ລາວ ນໍາ 6 ໝວດສິນຄ້າ ຈາກ69 ບໍລິສັດ ເຂົ້າງຮ່ວມານ​ວາງສະ​ແດງສິນຄ້າ​ຈີ​ນ-ອາ​ຊຽນຄັ້ງ​ທີ 16

ພາກທຸລະກິດລາວນຳສິນຄ້າເຂົ້າຮ່ວມວາງສະແດງ ສິນຄ້າ​ຈີນ-ອາ​ຊຽນ ​ແລະ​ກອງ​ປະຊຸມ​ສຸດ​ຍອດ​ການ​ຄ້າ ​ແລະ​ການ​ລົງທຶນ​ຈີ​ນ-ອາ​ຊຽນຄັ້ງ​ທີ 16 ມີ 6 ໝວດສິນຄ້າ ຈາກ69 ບໍລິສັດ ເຊິ່ງທ່ານສອນໄຊ ສີພັນດອນ ຮອງນາຍົກລັດຖະມົນຕີແຫ່ງສປປລາວໄດ້ເຂົ້າຮ່ວມເປີດງານຄັ້ງນີ້.

ພິທີເປີດໄດ້ໄຂຂຶ້ນຢ່າງເປັນທາງການໃນ ຕອນ​ເຊົ້າວັນ​ທີ 21 ກັນຍາ​ນີ້​ຢູ່​ນະຄອນ​ນານ​ນີງ​​ເຂດ​ປົກ​ຄອງ​ຕົນ​ເອງ​​ເຜົ່າ​ຈວ້າງກວາງຊີ​ ສປ ຈີນ ງານ​ວາງສະ​ແດງ​ຄັ້ງ​ນີ້​ມີຫົວ​ຂໍ້ວ່າ: “ສ້າງ ‘ໜຶ່ງ​ແລວ​ໜຶ່ງ​ເສັ້ນທາງ’ ແລະ​ສ້າງ​ສ້າງ​ວິ​ໄສ​ທັດ​ການ​ຮ່ວມ​ມື​ຮ່ວມ​ກັນ” ​ເຊິ່ງຈະ​ດຳ​ເນີນ​ໄປ​ຈົນ​ເຖິງ​ວັນ​ທີ 24 ກັນຍາ​ນີ້. ທ່ານ​ຮານ​ເຈິ້ງ ກຳມະການປະຈຳ​ກົມ​ການ​ເມືອງ​ສູນ​ກາງ​ພັກ​ກອມ​ມູນິດ​ຈີນ, ຮອງ​ນາ​ຍົກລັດຖະມົນຕີ​ຈີນ, ທ່ານ​ລູຮູດ ບິນຊາ ປັນ​ຈາ​ຕັນ ທູດ​ພິ​ເສດ​ຂອງ​ປະທານາທິບໍດີ​ອິນ​ໂດ​ເນ​ເຊຍ, ທັງ​ເປັນ​ລັດຖະມົນຕີ​ກະຊວງ​ປະສານ​ງານ​ດ້ານມະຫາ​ສະໝຸ​ກອິນ​ໂດ​ເນ​ເຊຍ​ທີ່​​ເປັນ​ປະ​ເທດ​ກິ​ຕິ​ມະ​ສັກ​ຂອງ​ງານ​ວາງສະ​ແດງ​ຄັ້ງ​ນີ້ ​ແລະທ່ານ​ອື່ນໆ​ໄດ້​ຮ່ວມ​ກັນ​ເປີດ​ງານ​ວາງສະ​ແດງ​ສິນຄ້າຈີນ-ອາ​ຊຽນ ​ແລະ​ກອງ​ປະຊຸມ​ສຸດ​ຍອດ​ການ​ຄ້າ ​ແລະ​ການ​ລົງທຶນຈີນ-ອາ​ຊຽນ​ຄັ້ງ​ທີ 16.

ປີ​ນີ້​ແມ່ນ​ປີ​ທຳ​ອິດ​ໃນ​ການຈັດ​ຕັ້ງ​ປະຕິບັດ “ວິ​ໄສ​ທັດ​ສາຍ​ພົວພັນ​ຄູ່ຮ່ວມ​ຍຸດ​ທະ​ສາດ​ຈີນ-ອາ​ຊຽນຮອດ​ປີ 2030” ​ແລະ​ເປັນ​ປີແລ​ກປ່ຽນ​ລະຫວ່າງ​ສື່​ມວນ​ຊົນ​ຈີນ-​ອາ​ຊຽນ, ງານ​ວາງສະ​ແດງ ​ແລະ​ກອງ​ປະຊຸມ​ສຸດ​ຍອດ​ຄັ້ງ​ນີ້​ຈະ​ຈັດ​​ໃຫ້​ມີງານ​ວາງສະ​ແດງ, ​ເວທີ​ປຶກສາ​ຫາລື ​ແລະກິດຈະກຳຕ່າງໆ ​ເພື່ອລົງການ​ຮ່ວມ​ມື​ໃນ​ຂົງ​ເຂດ​ເລິກ​ເສດຖະກິດ-ກາ​ນຄ້າ, ການ​ເຊື່ອມ​ໂຍງ​​ເຊື່ອມ​ຈອດ​ກັນ, ການ​ທະນາຄານ ​ແລະ​ອື່ນໆ​ຊຸກຍູ້ມິດຕະພາບ ​ແລະ​ການ​ຮ່ວມ​ມື​ຮອບດ້ານ​ລະຫວ່າງ​ຈີນ ​ແລະ​ອາ​ຊຽນຂຶ້ນສູ່​ລະດັບ​​ໃໝ່. ງານ​ວາງສະ​ແດງ​ຄັ້ງ​ນີ້​ມີ​ວິ​ສາ​ຫະກິດ 2848 ​ແຫ່ງ​ເຂົ້າ​ຮ່ວມ, ​ເພີ່ມ​ຂຶ້ນ 2,4% ​ເມື່ອ​ທຽບ​ໃສ່​ປີ 2018, ​ເນື້ອ​ທີ່​ຂອງ​ເຂດວາງສະ​ແດງ​ສາກົນ “ໜຶ່ງ​ແລວ​ໜຶ່ງ​ເສັ້ນທາງ” ​ເພີ່ມ​ຂຶ້ນ 59% ​ເມື່ອ​ທຽບ​ໃສ່​ປີ 2018.

ແຫຼ່ງຂ່າວ: ເສດຖະກິດ-ການຄ້າ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *