ເຜີຍໂສມ “Six Princess” ໂປຣເຈັກໃໝ່ທີ່ລວມເອົາທີ່ສຸດແຫ່ງວົງການມາໄວ້ໃນກຸ່ມດຽວກັນ

ມາແບບງຽບໆສຳລັບ Six Princess ໂປຣເຈັກໃໝ່ຈາກທາງ Alist Laos ທີ່ລວມເອົາສາວໆທີ່ເປັນທີ່ສຸດແຫ່ງວົງການມາໄວ້ໃນກຸ່ມດຽວກັນ ຄາດອາດເປັນ idol girl group ວົງໃໝ່ຂອງລາວ.

Six Pricess ປະກອບດ້ວຍ 6 ສາວທີ່ຕ່າງກໍມີຊື່ສຽງໃນວົງການ ແລະ ຫຼາຍຄົນກໍຮູ້ຈັກກັນດີຢູ່ແລ້ວ ເຊັ່ນ: ເມ – ເມລະອອງ ສີຊານົນ, ບາບີ້ – ປິຍະມາດ ພູປະເສີດ, ຟີຟ້າ – ຢາດຟ້າ ພົມມະວົງໄຊ, ແກ້ວຕາ ພອນປະເສີດ, ສຸດາ ວັນທອງທິບ ແລະ ຕານ້ອຍ – ພອນສຸດາ ສີສົມບັດ.

ທັງ 6 ສາວນີ້ ເປັນສິລະປິນສັງກັດ Alist Laos ເຊິ່ງຮູ້ກັນດີຢູ່ແລ້ວວ່າເປັນຄ້າຍທີ່ມີສາວງາມລະດັບທັອບຂອງປະເທດສັງກັດຢູ່ເປັນຈຳນວນຫຼາຍ. ພ້ອມນີ້ ຖືວ່າເປັນຄັ້ງທຳອິດໃນຮອບຫຼາຍປີທີ່ເຮົາໄດ້ເລີ່ມເຫັນສາວ ເມ ເມລະອອງ ນັກຮ້ອງຊື່ດັງ ຫວນຄືນສູ່ວົງການ ຫຼັງຈາກທີ່ງຽບຫາຍໄປດົນພໍສົມຄວນ.

ຂະນະທີ່ຄົນອື່ນໆຕ່າງກໍບໍ່ທຳມະດາທັງນັ້ນ ເຊັ່ນ: ບາບີ້ ປິຍະມາດ ທີ່ເປັນ Miss International Laos 2018, ຟີຟ້າ ຢາດຟ້າ ທີ່ເປັນ Miss Intercontinental Laos 2019, ແກ້ວຕາ ພອນປະເສີດ ນາງແບບ-ຄົນດັງໃນໂລກໂຊຊຽວ, ສຸດາ ວັນທອງທິບ ນາງແບບ-ນັກສະແດງທີ່ຄຸ້ນໜ້າຄ່າຕາກັນດີ ແລະ ປິດທ້າຍດ້ວຍ ຕານ້ອຍ ພອນສຸດາ ສາວງາມຈາກຫຼວງພະບາງທີ່ເປັນທັງນາງແບບ ແລະ ນັກສະແດງນຳອີກ.

ກໍຕ້ອງມາລຸ້ນນຳກັນວ່າ ໂປຣເຈັກດັ່ງກ່າວນີ້ຈະອອກມາແນວໃດ ຈະມີຫຍັງມາໃຫ້ເຮົາເຊີໄພຣສ໌ ຫຼື ບໍ່? ແຕ່ກ່ອນທີ່ຈະໄປຮອດມື້ນັ້ນ ເຮົາມາເບິ່ງຮູບງາມໆຂອງທັງ 6 ສາວ Six Princess ກັນກ່ອນດີກວ່າ.

 

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *