ອອກກຳລັງກາຍຊ່ວຍເຜົາຜານໄຂມັນສ່ວນເກີນ

ເຊື່ອວ່າຫຼາຍທ່ານອາດບໍ່ຕ້ອງການໄຂມັນ ທີ່ມັນສະສົມຢູ່ໃນຮ່າງກາຍ ຫຼື ສິ່ງທີ່ເອີ້ນວ່າ: ໄຂມັນສ່ວນເກີນ, ນອກຈາກມັນຈະສົ່ງຜົນຕໍ່ສຸຂະພາບແລ້ວ, ຍັງເຮັດໃຫ້ເຮົາຮູ້ສຶກວ່າຮູບຮ່າງຕຸ້ຍ ແລະ ບໍ່ງາມ ໂດຍສະເພາະແມ່ນສາວໆ ແລະ ກໍເຊື່ອວ່າຫຼາຍທ່ານອາດຈະຮູ້ເຄັດລັບການເຜົາຜານໄຂມັນມາແລ້ວ ແຕ່ໃນຄໍລຳຮູ້ໄວ້ໄດ້ປະ ໂຫຍດມື້ນີ້ ຂໍແນະນຳວິທີການເຜົາຜານໄຂມັນ ດ້ວຍການອອກກໍາລັງກາຍ ດັ່ງລຸ່ມນີ້:

1. ອອກກຳລັງກາຍໂດຍການຫຼິ້ນໂຍຄະໃນຕອນເຊົ້າພຽງ 15 ນາທີ, ການຫຼິ້ນໂຍຄະໃນຕອນເຊົ້າ ຈະເຮັດໃຫ້ຮ່າງກາຍໄດ້ຮັບອັອກຊີເຈັນຫຼາຍຂຶ້ນ, ລະບົບຍ່ອຍອາຫານດີຂຶ້ນ ແລະ ສຸຂະພາບຈິດຈະດີໄປຕະຫຼອດມື້.

2. ອອກກຳລັງກາຍໃຫ້ຕົນເອງແຂງແຮງ ໂດຍມີເປົ້າໝາຍ ເຊັ່ນ: ອອກກໍາລັງກາຍໃນແຕ່ລະອາທິດ ໃຫ້ມີຄວາມແຕກຕ່າງຂອງປະເພດກິລາໝາຍຄວາມວ່າ ບໍ່ຫຼິ້ນກິລາແຕ່ປະເພດໃດ ໜຶ່ງເທົ່ານັ້ນ ຄວນເລືອກຫຼິ້ນຫຼາຍປະເພດກິລາ ເຊັ່ນ: ແລ່ນ, ຊົກມວຍ ຫຼື ຕີດອກປີກໄກ່ ແລະ ອື່ນໆ ເພື່ອຝຶກຕົນເອງໃຫ້ມີສຳມະທິ ແລະ ຮ່າງກາຍແຂງແຮງ.

3. ອອກກຳລັງກາຍດ້ວຍການຍົກນ້ຳໜັກປະມານ 20-30 ນາທີ ໃຫ້ຍົກນ້ຳໜັກທີ່ມີ ຄວາມໜັກພໍດີກັບຮ່າງກາຍ ທີ່ສາມາດຮັບນ້ຳ ໜັກໄດ້ເພາະມັນສາມາດຊ່ວຍໃນການເຜົາຜານ ໄຂມັນໃນຂະນະອອກກຳລັງກາຍໄດ້.

4. ອອກກຳລັງກາຍແບບສັ້ນໆ ແຕ່ມີປະ ສິດທິພາບ ເຊັ່ນ: ຍົກນຳໜັກແບບໜັກໆໃນເວ ລາສັ້ນໆ ເຮັດໃຫ້ກ້າມຊີ້ນມີການພັດທະນາດີຂຶ້ນ 50% ເມື່ອສົມທຽບກັບການຍົກນ້ຳໜັກຕາມ ປົກກະຕິ; ເຊິ່ງການອອກກຳລັງແບບນີ້ ມັນເປັນການໃຊ້ກ້າມຊີ້ນເກືອບໝົດທຸກພາກສ່ວນຂອງຮ່າງກາຍ ແລະ ມັນສາມາດເຮັດໃຫ້ລະບົບຕ່າງໆ ໃນຮ່າງກາຍເຮັດວຽກໄດ້ດີຂຶ້ນ ເຊັ່ນ: ລະບົບການໝູນວຽນຂອງເລືອດທີ່ໄປຫຼ່ໍລ້ຽງພາກສ່ວນຕ່າງໆ.

ນອກຈາກການອອກກຳລັງກາຍ ເພື່ອເຜົາ ຜານໄຂມັນແລ້ວ, ການຄວບຄຸມອາຫານການກິນ ກໍເປັນອີກຢ່າງໜຶ່ງ ທີ່ຊ່ວຍຫຼຸດໄຂມັນໄດ້, ໂດຍສະເພາະຄວນຫຼີກລ້ຽງອາຫານປະເພດແປ້ງ ແລະ ໄຂມັນ, ຄວນຫັນມາກິນອາຫານປະເພດທີ່ຍ່ອຍງ່າຍ ແລະ ບໍ່ມີໄຂມັນຫຼາຍເກີນໄປ, ກິນ ອາຫານປະເພດຜັກ ແລະ ປາ ໃຫ້ຫຼາຍຂຶ້ນເທົ່ານີ້ ທ່ານກໍອາດຈະບໍ່ມີໄຂມັນສ່ວນເກີນສະສົມໄວ້ໃນຮ່າງກາຍແລ້ວ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *