ສຸດໆໄປເລີຍ ນ້ອງອ້ອຍ ນຳໜ້າພາທີມປັນຈັກສີລັດ ທີມຊາດລາວ ເຂົ້າຊີງຫລຽນຄຳ ໃນລາຍການຊີງແຊ້ມໂລກ

ຂ່າວດີສຸດໆ ໃນວັນທີ 3/10/2019 ນັກກິລາມວຍປັນຈັກສີລັດທີມຊາດລາວ ລົງແຂ່ງຂັນຮອບຊີງຫລຽນເງິນທັງ 4 ລຸ່ນສາມາດຊະນະມາໄດ້ 3 ລຸ່ນໃນລາຍການຊີງແຊ້ມໂລກ ມວຍປັນຈັກສີລັດ ຫາດຊາຍຄັ້ງທີ່ 1 ທີ່ແຂວງພູເກັດ ປະເທດໄທ ສາມາດຜ່ານເຂົ້າຊີງຫລຽນຄຳໄດ້ 3 ລຸ່ນ ໃນມື້ນີ້ວັນທີ 4/10/2019

  • ນຳໂດຍລຸ່ນ 60 ກິໂລກະລາມ ນາງ ນ້ອງອ້ອຍ ວົງພັກດີ ເຈົ້າຂອງຫລຽນເງິນປະຫວັດສາດໃນເອຊ່ຽນເກມ 2018 ລົງແຂ່ງຂັນລາຍການນີ້ຜົນງານໂດດເດັ່ນ ເອົາຊະນະນັກກິລາຈາກປະເທດ ສິງກະໂປ ແບບສູສີ ແລະ ດຸເດືອດ 3-2 ຄະແນນ ໄປພົບກັບນັກກິລາຈາກປະເທດໄທ
  • ລຸ່ນ 45 ກິໂລກະລາມ ນາງ ນຸ້ມຕາວັນ ທຳມະວົງສາ ເອົາຊະນະນັກກິລາຈາກປະເທດອິນເດຍ ( ນັກກິລາຈາກອິນເດຍຊັ່ງນໍ້າໜັກບໍ່ຜ່ານ ) ໄປພົບກັບນັກກິລາຈາກປະເທດຫວຽດນາມ
  • ລຸ່ນ 60 ກິໂລກະລາມ ທ້າວຈັນສະໝອນ ພົນໂສພາ ເອົາຊະນະນັກກິລາຈາກປະເທດ ອິນເດຍ 5/0 ຄະແນນ ໄປພົບກັບນັກກິລາຈາກປະເທດໄທ

 

 

ຂໍ້ມູນມາຈາກ : ສະປອດອັບເດດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *