ເຊີນທ່ຽວຊົມບຸນຊ່ວງເຮືອ ທີ່ບ້ານນາຝາງ ເມືອງຮຸນ ແຂວງອຸດົມໄຊ 12-13 ຕຸລານີ້

ເພື່ອເປັນການສືບສານປະເພນີອັນດີງາມຂອງຊາວລາວ ໂດຍສະເພາະປະເພນີບຸນຊ່ວງເຮືອ ອອກພັນສາປະວໍລະນາ ຫຼາຍຂົງເຂດຢູ່ທົ່ວປະເທດໄດ້ຮ່ວມຈັດງານ ເພື່ອໜັດແໜ້ນຄວາມສາມັກຄີຂອງພໍ່ແມ່ປະຊາຊົນພາຍໃນບ້ານ ແລະ ສ້າງຄວາມເບີກບານມ່ວນຊື່ນຫຼັງສຳເລັດເກັບກູ້ຜົນລະປູກ ເຊິ່ງປະເພນີບຸນຊ່ວງເຮືອຢູ່ນະຄອນຫຼວງວຽງຈັນ (ວັດຈັນ) ປາກເຊ ແມ່ນຈະຈັດຂຶ້ນຫຼັງອອກພັນສາຄື ແຮມ 1 ຄໍ່າ ເດືອນ 11 ລາວນັ້ນເອງ.

ສຳລັບທ່ານໃດ ທີ່ຢາກສຳຜັດກັບບັນຍາກາດບຸນຊ່ວງເຮືອຢູ່ທາງພາກເໜືອ ກໍ່ສາມາດໄປຮ່ວມຊົມໄດ້ ທີ່ທ່ານ້ຳບ້ານນາຝາງ ເມືອງຮຸນ ແຂວງອຸດົມໄຊ ທີ່ຈະຈັດຂຶ້ນໃນວັນທີ 12-13 ຕຸລາ 2019 ນີ້. ໂດຍ
ປີນີ້ມີທິມສີພາຍເຂົ້າຮ່ວມແຂ່ງຂັນທັງໝົດ 27 ທີມ. ເພດຊາຍ 17 ທີມສີພາຍ, ເພດຍິງ 10 ທີມສີພາຍ.

ສຳລັບບັນຍາກາດພາຍໃນງານມີດັ່ງນີ້: ວັນທີ 12 ຕຸລາ 2019 ຕອນເຊົ້າ: ງານຊ່ວງເຮືອເພດຍິງ; ສ່ວນຕອນຄໍ່າ: ການອອກຫວຍຊິງລາງວັນແລະ ວັນທີ 13 ຕຸລາ 2019 ແມ່ນກິດຈະກຳຕັກບາດຍາມເຊົ້າ; ງານຊ່ວງເຮືອເພດຊາຍ; ງານປະກວດອາຫານພື້ນເມືອງ ແລະ ທ່ຽວຊົມງານບຸນຊ່ວງເຮືອຕາມອັດທະຍາໄສ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *