ເປີດຈຳໜ່າຍ ເຄື່ອງສຳອາງ ຊິເຊໂດ້ ຈາກປະເທດຍີ່ປຸ່ນ

ເມື່ອບໍ່ດົນມານີ້, ບໍລິສັດ ຊິເຊໂດ້ ລາວ(shisedo lao) ໄດ້ເປີດສາຂາຈຳໜ່າຍ ເຄື່ອງສໍາອາງ ຍີ່ຫໍ້ ຊິເຊໂດ້ ສາຂາ Beauty Avenue ເຊິ່ງນໍາເຂົ້າຜະລິດຕະພັນ ຈາກປະເທດຍີ່ປຸ່ນ ມາຈຳໜ່າຍ ເປັນຕົ້ນແມ່ນ ຄີມບໍາລຸງໜ້າ, ນໍ້າຕົບ, ໂຟມລ້າງໜ້າ, ຄີມກັນແດດ, ແປ້ງຮອງພື້ນ ແລະ ອື່ນໆ ເຊິ່ງຮ້ານດັງກ່າວ ຕັ້ງຢູ່ ບ້ານອານຸ ສະຖົນສາມແສນໄທ ນະຄອນຫລວງວຽງຈັນ.

ທ່ານ ມິກິໂອະ ກຸລະຕະ ປະທານບໍລິສັດ ບິວຕີ້ໂພດັກ ຂາອອກ-ຂາເຂົ້າ ຈຳກັດ ໄດ້ກ່າວວ່າ: ຊິເຊໂດ້ ເປັນຜະລິດຕະພັນ ເຄື່ອງສຳອາງ ທີ່ຢູ່ຄຽງຄູ່ກັບໜຸ່ມສາວຍີ່ປຸ່ນ ມາຫລາຍກວ່າ 150 ປີ, ເປັນຜະ ລິດຕະພັນ ທີ່ມີຄຸນນະພາບ ເໜາະກັບ ທຸກສະພາບຜິວ ເຊິ່ງເປັນທີ່ນິຍົມຕິດອັນດັບຕົ້ນໆ ແລະ ມີວາງຈຳໜ່າຍເກືອບທົ່ວໂລກ ເຊັ່ນດຽວກັນກັບ ສປປ ລາວ ກໍໄດ້ມີສາຂາຈຳໜ່າຍຢູ່ຫລາຍແຫ່ງ ເຊັ່ນ: ສາຂາ ວິວມໍ, ສາຂາ ວຽງຈັນເຊັນເຕີ ແລະ ສາຂາ Beauty Avenue ເພື່ອຮອງຮັບຄວາມ ຕ້ອງການຂອງລູກທີ່ມີຈຳນວນເພີ່ມຂຶ້ນ.

ທ່ານ ມິກິໂອະ ກຸລະຕະ ໃຫ້ຮູ້ອີກວ່າ: ຜະລິດຕະພັນ ຊິເຊໂດ້ ທຸກຊະນິດ ແມ່ນໄດ້ຜ່ານການທົດລອງ, ຄົ້ນຄວ້າ ແລະ ວິໄຈແລ້ວວ່າ ບໍ່ມີອັນຕະລາຍຕໍ່ຜິວ ອີກທັງຍັງເນັ້ນໃນເລື່ອງຄຸນນະພາບ ຕອບສະໜອງທຸກບັນຫາຜິວ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *