ທາລິບແນວໃດໃຫ້ຕິດທົນບໍ່ມີຮອຍແຕກ

1.ສະຄັບປາກທຸກວັນ

ເປັນຂັ້ນຕອນສຳຄັນເລີຍ ພຽງຂັດເບົາໆໃຫ້ທົ່ວປາກທຸກວັນ ເພື່ອຜັດເຊວຜິວໃຫ້ຮອຍແຕກແຫ້ງຫຼຸດອອກໄປ ຈະເຮັດໃຫ້ທາລິບນຽນແລະຕິດທົນຂື້ນຫຼາຍເລີຍ ວິທີກໍ່ພຽງໃຊ້ຜ້ານຸ້ມຊູບນ້ຳແລ້ວເຊັດເບົາໆ ຫຼືໃຊ້ລິບສະຄັບ ເກືອກໍ່ໄດ້ ເອົາມາຖູຂັດເບົາໆ ແລ້ວລ້າງອອກເຮັດທຸກວັນຈະຍິ່ງເຫັນຜົນ

2.ທາລິບມັນກ່ອນນອນ

ຖ້າບໍ່ຢາກໃຫ້ປາກແຫ້ງກໍ່ຕ້ອງບຳລຸງໃຫ້ປາກຊຸ່ມຊື່ນຢູ່ຕະຫຼອດເວລາ ໂດຍສະເພາະຕອນກາງຄືນທີ່ອາກາດແຫ້ງ ມັກຈະເຮັດໃຫ້ຕື່ນມາແລ້ວປາກແຕກລອກ ລອງທາລິບມັນກ່ອນເຂົ້ານອນເປັນປະຈຳ ຕື່ນມາຈະຮູ້ສຶກວ່າປາກນຽນນຸ້ມແລະທາລິບໄດ້ງ່າຍຂື້ນ

3.ລົງຄອນຊິວເລີ້ບາງໆ

ກ່ອນທາລິບແນະນຳໃຫ້ກົບສີປາກແລະຮອຍແຕກໃຫ້ສະໝ່ຳສະເໝີດ້ວຍຄອນຊິວເລີ້ກ່ອນ ພຽງແຕະເບົາໆດ້ວຍຟອງນ້ຳໂດຍບໍ່ຕ້ອງໃຫ້ນາເກີນໄປ ເພາະຍິ່ງໜ້ຈະຍິ່ງເຮັດໃຫ້ເຫັນຮອຍແຕກຊັດເຈນຂື້ນ ຢ້ຳວ່າບາງໆກໍ່ພໍ

4.ໃຊ້ແປງທາລິບ

ຖ້າປາກຍັງບໍ່ນຽນນຸ້ມລາຍພໍ ໃຫ້ໃຊ້ແປງເຂ່ຍສີລິບໃຫ້ອຸ່ນໆກ່ອນແລ້ວຄ່ອຍໆທາລົງທີ່ປາກ ແປງຈະຊ່ວຍໃຫ້ທາລິບໄດ້ງ່າຍຂື້ນແລະນຽນຂື້ນ ສີລິບໍ່ສະດຸດກັບປາກທີ່ແຫ້ງແຕກຂອງເຮົາ ສ່ວນໃຜທີ່ທາລິບແບບຈິ້ມຈຸ່ມກໍ່ໃຫ້ໃຊ້ນິ້ວເກ່ຍໃຫ້ສີລິບນຽນໄປກັບປາກດ້ວຍ

5.ຊັບດ້ວຍແປ້ງຝຸ່ນເບົາໆ

ຂັ້ນຕອນສຸດທ້າຍຄືຕົບເບົາໆດ້ວຍແປ້ງຝຸ່ນຫຼືທີ່ເຫຼືອຕິດພັບ ຫຼືຈະເມັ້ມເຈັ້ຍທິດຊູ່ແລ້ວຕົບດ້ວຍແປ້ງຜ່ານເຈັ້ນທິດຊູ່ກໍ່ໄດ້ ແປ້ງຝຸ່ນຈະຊ່ວຍໃຫ້ລິບເຊັດໂຕແລະຕິດທົນບົນປາກຫຼາຍຂື້ນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *