Audi e-tron ຕຽມບຸກຕະຫລາດລົດໃຫຍ່ໄຟຟ້າເຕັມໂຕ ຂະຫຍາຍຖານຜະລິດທີ່ຈີນໃນປີ 2020

ກ່ອນໜ້ານີ້  Audi e-tron ອີກໜຶ່ງລົດອະເນກປະສົງໄຟຟ້າທີ່ໄດ້ຮັບການຈັບຕາເບິ່ງນັ້ນມີສາຍພານຜະລິດຢູ່ທີ່ໂຮງງານໃນກຸງບັດເຊີ່ ປະເທດເບວຢ່ຽມ ແຕ່ຂ່າວລ່າສຸດມາແຮງກໍ່ຄື ຄ້າຍ Audi ຕຽມເລີ່ມຕົ້ນການຜະລິດເຈົ້າ e-tron ນີ້ໃນປະເທດຈີນ

ໂດຍໂຮງງານທີ່ມີຊື່  FAW-Volkswagen Changchun Plant ຄືເປົ້າໝາຍທີ່ Audi ຕຽມນຳ  Audi e-tron ໄປຜະລິດເຊິ່ງມີເປົ້າໃນການຜະລິດຢູ່ທີ່ປະມານ 45,000-50,000 ຄັນ ນອກຈາກນັ້ນຍັງມີແຫລ່ງຂ່າວເປີດເຜີຍວ່າ ຕຽມມີການຜະລິດ Audi e-tron Sportback ອີກດ້ວຍ ແລະ ທຸກຄົນໜ້າຈະໄດ້ເຫັນຮູບຮ່າງເວີຊັ່ນຈຳໜ່າຍພາຍໃນງານ Los Angeles Auto Show 2019 ໃນຊ່ວງເດືອນພະຈິກທີ່ຈະມາເຖິງນີ້

ແລະ ຖ້າຫາກຈະຍ້ອນກັບໄປເດືອນສິງຫາ Audi ກໍ່ໄດ້ເປີດເຜີຍຮູບຮ່າງ  Audi e-tron 50 ອອກມາເຊິ່ງຈຸດເດັ່ນຂອງອະເນກປະສົງລຸ່ນນີ້ຢູ່ທີ່ແບັດເຕີລີ່ລົດລົງມາເຫລືອພຽງ 71 kWh ສ່ວນໄລຍະທາງການແລ່ນກໍ່ເຮັດໄລຍະປະມານ 300 ກິໂລແມັດຕໍ່ການສາກ 1 ຄັ້ງຕາມມາດຕະຖານຂອງ WLTP ລວມເຖິງສາກໄວໃນລະດັບ 120 kW ເລີຍ ດ້ານຄວາມແຮງຢູ່ທີ່ 308 ແຮງມ້າ ຫລຸດລົງຈາກ e-tron 55 ເຊິ່ງສູງສຸດຢູ່ທີ່ 402 ແຮງມ້າ ສ່ວນແຮງບິດກໍ່ຈັດໄປທີ່ 540 ນິວຕັ່ນເມດ

ນີ້ໜ້າຈະເປັນອີກໜຶ່ງການສົ່ງສັນຍານການບຸກຕະຫລາດລົດໃຫຍ່ໄຟຟ້າຂອງຄ້າຍ  Audi ຢ່າ່ງເຕັມຕົວ ເນື່ອງຈາກປີ 2020 ຈະມີການແນະນຳລຸ່ນໃໝ່ຈາກ Audi ຫລາຍແນ່ນອນ

 

 

ຂໍ້ມູນມາຈາກ : ອໍໂຕ່ສະນຸກ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *