8ເຄັດລັບງ່າຍໆ ປ້ອງກັນບໍ່ໃຫ້ຜິວແກ່ກ່ອນໄວ ຜິວແຫ່ວໄວຈົນເກີນໄປ

1.ກິນມາກໄມ້ຕະກູນເບີລີ້

ເມື່ອມີອາຍຸຫຼາຍຂື້ນ ຜິວຂອງເຮົາຈະຖືກທຳລາຍລົງເລື້ອຍໆ ເນື່ອງຈາກຂະບວນການທີ່ເອີ້ນວ່າ ທຳລາຍດີເອັນເອ ເຊິ່ງເຮົາບໍ່ສາມາດເອົາຊະນະໄດ້ແຕ່ສາມາດຊະລໍປະຕິກິລິຍາເຫຼົ່ານີ້ໄດ້ດ້ວຍການກິນໝາກໄມ້ຕະກູນເບີລີ້ເປັນປະຈຳ ໂດຍສະເພາະບລູເບີລີ້ ໝາກໄມ້ໜ່ວຍນ້ອຍໆທີ່ເຕັມໄປດ້ວຍສານຕ້ານອະນຸມູນອິດສະຫຼະ ທີ່ຈະຊ່ວຍຕໍ່ຕ້ານຮ່ອງຮອຍໄດ້

2.ງົດນ້ຳຕານ

ການສຶກສາລ່າສຸດພົບວ່າ ການບໍລິໂພກນ້ຳຕານຈະເປັນການເລັ່ງຄວາມຊະລາໃນມະນຸດ ແລະນຳໄປສູ່ຄວາມໝອງຄ້ຳ ການຂາດນ້ຳແລະຮ່ອງຮອຍຕາມມາດັ່ງນັ້ນ ເພື່ອຕ້ານຄວາມແກ່ຊະລາຜູ້ຊ່ຽວຊານແນະນຳວ່າເຮົາຄວນຈຳກັດປະລິມານນ້ຳຕານແລະຫຼີກລ່ຽງອາຫານເຄື່ອງດື່ມທີ່ມີຄວາມຫວານເທົ່າທີ່ຈະເຮັດໄດ້

3.ນອນທ່າທີ່ຖືກຕ້ອງ

ຫາກທ່ານເປັນຄົນທີ່ມັກນອນຂວ້ມໜ້າ ແນະນຳໃຫ້ລອງປ່ຽນນິໃສດຽວນີ້ ຈາກການສຶກສາແລະຜູ້ຊ່ຽວຊານຕ່າງໆໄດ້ກ່າວວ່າ ການນອນຂວ້ມໜ້າບົນໝອນຈະເຮັດໃຫ້ເກີດຮ່ອງຮອຍຕະຫຼອດຊີວິດ ດັ່ງນັ້ນວິທີທີ່ດີທີ່ສຸດຄືການເຜິກຝົນຕົວເອງໃຫ້ນອນຫງາຍເພື່ອຫຼີກລ່ຽງຮ່ອງຮອຍກ່ອນໄວອັນຄວນ

4.ເພີ້ມແຄນຊຽມ

ທຸກຄົນຮູ້ວ່າແຄນຊຽມນັ້ນດີຕໍກະດູກ ແຕ່ຄົງມີບໍ່ເທົ່າໃດຄົນທີ່ຮູ້ວ່າແຄນຊຍມມີບົດບາດສຳຄັນໃນການປົກປ້ອງເຮົາຈາກຜິວແກ່ກ່ອນໄວ ນອກຈາກນີ້ລະດັບແຄນຊຍມທີ່ພຽງພໍຕໍ່ຮ່າງກາຍຍັງຊ່ວຍຊະລໍຄວາມແກ່ຊະລາແລະເມື່ອເຮົາອາຍຸຫຼາຍຂື້ນຍັງຊ່ວຍໃຫ້ເຮົາມີໂຄງສ້າງກະດູກທີ່ແຂງແຮງ

5.ຊາຂຽວຕົວຊ່ວຍດີທີ່ສຸດ

ຊາຂຽວເປັນສິ່ງທີ່ຈະຊ່ວຍໃຫ້ຮ່າງກາຍຂອງສາວໆງາມຈາກພາຍໃນແລະພາຍນອກ ເພາະຊາຂຍວເຕັໄປດ້ວຍສານກຳຈັດອະນຸມູນອິດສະຫຼະ ເຊິ່ງເຄື່ອງດື່ມຊະນິດນີ້ຈະຊ່ວຍຊ່ອມແຊມເຊວຜິວ ແລະເຮັດໃຫ້ທ່ານເບິ່ງອ່ອນກວ່າໄວ ຊາຂຽວຍັງຊ່ວຍບັນເທົາຮອຍແດງແລະການລະຄາຍເຄື່ອງຜິວ ເພາະຊາຂຽວມີຄຸນສົມບັດຕ້ານການອັກເສບ ການດື່ມຂາຂຽວເປັນປະຈຳຈະເຮັດໃຫ້ຜິວຂອງທ່ານເຕັ່ງຕຶງແລະມີສຸຂະພາບດີ ອກຈາກນີ້ພຽງວາງຖົງຊາຂຽວໄວ້ບົນດວງຕາເປັນເວລາ 2-3 ນາທີ ກໍ່ຈະຊ່ວຍຫຼຸດຮອຍຄ້ຳໃຕ້ຕາແລະອາການບວມລົງໄດ້

6.ອາບນ້ຳໄວໆ

ການອາບນ້ຳຫຼືແຊ່ນ້ຳໃນອ່າງເປັນເວລາດົນອາດເຮັດໃຫ້ຜິວຂອງທ່ານເສຍແລະເຮັດໃຫ້ຜິວແຫ້ງຫຼາຍຍິ່ງຂື້ນ ແລະຍັງນຳໄປສູ່ສັນຍານຂອງຄວາມຊະລາທີ່ເບິ່ງເຫັນໄດ້ເຊັ່ນ ຮ່ອງຮອຍ ຜິວຍ່ອຍຍານ ດັ່ງນັ້ນການອາບນ້ຳທ່ານຄວນໃຊ້ເວລາພຽງສັ້ນໆກໍ່ຈະເປັນການເບິ່ງແຍງຜິວບໍ່ແຫ້ງຈົນເກີນໄປ

7.ປ້ອງກັນຜິວຈາກແສງແດດ

ດວງຕາເວັນມີຄວາມສຳຄັນຫຼາຍເພາະແສງແດດຈັດໆຈະຍິ່ງເລັ່ງອາຍຸຜິວແລະຍິ່ງທ່ານອອກແດດຫຼາຍເທົ່າໃດ ທ່ານກໍ່ຍິ່ງສ່ຽງກັບຄວາມແກ່ກ່ອນໄວ ໂດຍສະເພາະການອາບແດດເປັນສິ່ງທີ່ບໍ່ດີເລີຍສຳລັບຜິວ ດັ່ງນັ້ນຄວນທາຄີມກັນແດດທຸກວັນ ເພື່ອປ້ອງກັນຜິວຈາກລັງສີ uv ເຊິ່ງເປັນອັນຕະລາຍຢ່າງຍິ່ງ

8.ນັ່ງສະມາທິແລະຫຼຸດຄວາມເຄັ່ງຕຶງລົງ

ການເຄັ່ງຕຶງຫຼາຍເກີນໄປ ຈະຍິ່ງສົ່ງຜົນຕໍ່ຮ່າງກາຍເຮັດໃຫ້ເຖົ້າໄວຂື້ນ ບໍພຽງເທົ່ານັ້ນການຄິດລາຍເກີນໄປແລະຄວາມວິຕົກກັງວົນຍັງນຳໄປສູ່ການແກ່ກ່ອນໄວ ດັ່ງນັ້ນພະຍາຍາມບໍ່ໃຫ້ຫຍັງມາລົບກວນຈິດໃຈຂອງທ່ານຫຼາຍເກີນໄປ ການນັ່ງສະມາທິກໍ່ເປັນວິທີງ່າຍໆທີ່ຈະຊ່ວຍຜ່ອນຄາຍຈິດໃຈແລະຍັງປ່ອຍຮໍໂມນແຫ່ງຄວາມສຸກເພີ້ມຂື້ນໃນຮ່າງກາຍອີກດ້ວຍ ຈຶ່ງເຮັດໃຫ້ທ່ານຮຸ້ສຶກດີ ຫຼຸດຄວາມເຄັ່ງຕຶງແລະຮູ້ຈັກປ່ອຍວາງຄວາມວິຕົກກັງວົນທັງຫຼາຍໃຫ້ໝົດໄປ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *