ສປປ ເກົາຫຼີ ຢັ້ງຢືນການທົດລອງລູກສອນໄຟ

ສຳນັກຂ່າວສານສູນກາງຂອງ ສປປ ເກົາຫຼີ (KCNA) ລາຍງານເມື່ອວັນທີ  3 ຕຸລານີ້ວ່າ ສະຖາບັນວິທະຍາສາດປ້ອງກັນຊາດຂອງ ສປປ ເກົາຫຼີ ໄດ້ປະສົບຄວາມ ສຳເລັດ ໃນການທົດລອງຍິງລູກສອນໄຟນຳວິຖີ ໂດຍຍິງຈາກກຳປັ່ນດຳນ້ຳ (SLBM) ປະເພດໃໝ່.

ລູກສອນໄຟທີ່ຍິງທົດລອງດັ່ງກ່າວມີຊື່ວ່າ Pukguksong-3 ຖືກຍິງໄປໃນທິດ ຕັ້ງສາກ ຊຶ່ງມີຂຶ້ນເມື່ອວັນທີ 2 ຕຸລານີ້ ທີ່ເຂດທະເລນອກຝັ່ງອ່າວ ວອນຊານ.

KCNA ໃຫ້ຮູ້ວ່າ ການຍິງທົດລອງດັ່ງກ່າວ ໄດ້ເປັນການຢັ້ງຢືນໃນດ້ານ ວິທະຍາສາດ ແລະ ຍຸດທະສາດທີ່ສຳຄັນ ຂອງລູກສອນໄຟປະເພດໃໝ່ ໂດຍທີ່ບໍ່ໄດ້ເກີດອຸບັດເຫດໃດໆ ທີ່ອັນຕະລາຍຕໍ່ຄວາມສະຫງົບຂອງບັນດາປະເທດ ໃກ້ຄຽງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *