ບອກຕໍ່ວິທີຮັກສາສິວທີ່ຫຼັງ ຟື້ນຟູຜິວໃຫ້ກັບມານຽນງາມ ນຸ່ງເຄື່ອງຍາມໃດກໍ່ໝັ້ນໃຈ

1.ອາບນ້ຳດ້ວຍສະບູທີ່ອ່ອນໂຍນ

ສາວໆຄົນໃດທີ່ເປັນສິວທີ່ຫຼັງແນະນຳວ່າໃຫ້ໃຊ້ສະບູທີ່ອ່ອນໂຍນຕໍຜິວສຳລັບອາບນ້ຳຈະເໝາະກວ່າ ເພື່ອປ້ອງກັນຜິວບໍ່ໃຫ້ແພ້ສານເຄມີຕ່າງໆຫຼາຍກວ່າເດີມ ຫຼືສາວໆຈະໃຊ້ສະບູຮັກສາສິວໂດຍສະເພາະກໍໄດ້

2.ດູແລຄວາມສະອາດດ້ວຍໂທນເນີ້/ນ້ຳເກືອ

ຂັ້ນຕອນນີ້ສຳຄັນຫຼາຍ ສາວໆຈະຕ້ອງໝັ່ນດູແລຜິວຫຼັງທີ່ເປັນສິວ ເຊັດທຳຄວາມສະອາດດ້ວຍນ້ຳເກືອຫຼືໂທນເນີ້ວັນລະ 2 ຄັ້ງ ຫຼັງອາບນ້ຳເຊົ້າ-ແລງ ນອກຈາກຈະຫຼຸດອາການຄາຍເຄືອງຕ່າງໆແລ້ວ ຍັງຊ່ວຍເຮັດໃຫ້ສິວແຫ້ງແລະເຊົາໄວອີກດ້ວຍ

3.ທາຢາຮັກສາສິວ

ພຽງເຊັດທຳຄວາມສະອາດມັນບໍ່ພໍດອກ ຂອງແບບນີ້ມັນຕ້ອງມີຕົວຊ່ວຍເສີມ ນັ້ນກໍ່ຄື ຢາທາຮັກສາສິວນັ້ນເອງດຽວນີ້ມີຍີ່ຫໍ້ດີໆວາງຂາຍຫຼາຍ ແນະນຳວ່າກ່ອນທີ່ຈະຊື້ມາໃຊ້ໃຫ້ຫາຂໍ້ມູນແລະລີວິວໃຫ້ດີກ່ອນ ເພື່ອປ້ອງກັນອາການແພ້ທີ່ຈະຕາມມາໄດ້ ເມື່ອສິວຄ່ອຍໆແຫ້ງແລ້ວໃຫ້ສາວໆຮັກສາຮອຍດ້ວຍການທາຫວ້ານຫາງແຂ້

4.ເລືອກເສືອຜ້ານຸ່ງໃຫ້ດີ

ເນື້ອຜ້າກໍ່ມີສ່ວນສຳຄັນຄືກັນ ບໍ່ຄວນເລືອກເນື້ອຜ້າທີ່ໜ້າເກີນໄປ ເພາະມັນອາດເກີດການສຽດສີຈົນຜິວຄາຍເຄືອງໄດ້ ແນະນຳວ່າໃຫ້ເລືອກເນື້ອຜ້າທີ່ນູ້ມ ລະບາຍຄວາມຮ້ອນໄດ້ດີ ຈະໄດ້ບໍ່ເປັນທີ່ສະສົມຂອງເຫືອໃຄດ້ວຍ

5.ທຳຄວາມສະອາດອຸປະກອນການນອນ

ດູແລໂຕເອງແລ້ວກໍ່ຢ່າປ່ອຍລະເລີຍເລື່ອງອຸປະກອນການນອນ ເຊັ່ນພວກສົບໝອນ ຜ້າປູບ່ອນ ຜ້າຫົ່ມຕ່າງໆຄວນໝັ່ນນຳມາທຳຄວາມສະອາດຢ່າງໜ້ອຍອາທິດລະ 1 ຄັ້ງ ຢ່າລືມປ່ຽນຜ້າເຊັດໂຕ ລວມເຖິງທຳຄວາມສະອາດອຸປະກອນແຕ່ງໜ້ານຳ

6.ບຳລຸງຜິວດ້ວຍອາຫານດີໆ

ດູແລພາຍນອກແລ້ວກໍ່ຢ່າລືມດູແລພາຍໃນດ້ວຍ ພວກອາຫານມັນໆ ທອດໆ ຂໍ້ໃຫ້ລ່ຽງໄປກ່ອນເລີຍ ພະຍາຍາມກິນອາຫານທີ່ໃຫ້ຄວາມຊຸ່ມຊື່ນກັບຜິວຢ່າງເຊັ່ນຜັກ ມາກໄມ້ ນ້ຳດື່ມນີ້ຢ່າໃຫ້ຂາດເລີຍ

7.ຫາໝໍສະເພາະທາງ

ຫາກພະຍາຍາມເຮັດມາທຸກວິທີທາງແລ້ວ ສິວທີ່ຫຼັງກໍ່ຍັງບໍ່ມີວີ່ແວວວ່າຈະຍຸບ ແນະນຳໃຫ້ສາວໆລອງໄປປຶກສາໝໍສະເພະທາງເຊັ່ນໝໍຜິວໜັງເບິ່ງ ເພື່ອຮໍໂມນຂອງເຮົາອາດຈະຜິດປົກກະຕິ ຫຼືເກີດການແພ້ຫຍັງຈັກຢ່າງທີ່ເຮົາບໍ່ຮູ້

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *