ລັດ­ຖະ­ມົນ­ຕີ ປທສ ຕ້ອນ­ຮັບ​ທູດຍີ່­ປຸ່ນ ຄົນ​ໃໝ່

ໃນ​ວັນ​ທີ 2 ຕຸລາ​ນີ້, ທ່ານ ທັນ​ສະໄໝ ກົມ​ມະ​ສິດ ລັດຖະ ມົນຕີ​ກະຊວງໄປສະນີ, ໂທລະ​ຄົມມະນາຄົມ ແລະ ການ​ສື່ສານ (ປທສ) ໄດ້​ຕ້ອນຮັບທ່ານ ເຄ​ໂຊ ທາ​ເກ​ວະ​ກະ (Keizo Takewaka) ເອກ​ອັກຄະລາຊະທູດ​ວິສາມັນຜູ້​ມີ​ອຳນາດ​ເຕັມ ແຫ່ງ ຢີ່​ປຸ່ນ ປະຈຳ ສປປ ລາວ ໃນ​ວັນ​ທີ 2 ຕຸລາ​ນີ້ ທີ່​ກະຊວງ ປທສ ເນື່ອງ​ໃນ​ໂອກາດ ມາ​ດໍາ​ລົງ​ຕໍາ​ແໜ່ງ ເປັນ​ເອກ​ອັກຄະລາຊະທູດ​ຄົນ​ໃໝ່ ປະຈຳ ສປປ ລາວ.

ໃນ​ໂອກາດ​ນີ້, ທ່ານ ທັນ​ສະໄໝ ກົມ​ມະ​ສິດ ໄດ້​ສະແດງ​ຄວາມ​ຕ້ອນຮັບ, ຊົມເຊີຍ ແລະ ຕີ​ລາຄາ​ສູງຕໍ່​ທ່ານ ເຄ​ໂຊ ທາ​ເກ​ວະ​ກະ ທີ່​ໄດ້​ຖືກ​ແຕ່ງຕັ້ງໃຫ້​ ມາ​ປະຕິບັດ​ໜ້າທີ່​ການ​ທູດຢູ່ ສປປ ລາວ ຊຶ່ງ​ເປັນ​ການ​ປະ ກອບສ່ວນ​ອັນ​ສຳຄັນເຂົ້າ​ໃນ​ ການ​ເສີມ​ຂະຫຍາຍສາຍ​ພົວ ພັນ​ມິດຕະພາບ ແລະ ການຮ່ວມ​ ມື ລະຫວ່າງ 2 ປະເທດໃຫ້​ມີ​ຄວາມ​ແໜ້ນ​ແຟ້ນ​ຍິ່ງໆ​ຂຶ້ນ.

ນອກຈາກ​ນີ້ ທັງ​ສອງ​ຝ່າຍ ຍັງ​ໄດ້​ມີ​ການ​ປຶກສາ​ຫາລື  ແລະ ແລກປ່ຽນ​ຄຳ​ຄິດ​ຄຳ​ເຫັນກ່ຽວ​ກັບ​ການ​ຮ່ວມ​ມື​ທາງ​ດ້ານ​ຂະ ແໜງການ​ໄປສະນີ, ໂທລະ​ຄົມມະ ນາຄົມ ແລະ ການ​ສື່ສານກໍ່​ຄື ການ​ເສີມ​ຂະຫຍາຍ​ສາຍ​ພົວ ພັນຮ່ວມ​ມື​ອັນ​ດີງາມ​ລະຫວ່າງ 2 ລັດຖະບານ ແລະ ປະຊາຊົນ 2 ຊາດ​ລາວ – ຍີ່ປຸ່ນ ໃຫ້​ມີ​ການ​ຂະຫຍາຍຕົວ​ເພີ່ມ​ຂຶ້ນ​ເລື້ອຍໆ.
ທ່ານ​ທູດຍີ່ປຸ່ນ ໄດ້​ສະແດງ​ຄວາມ​ຂອບໃຈຕໍ່ທ່ານລັດຖະ ມົນຕີ ກະຊວງ ປທສ ທີ່​ໃຫ້ການ​ຕ້ອນຮັບ​ການ​ເຂົ້າ​ຢ້ຽມຂໍ່າ​ນັບ​ໃນ​ຄັ້ງ​ນີ້ຢ່າງ​ອົບ​ອຸ່ນ, ເປັນ​ກັນ​ເອງ ພ້ອມ​ທັງ ຈະ​ສືບຕໍ່​ປະຕິບັດ​ໜ້າທີ່​ການ​ທູດ​ຂອງ​ຕົນ ໃຫ້​ໄດ້​ຮັບ​ຜົນ​ສໍາ​ເລັດ​ອັນ​ຈົບ​ງາມ.
(ຂ່າວ-ພາບ: ພະ​ແນ​ກ​ເລຂາ​ນຸ​ການ​-​ພິທີ​ການ)

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *