ແມ່ຕູ້ຊາວຍີ່ປຸ່ນໄວ 89 ປີ ເປີດເຜີຍ ການຫຼິ້ນເກມ ເຮັດໃຫ້ຮູ້ສຶກຄືກັບ ໄດ້ເກີດໃໝ່

ແມ່ຕູ້ນັກຫຼິ້ນເກມ ຊາວຍີ່ປຸ່ນ ໄວ 89 ປີ ເປີດເຜີຍ ຫຼິ້ນເກມເປັນກິດຈະກຳຍາມວ່າງ ຊ່ວຍເຮັດໃຫ້ຮູ້ສຶກ ຄື ໄດ້ຊີວິດໃໝ່ກັບຄືນມາ.
ຮາມາໂກະ ໂມຣິ ໄວ 89 ປີ ຊາວເມືອງໂຕກຽວ ປະເທດຍີ່ປຸ່ນ ໃຫ້ສຳພາດກັບສື່ເກມ ຂອງຍີ່ປຸ່ນວ່າ ຕົນເອງຫຼິ້ນເກມມາດົນ ເກືອບ 40 ປີ ນັບຕັ້ງແຕ່ ຈັບເກມຄອນໂຊລ ເທື່ອທຳອິດ ໃນເກມ Cassette Vision ໃນປີ 1981. ຫຼັງຈາກນັ້ນ ລາວກໍຫຼິ້ນເກມເລື້ອຍມາ ຈົນເຖິງປັດຈຸບັນ.
ຈຸດເລີ່ມຕົ້ນ ການຫຼິ້ນເກມຂອງ ຮາມາໂກະ ນັ້ນມາຈາກ ການທີ່ເຫັນ ເດັກຮຸ່ນໃໝ່ຫຼິ້ນເກມ ລາວຈຶ່ງເລີ່ມຮຽນຫຼິ້ນ ແລະ ເຖິງວ່າລາວຈະເລີ່ມຫຼິ້ນ ຕອນທີ່ມີອາຍຸຫຼາຍແລ້ວ ແຕ່ການຫຼິ້ນເກມ ເຮັດໃຫ້ລາວຮູ້ສຶກ ຄື ມີຊີວິດໃໝ່ອີກເທື່ອ ແລະ ການຫຼິ້ນເກມກໍໄດ້ກາຍເປັນ ໜຶ່ງໃນກິດຈະກຳຍາມວ່າງ ຂອງລາວມາດົນ ເກືອບ 40 ປີແລ້ວ.

ໄຄສຸເກະ ນາກາໂອ ຫຼານຊາຍຂອງ ຮາມາໂກະ ກ່າວວ່າ ການຫຼິ້ນເກມ ຕ້ອງໃຊ້ການຝຶກຝົນ ແລະ ການຮຽນຮູ້ເປັນຢ່າງສູງ ຊຶ່ງເຮັດໃຫ້ແມ່ຕູ້ຂອງລາວ ໄດ້ບໍລິຫານຮ່າງກາຍ ແລະ ສະໝອງຂອງຕົນເອງ ໄປນຳກັນ.
ປັດຈຸບັນ ຮາມາໂກະ ໄດ້ກາຍມາເປັນ ຢູທູບເບີ ທີ່ມີຜູ້ຕິດຕາມ ກວ່າ 40,000 ຄົນ ໂດຍລາວອັບໂຫຼດວິດີໂອເກມຕ່າງໆ ທີ່ຕົນເອງຫຼິ້ນ ລົງໃນຊ່ອງຢູທູບ ຊາເເນວ ຂອງຕົນເອງ ທີ່ຊື່ວ່າ “Gamer Grandma” ເຊິ່ງມີຫຼາຍກວ່າ 80 ຄລິບ ນັບຕັ້ງແຕ່ລາວເລີ່ມ ເຂົ້າສູ່ໂລກຂອງຢູທູບ ໃນປີ 2014.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *