ເມືອງສອງຄອນ ຖືກນ້ຳຖ້ວມປີທີສອງ ຕ້ອງການເຂົ້າກິນ 600 ໂຕນ

ໃນໂອກາດເຄື່ອນໄຫວເຮັດວຽກຢູ່ເມືອງສອງຄອນ ແຂວງສະຫວັນນະເຂດ​ ພາຍຫລັງນ້ຳບົກແຫ້ງ ແລະ​ ຢູ່ໃນໄລຍະຟື້ຟູ ທີມຂ່າວໄດ້ເຂົ້າສຳພາດ ທ່ານ​ ພຸດທະວົງ ພົມມະຈັກ ຮອງເລຂາພັກເມືອງສອງຄອນ,​ ປະທານຄະນະປ້ອງກັນ ແລະ ຄວບຄຸມໄພພິບັດຂັ້ນເມືອງ ໃນວັນມທີ 3​ ຕຸລາ​ 2019​ ​ນີ້ວ່າ: ເມືອງສອງຄອນປະ ກອບມີ 12 ກຸ່ມບ້ານ,​ ມີ 95 ບ້ານ,​ ມີພົນລະເມືອງ​ 1.800 ກວ່າຄົນ; ​ເນື້ອທີ່ການຜະລິດນາປີ 34.700 ກວ່າເຮັດຕາ,​ ນາແຊງ 4.300 ກວ່າເຮັດຕາ​ ແລະ ເລີ່ມແຕ່ວັນທີ 26 ສິງຫາ ​2019​ ໄດ້ຖືກໄພ ພິບັດນ້ຳຖ້ວມເນື້ອທີ່ນາທັງໝົດມີ 36 ບ້ານ,​ ຖ້ວມໜັກ​ 19 ບ້ານ ເຊິ່ງໄດ້ຍ້າຍປະຊາ ຊົນໄປສູ່ບ່ອນປອດໄພມີ 11 ບ້ານ,​ ສ້າງຄວາມເສຍຫາຍຫລາຍມູນຄ່າປະມານ 100​ ຕື້ກວ່າກີບ.

ທ່ານ​ ພຸດທະວົງ ໃຫ້ຮູ້ຕື່ມວ່າ: ພາຍຫລັງນ້ຳແຫ້ງລົງ ທາງເມືອງຂອງພວກເຮົາ ກໍໄດ້ສຸມໃສ່ຟື້ນຟູ​ໂດຍສະເພາະໄດ້ເຮັດອານາໄມ ປັດຈຸບັນບັນດາໂຮງຮຽນ ແລະ ສຸກສາລາ ແມ່ນໄດ້ເປີດການຮຽນ-ການສອນ ແລະ ບໍລິການເປັນປົກກະຕິແລ້ວ. ພ້ອມນີ້​ທາງເມືອງພວກເຮົາກໍມີ ແຜນຄວາມຕ້ອງການເຂົ້າກິນ​ ທີ່ເປັນປັດໄຈສຳຄັນ ໃນການດຳລົງຊີວິດ ​ເພາະວ່າປີຜ່ານມາເຂົາເຈົ້າກໍຖືກນ້ຳຖ້ວມ ຕົກມາປີນີ້ຖືກຖ້ວມຊ້ຳອີກ ດັ່ງນັ້ນ ຖືວ່າຄວາມຕ້ອງການ ທີ່ໄດ້ສະເໜີຂັ້ນເທິງປະມານ 600​ ກວ່າໂຕນ ໃຫ້ກຸ້ມກິນປະມານ 3 ເດືອນ ໄລຍະການຟື້ນຟູ,​ ພ້ອມສະເໜີແນວພັນ ທີ່ຈະສຸມໃສ່ການຜະລິດໃນນາປີ ​ແລະ ​ນາແຊງປະມານ 400 ກວ່າໂຕນ, ສະເພາະນາແຊງ ປະມານ ​200 ກວ່າໂຕນ ໂດຍສຸມໃສ່ໃນເນື້ອທີ່ປະມານ 4.300 ​ເຮັກຕາ​ເພື່ອຊ່ວຍເຫລືອຊີວິດປະຊາຊົນ ທີ່ໄດ້ຮັບຜົນກະທົບໃຫ້ກັບຄື ສູ່ສະພາບປົກກະຕິໂດຍໄວ.​

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *