ່ລະດັບ 10,000 ຟຸດ (ປະມານ 3.048 ແມັດ) ບອລລູນກໍ່ຫາຍໄປ ຄາດວ່າເກີດລະເບີດເພາະກາຍຄວາມສູງທີ່ບອລລູນອາກາດຮ້ອນສາມາດລອຍຂື້ນໄປໄດ້ປະມານ 300 ເຖິງເກືອບໆ 1.000 ແມັດ ສົ່ງຜົນໃຫ້ຜູ້ຄົນຈຳນວນຫລາຍທີ່ຢູ່ດ້ານລຸ່ມຕ້ອງຕົກໃຈກັບພາບເຫດການສະຫຍອງຂອງຮ່າງແມ່ລູກທີ່ຕົກຈາກດ້ານເທີງ ແລະກະແທກລົງກັບພື້ນດ້ານລຸ່ມຢ່າງແຮງຈົນຮ່າງຫມຸ່ນລະອຽດ

ເບື້ອງຕົ້ນທາງການທ້ອງຖິ່ນສັ່ງປິດທຸລະກິດບອລລູນຊົມວິວເປັນການຊົ່ວຄາວ ແລະກຳລັງເລັ່ງສອບສວນຫາສາເຫດເພື່ອດຳເນີນຄະດີ

 

 

ຂໍ້ມູນມາຈາກ : ຂ່າວດັງ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *