ເຜີຍຜິວໃສດ້ວຍສູດສະຄັບຜິວໜ້າຈາກທຳມະຊາດ ເຮັດງ່າຍໄດ້ຜົນທັນໃຈແນ່ນອນ

1.ສູດສະຄັບໜ້າດ້ວຍໂຢເກີດແລະວິຕາມິນອີ:ສູດໜ້າເດັກ

ການສະຄັບໜ້າດ້ວຍໂຢເກີດຜະສົມວິຕາມິນອີ ຈະຊ່ວຍເຮັດໃຫ້ນ້າເດັກ ຊະລໍຮ່ອງຮອຍກ່ອນໄວອັນຄວນ ແລະເຮັດໃຫ້ຮູຂຸມຂົນນ້ອຍລົງ ໂດຍໃຫ້ສາວໆຜະສົມໂຢເກີດລົດທຳມະຊາດ1/2ຖ້ວຍ ເຂົາໂອ໊ດ1/4ຖ້ວຍ ວິຕາມິນອີແບບແຄັບຊູນ 2 ແຄັບຊູນ ແລະກາຣົດຂູດລະອຽດ 1 ບ່ວງແກງ ໃຫ້ເປັນເນື້ອດຽວກັນ ຈາກນັ້ນນຳມາສະຄັບວົນຕາມໃບໜ້າຫຼືພອກປະໄວ້ເປັນມາສແລ້ວລ້າງອອກດ້ວຍນ້ຳອຸ່ນກໍ່ໄດ້

2.ສະຄັບດ້ວຍນ້ຳມັນໝາກພ້າວແລະໝາກນາວ: ຫຼຸດຮອຍສິວ

ນ້ຳມັນໝາກພ້າວແລະໝາກນາວຈະຊ່ວຍຂັດໃຫ້ຜິວຂອງສາວໆຂາວໃສລຽບນຽນ ຫຼຸດຮອຍສິວແລະຮອຍດ່າງດຳຕ່າງໆໃຫ້ຈາງລົງ ແລະເພີ້ມຄວາມນຽນນຸ້ມໃຫ້ກັບຜິວຫຼາຍຂື້ນ ໂດຍນຳນ້ຳມັນໝາກພ້າວ1/2ຖ້ວຍ ຜິວໝາກນາວຂູດແລະນ້ຳຕານຊາຍຂາວ 1 ຖ້ວຍຜະສົມໃຫ້ເປັນເນື້ອດຽວກັນແລ້ວນຳມາສະຄັບຜິວໜ້າ ຖູເປັນວົງກົມແລ້ວລ້າງອອກດ້ວຍນ້ຳສະອາດ ເຮັດອາທິດລະ 2 ຄັ້ງກໍ່ຈະໄດ້ຜົນລັບທີ່ດີຫຼາຍ

3.ສະຄັບໜ້າດ້ວຍໝາກແຕງແລະນ້ຳຕານຊາຍຂາວ: ສູດໜ້າໃສ

ໝາກແຕງແລະນ້ຳຕານຊາຍຂາວຈະຊ່ວຍໃຫ້ຜິວໜ້າຂອງເຮົາໄດ້ຮັບການຟື້ນຟູ ແລະປັບສະພາບຜິວທີເສຍໃຫ້ກັບມາດີຂື້ນພ້ອມເຜີຍຜິວທີ່ສະອາດໜ້າໃສ ຈາກສານຕ້ານອະນຸມູນອິດສະຫຼະໃນມາກແຕງ ພຽງນຳໝາກແຕງຊອຍເປັນຕ່ອນ 4 ຊິ້ນປັ່ນໃຫ້ລະອຽດ ນ້ຳຕານຊາຍຂາວ3/4ຖ້ວຍ ນ້ຳມັນໝາກພ້າວ 2 ບ່ວງແກງ ນ້ຳມັນຫອມລະເຫີຍມິ້ນ 10 ຢອດຜະສົມເຂົາເປັນເນື້ອດຽວກັນ ຈາກນັ້ນກໍ່ນຳມາສະຄັບຜິວໜ້າແລະພອກປະໄວ້ຈຶ່ງລ້າງອອກດ້ວຍນ້ຳສະອາດ ເທົ່ານີ້ໜ້າກໍ່ຈະໃສຂື້ນຢ່າງຊັດເຈນ

4.ສະຄັບດ້ວຍກາເຟແລະນ້ຳມັນມາກກອກ:ສູດໜ້າຂາວ

ກາກກາເຟມີຊັບພະຄຸນໃນການຜັດເຊວຜິວເກົ່າທີ່ຕາຍແລ້ວໃຫ້ລຸດອອກ ພ້ອມເຮັດໃຫ້ໜ້າຂາວຂື້ນ ໃສຂື້ນ ໂດຍວິທີເຮັດກໍ່ງ່າຍພຽງນຳກາກກາເຟ1/2ຖ້ວຍ ມາຜະສົມກັບເກືອ1/4ຖ້ວຍ ນ້ຳຕານຊາຍແດງ 2 ບ່ວງແກງແລະນ້ຳມັນໝາກກອກ1/4ຖ້ວຍ ຜະສົມໃຫ້ເປັນເນືອດຽວກັນແລ້ວນຳມາຂັດໜ້າ ຖູວົນຢ່າງເບົາມືໃຫ້ທົ່ວໃບໜ້າ ປະໄວຈັກຄາວແລ້ວຈຶ່ງລ້າງອອກດ້ວຍນ້ຳສະອາດ ພຽງເທົ່ານີ້ໃບໜ້າກໍ່ຈະນຽນນຸ້ມແລະຂາວໃສຂື້ນຢ່າງແນ່ນອນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *