ງານວິໃຈຮາວາດຊີ້!! ການກິນຖົ່ວວັນລະ 1 ກຳມື ຊ່ວຍຫຼຸດນ້ຳໜັກໄດ້ຜົນດີ

ຖົ່ວເຕັມໄປດ້ວຍໄຂມັນບໍ່ອິ່ມຕົວ ວິຕາມິນ ແຮ່ທາດ ແລະເສັ້ນໃຍອາຫານ ເຊິ່ງຖົ່ວມີປະລິມານເສັ້ນໃຍສູງຈຶ່ງເຮັດໃຫ້ຮູ້ສຶກອິ່ມດົນຂື້ນ ອີກທັງເສັ້ນໃຍອາຫານໃນຖົ່ວຈະຊ່ວຍດູດຊືມໄຂມັນໃນລຳໃສ້ໄດ້ດີ ແຕ່ຄົນສ່ວນໃຫຍ່ບໍ່ມັກບໍລິໂພກຖົ່ວເພື່ອຫຼຸດນ້ຳໜັກ ເພາະຖົ່ວມີແຄລໍລີ້ສູງຫຼາຍ

ນັກວິໃຈຂອງມະຫາວິທະຍາໄລຮາວາດ ໄດ້ທຳການວິເຄາະຂໍ້ມູນກ່ຽວກັບນ້ຳໜັກ ອາຫານ ແລະການອອກກຳລັງກາຍ ກຸ່ມທຳອິດປະກອບດ້ວຍຜູ້ຊາຍ 51,000 ຄົນ ອາຍຸ 40 ເຖິງ 75 ຄົນ ອີກສອງກຸ່ມປະກອບດ້ວຍພະຍາບານ 120,000 ຄົນ ອາຍຸລະຫວ່າງ 25 ແລະ 55 ປີ ອາສາສະໝັກທີ່ເຂົາຮ່ວມຈະຖືກສອບຖາມທຸກທ 4 ປີ ເພື່ອບອກນ້ຳໜັກໂຕແລະຄວາມຖີ່ ທີ່ພວກເຂົາກິ່ນຖົ່ວ

ການກິນຖົ່ວຊະນິດໃດກໍ່ໄດ້ເພີ້ມຂື້ນ ມີສ່ວນຊ່ວຍຫຼຸດຄວາມສ່ຽງນ້ຳໜັກໂຕເພີ້ມຂື້ນໃນໄລຍະຍາວ ແລະຫຼຸດຄວາມສ່ຽງໃນການເປັນໂລກຕຸ້ຍອີກດ້ວຍ ທັງນີຍັງພົບວ່າການກິນຖົ່ວພຽງເຄິ່ງໜ່ວຍບໍລິໂພກ ຈະຊ່ວຍປ້ອງກັນບໍ່ໃຫ້ນ້ຳໜັກເພີ້ມຂື້ນປະມານ 0.41-0.7 ກິໂລກຼາມ ໃນຂະນະທີ່ຫາກກິນຖົ່ວເປັນປະຈຳທຸກວັນ ໂດຍເພີ້ມປະລິມານໃຫ້ລາຍຂື້ນ ຕັ້ງແຕ່ເຄິ່ງໜ່ວຍບໍລິໂພກຈົນເຖິງໜຶ່ງໜ່ວຍບໍລິໂພກ ຈະຊ່ວຍປ້ອງກັນບໍ່ໃຫ້ນ້ຳໜັກເພີ້ມຂື້ນປະມານ 0.74 ກິໂລກຼາມ

ຈາກການວິເຄາະຂໍ້ມູນດັ່ງກ່າວນັກວິໃຈຈຶ່ງແນະນຳໃຫ້ກິນຖົ່ວເຄິ່ງໜ່ວຍບໍລິໂພກໃນທຸກວັນ ບໍ່ວ່າຈະເປັນຖົ່ວຊະນິດໃດກໍ່ຕາມ ເພາະມີສ່ວນຊ່ວຍຫຼຸດຄວາມສ່ຽງໃນການເປັນໂລກຕຸ້ຍເຖິງ 23% ການກິນວອລນັດເຄິ່ງໜ່ວຍບໍລິໂພກຕໍ່ວັນ ຈະຊ່ວຍຫຼຸດໂອກາດໃນການເປັນໂລກຕູ້ຍໃນອີກ 4 ປີຂ້າງໜ້າໄດ້ປະມານ 15%

ທີ່ສຳຄັນຫາກທ່ານມີນ້ຳໜັກເພີ້ມຂື້ນ 2.5-10 ກິໂລກຼາມ ຈະຍິ່ງເພີ້ມຄວາມສ່ຽງໃນການເກີດໂລກຫົວໃຈ ໂລກຫຼອດເລືອດສະມອງ ແລະໂລກເບົາຫວານ ດັ່ງນັ້ນນັກວິທະຍາສາດຈຶ່ງແນະນຳວ່າ ເຮົາຄວນຫັນມາກິນຖົ່ວແທນເຂົ້າໜົມທີ່ບໍ່ດີຕໍ່ສຸຂະພາບ

 

 

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *