Toyota Mirai ລົດໄຟຟ້າພະລັງງານໄຮໂດເຈນເນີເລຊັ່ນໃໝ່ຕຽມໃຫ້ຍົນໂສມໃນປີ 2020

ແມ້ວ່າໃນຍຸກນີ້ເທນລົດໃຫຍ່ໄຟຟ້າຈະໂຫມກະໜໍ່າສູ່ວົງການລົດໃຫຍ່ຢ່າງຕໍ່ເນື່ອງ ແຕ່ໂປກຈົງຢ່າຫລົງລືມວ່າ ອີກໜຶ່ງນະວັດຕະກຳທີ່ໄດ້ຮັບຄວາມສົນໃຈມາໂດຍຕະຫລອດໃນພັກຫລັງນັ້ນກໍ່ຄື ລົດໃຫຍ່ພະລັງງານໄຮໂດເຈນ ຫລື Fuel-Cell ນັ້ນເອງ ແລະ ໜຶ່ງໃນນັ້ນກໍ່ຕ້ອງຍົກໃຫ້ Toyota Mirai ທີ່ຕຽມເຜີຍໂສມເຈເຈີເລຊັ່ນໃໝ່ໃນປີໜ້າ

ຍ້ອນກັບໄປເມື່ອ 5 ປີກ່ອນ Toyota (ໂຕໂຍຕ່າ) ໄດ້ເປີດໂຕ ແລະ ເລີ່ມຈຳໜ່າຍ Toyota Mirai ລົດໃຫຍ່ພະລັງງານໄຮໂດເຈນຂອງຄ້າຍ ເຊິ່ງເປັນທີ່ຈັບຕາແນມຢ່າງຕໍ່ເນື່ອງ ແຕ່ກໍ່ຍັງບໍ່ມີຂ່າວຄາວວ່າຈະມີການປ່ຽນແປງຮູບຮ່າງ ຫລື ຂຸມພະລັງໃໝ່ຂອງລຸ່ນນີ້ແຕ່ຢ່າງໃດ ຈົນກະທັ່ງງານປະຊຸມພະລັງງານໄຮໂດເຈນເຊິ່ງຈັດທີ່ກຸງໂຕກຽວ ແລະ ມີການເຊີນລັດທະມົນຕີຈາກທົ່ວໂລກມາເວົ້າຈາກັນ ທ່ານປະທານບໍລິສັດແຫ່ງ ໂຕໂຍຕ່າ ມໍເຕີ່ ກໍ່ແຈ້ງຂ່າວດີວ່າ Toyota Mirai ເຈເຈີເລຊັ່ນ 2 ຈະເປີດໂຕຢ່າງເປັນທາງການໃນປີ 2020 ເປັນທີ່ແນ່ນອນແລ້ວ

ຈາກຂຸມພະລັງເກົ່າຂອງ Toyota Mirai ເຈເນີເລຊັ່ນທຳອິດທີ່ໃຊ້ມໍເຕີ່ໄຟຟ້າຂະໜາດ 153 ແຮງມ້າ ແຮງບິດສູງສຸດທີ່ 335 ນິວຕັ່ນ-ເມດ ກັບແບັດເຕີລີ່ຂະໜາດ  1 kW ແບບ Nickel metal hydride ນັນ້ຍັງບໍ່ມີການເປີດເຜີຍລາຍລະອຽດວ່າຂຸມພະລັງ ແລະ ດີໄຊຕ່າງໆຂອງ Toyota Mirai 2020 ຈະມີໜ້າຕາປ່ຽນແປງໄປຫລາຍເທົ່າໃດ ແຕ່ວ່າມີການຄາດການວ່າໜ້າຈະໃຊ້ເທັກໂນໂລຢີ່ດຽວກັນກັບ BMW i Hydrogen Next Concept ເຊິ່ງເປັນການຮ່ວມການພັດທະນາລະຫວ່າງ BMW ແລະ Toyota ນັ້ນເອງ

ແລະ ລາຄາຈຳໜ່າຍທີ່ສະຫາລັດອາເມລິກາ ຂອງ Toyota Mirai ໃນເຈເນີເລຊັ່ນທຳອິດເຊິ່ງຢູ່ປະມານ 1,79 ລ້ານບາດ ນັ້ນຈະເພີ່ມ ຫລື ຫລຸດໜ້ອຍລົງ ຄົງຕ້ອງຕິດຕາມກັນຕໍ່ໄປ

 

 

ຂໍ້ມູນມາຈາກ : ອໍໂຕ່ສະນຸກ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *