ຕົວແທນມູນນິທິ 1623 ໄດ້ຮັບເຄື່ອງຣາດຊະອິດສະຣິຍາພອນ

ວັນ​ທີ 26 ກັນ­ຍາ 2019 ຢູ່​ນະ­ຄອນ­ຫຼວງ​ວຽງ​ຈັນ ທ່ານ ກຽດ​ຕິ​ຄຸນ ຊາດ​ປຣະ​ເສີດ ເອກ​ອັກ­ຄະ­ລາ­ຊະ­ທູດ​ໄທ ປະ­ຈຳ ສປປ ລາວ ໄດ້​ເປັນ​ປະ­ທານ​ພິ­ທີ​ຮັບ​ພຣະ​ຣາ​ຊະ​ທານ​ເຄື່ອງ​ຣາດ​ຊະ​ອິດ​ສະ​ຣິ​ຍາ​ພອນ ອັນ​ເປັນ​ທີ່​ສັນ­ລະ­ເສີນ​ຍິ່ງ​ຊັ້ນ​ຫຼຽນ​ທອງ​ດິ​ເຣກ​ຄຸ​ນາ​ພອນ ເຊິ່ງ​ສົມ­ເດັດ​ພຣະ​ວະ​ຊິ​ຣະ​ເກົ້າ​ເຈົ້າ​ຢູ່​ຫົວ ພຣະ​ຣາ​ຊະ​ທານ​ແກ່​ທ່ານ ໄພ­ຈິດ ກ້ອນ​ປະ­ທຸມ ແລະ ທ່ານ ອາ​ເຢັນ ວິ​ຊຸນ​ດາ­ລາ ຕົວ​ແທນ​ມູນ​ນິ­ທິ​ຊ່ວຍ­ເຫຼືອ​ຄົນ​ທຸກ​ຍາກ ແຫ່ງ ສປປ ລາວ 1623 ທີ່​ເຂົ້າ​ຮ່ວມ​ປະ­ຕິ­ບັດ​ການ​ພາ­ລະ­ກິດ​ຄົ້ນ​ຫາ​ນັກ­ກີ­ລາ​ບານ­ເຕະ​ເຍົາ­ວະ​ຊົນ ແລະ ຜູ້​ເຝິກ​ສອນ​ຊາວ​ໄທ 13 ຄົນ (ທີມ​ໝູ​ປ່າ) ທີ່​ຕິດ​ຢູ່​ໃນ​ອຸ­ທິ­ຍານ​ຖ້ຳ​ຫຼວງ-ຂຸນ​ນ້ຳ​ນາງ​ນອນ ແຂວງ​ຊຽງ​ລາຍ ປະ­ເທດ​ໄທ ວັນ​ທີ 23 ມິ­ຖຸ­ນາ-10 ກໍ­ລະ­ກົດ 2018 ໂດຍ​ມີ​ຜູ້­ຕາງ­ໜ້າ​ຈາກ​ກະ­ຊວງ​ການ​ຕ່າງ­ປະ­ເທດ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

ທ່ານ​ເອກ​ອັກ­ຄະ­ລາ­ຊະ­ທູດ​ໄທ ປະ­ຈຳ ສປປ ລາວ ໄດ້​ສະ­ແດງ​ຄວາມ​ຊົມ­ເຊີຍ​ຕໍ່​ທ່ານ ໄພ­ຈິດ ກ້ອນ​ປະ­ທຸມ ແລະ ທ່ານ ອາ​ເຢັນ ວິ​ຊຸນ​ດາ­ລາ ທີ່​ໄດ້​ຮັບ​ເຄື່ອງ​ຣາດ​ຊະ​ອິດ​ສະ​ຣິ​ຍາ​ພອນ ອັນ​ເປັນ​ທີ່​ສັນ­ລະ­ເສີນ​ຍິ່ງ​ຊັ້ນ​ຫຼຽນ​ທອງ​ດິ​ເຣກ​ຄຸ​ນາ​ພອນ ເຊິ່ງ​ສະ­ແດງ​ໃຫ້​ເຫັນ​ນ້ຳ­ໃຈ​ໄມ­ຕີ​ຈິດ​ຂອງ​ປະ­ຊາ­ຊົນ​ລາວ ທີ່​ມີ​ຕໍ່​ຊາວ​ໄທ ແລະ ຊ່ວຍ​ສົ່ງ­ເສີມ​ຄວາມ​ສຳ­ພັນ ລະ­ຫວ່າງ​ສອງ​ປະ­ເທດ​ໃຫ້​ແໜ້ນ​ແຟ້ນ​ຍິ່ງ​ຂຶ້ນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *