ໂຄງການກໍ່ສ້າງທາງລົດໄຟລາວ-ຈີນ ສຳເລັດເກືອບ 80% ແລ້ວ

ການກໍ່ສ້າງທາງລົດໄຟລາວ-ຈີນສຳເລັດເກືອບ 80% ແລ້ວ ອີງຕາມການລາຍງານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເມື່ອວັນເສົາທີຜ່່ານມາ (21 ກັນຍາ).
ທາງລົດໄຟດັ່ງກ່າວຈະກາຍເປັນພື້ນຖານໂຄງລ່າງທີ່ສຳຄັນສຳລັບແລວເສດຖະກິດລະຫວ່າງສອງປະເທດ ແລະ ຊ່ວຍເສີມສ້າງການຄ້າ, ການລົງທຶນ ແລະ ການທ່ອງທ່ຽວ, ທ່ານ ສອນໄຊ ກ່າວໃນງານວາງສະແດງ ຈີນ-ອາຊຽນ ເຊິ່ງຈັດຂຶ້ນທີ່ນານໜິງ ທາງພາກໃຕ້ຂອງ ສປ ຈີນ.
ທາງລົດໄຟລາວ-ຈີນຄາດວ່າຈະເປີດນຳໃຊ້ຢ່າງເປັນທາງການໃນປີ 2021 ດ້ວຍຄວາມໄວທີ່ອອກແບບໃຫ້ແລ່ນໄດ້ໄວເຖິງ 160 ກິໂລແມັດຕໍ່ຊົ່ວໂມງ
ການວາງສິລາເລີກເພື່ອເລີ່ມການກໍ່ສ້າງມີຂຶ້ນໃນເດືອນທັນວາປີ 2015 ແລະ ການກໍ່ສ້າງເສັ້ນທາງທັງໝົດໄດ້ເລີ່ມຂຶ້ນໃນປີຕໍ່ມາ.
ມາຮອດທ້າຍປີນີ້ ຈີນໄດ້ລົງທຶນ 12.5 ຕື້ໂດລາສະຫະລັດ ໃນ 782 ໂຄງການໃນລາວ ນັບແຕ່ປີ 1988 ເປັນຕົ້ນມາ ເຊິ່ງເປັນປະເທດທີ່ລົງທຶນໃນລາວຫຼາຍທີ່ສຸດອັນດັບ 1, ທ່ານ ສອນໄຊ ກ່າວ.
ບໍລິສັດຈີນທີ່ລົງທຶນໃນລາວສຸມໃສ່ໂຄງການພັດທະນາພື້ນຖານໂຄງລ່ງເປັນຫຼັກເຊັ່ນ: ໂຄງການໄຟຟ້າພະລັງງານນໍ້າ, ທາງດ່ວນ ແລະ ຕາຂ່າຍໄຟຟ້າ, ອີງຕາມການລາຍງານຂອງທ່ານຮອງນາຍົກລັດຖະມົນຕີ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *