ກອງປະຊຸມເປີດກວ້າງຜ່ານຮ່າງດຳລັດວ່າດ້ວຍການຄຸ້ມຄອງທ່າບົກ

ໃນຕອນເຊົ້າຂອງວັນທີ 3 ຕຸລາ 2019 ທີ່ຫ້ອງປະ ຊຸມພະແນກໂຍທາທິການ ແລະຂົນສົ່ງແຂວງສະຫວັນ ນະເຂດ ໄດ້ຈັດກອງປະຊຸມ​ເປີດ ກວ້າງປະກອບຄຳຄິດຄຳເຫັນ ຕໍ່ຮ່າງດຳລັດວ່າດ້ວຍການຄຸ້ມ ຄອງທ່າບົກ ໂດຍການເຂົ້າ ຮ່ວມເປັນທານຂອງທ່ານ ວຽງ ສະຫວັດ ສີພັນດອນ ຮອງລັດ ຖະມົນຕີກະຊວງໂຍທາທິຫານ ແລະຂົນສົ່ງ, ທ່ານບຸນເຫຼື່ອມ ສີສຸລາດ ຜູ້ຊ່ວຍລັດຖະມົນຕີ ກະຊວງໂຍທາທິການ ແລະ ຂົນສົ່ງ, ບັນດາທ່ານຄະນະ ກົມຈາກກະຊວງໂຍທາທິການ ແລະຂົນສົ່ງ, ກະຊວງທີ່ກ່ຽວ ຂ້ອງທັງສູນກາງ ແລະຂະແໜງ ການທີ່ກ່ຽວຂ້ອງຂອງທ້ອງ ຖິ່ນ, ຜູ້ຕາງໜ້າຈາກສະມາ ຄົມຜູ້ຈັດສົ່ງ ແລະຂົນສົ່ງລະ ຫວ່າງປະເທດ ແລະຜູ້ປະກອບ ການຂົນສົ່ງ ແລະໂລຈິດສະຕິກ ກໍ່ເຂົ້າຮ່ວມ.

ໃນກອງປະຊຸມທ່ານວິ ໄລພັນ ໄຊຍະວົງ ຮອງຫົວໜ້າ ກົມຂົນສົ່ງກະຊວງໂຍທາ ທິການ ແລະຂົນສົ່ງກໍ່ໄດ້ລາຍ ງານສະພາບລວມ, ເນື້ອໃນ ແລະຄາດຄະເນຜົນໄດ້ຮັບ ຂອງດຳລັດວ່າດ້ວຍການຄຸ້ມ ຄອງທ່າບົກ ເພື່ອກຳນົດຫຼັກ ການ, ລະບຽບການ ແລະມາດ ຕະການໃນການຄຸ້ມຄອງ ແລະຕິດຕາມກວດກາທ່າບົກ ຊຶ່ງແມ່ນເຂດໂລຈິດສະຕິກທີ່ມີທີ່ຕັ້ງຢູ່ເທິງບົກທີ່ເຊື່ອມຕໍ່ ກັບໜຶ່ງ ຫຼືຫຼາຍຮູບແບບການ ຂົນສົ່ງແນ່ໃສ່ການນຳໃຊ້ທ່າ ແຮງ ແລະທີ່ຕັ້ງຂອງ ສປປ ລາວ ເພື່ອສົ່ງເສີມການນຳເຂົ້າ ແລະສົ່ງອອກສິນຄ້າລະຫວ່າງ ປະເທດ ແລະຜ່ານແດນໃຫ້ ມີປະສິດທິພາບ ແລະປະສິດ ທິຜົນ, ພ້ອມທັງເຮັດໃຫ້ການ ບໍລິການດ້ານຄົມມະນາຄົມ-ຂົນສົ່ງມີຄວາມໂລ່ງລ່ຽນ, ປອດໄພ, ວ່ອງໄວ, ທັນສະໄໝ, ລາຄາຖືກ ແລະເປັນມິດຕໍ່ສິ່ງ ແວດລ້ອມ, ສາມາດດຶງດູດ ແລະສົ່ງເສີມການລົງທຶນພາຍ ໃນ ແລະຕ່າງປະເທດ ພ້ອມທັງ ຮັບປະກັນການເຊື່ອມໂຍງ, ເຊື່ອມຈອດພາກພື້ນ ແລະສາ ກົນ.

ສະນັ້ນ, ໃນກອງປະຊຸມ ເປີດກວ້າງຜ່ານຮ່າງດຳລັດ ໃນຄັ້ງນີ້ຈຶ່ງໄດ້ມີການປະກອບຄຳຄິດຄຳເຫັນ ທີ່ມາຈາກຂະ ແໜງການທີ່ກ່ຽວຂ້ອງທັງພາກ ລັດ ແລະທັງຜູ້ປະກອບການ ຂົນສົ່ງສິນຄ້າ, ຜູ້ປະກອບການ ໂລຈິດສະຕິກ ແລະຜູ້ດຳເນີນ ການທ່າບົກເພື່ອປຶກສາຫາລື ຮ່ວມກັນໃນການສ້າງນິຕິກຳ ໃຫ້ໄດ້ມາດຕະຖານໃນການພັດ ທະນາ ແລະຄຸ້ມຄອງທ່າບົກໃຫ້ສາມາດຈັດຕັ້ງປະຕິບັດໄດ້ຢ່າງມີປະສິດທິຜົນໃນອະນາຄົດ.

 

 

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *