RIP! ດ່ວນ ພໍ່ເຖົ້າ ຂຸດໜໍ່ກ້ວຍ ແຕ່ຂຸດຖືກລະເບີດແຕກໃສ່ຕາຍຄາທີ່

ຕອນເຊົ້າຂອງວັນທີ 21 ກັນຍາ 2019 ເກີດເຫດລະເບີດແຕກໃສ່ພໍ່ເຖົ້າໝູນ ຢູ່ບ້ານທ່າລີເໜືອ ເມືອງ​ນ້ຳບາກ​ ແຂວງຫຼວງພະບາງ ເຊິ່ງຕອນເກີດເຫດເຖົ້າແກ້ວໝູນ ໄດ້ໄປຂຸດເອົາໜໍ່ກ້ວຍນ້ອຍ ເພື່ອຈະຂະຫຍາຍພັນຕໍ່ຢູ່ຂ້າງເຮືອນຂອງຜູ້ກ່ຽວເອງ ຂະນະທີ່ຂຸດຢູ່ນັ້ນສຽມ ທີ່ໃຊ້ຂຸດໄປຖືກໜ່ວຍລະເບີດຕົກຄ້າງທີ່ຍັງບໍ່ທັນແຕກ ແຕ່ສະໄໝສົງຄາມ ເຮັດໃຫ້ລະເບີດແຕກຂຶ້ນຖືກພໍ່ເຖົ້າ ເຮັດໃຫ້ຜູ້ກ່ຽວເສຍຊີວິດຄ່າທີ່.

ເລື່ອງລະເບີດບໍ່ທັນແຕກທີ່ຕົກຄ້າງ ເປັນໄພອັນຕະລາຍໜຶ່ງທີ່ໄດ້ສ້າງຄວາມເສຍຫາຍໃຫ້ກັບພໍ່ແມ່ປະຊາຊົນເປັນຈຳນວນບໍ່ໜ້ອຍ ບາງຄົນບໍ່ເຖິງຂັ້ນເສຍຊີວິດກໍ່ເສຍອົງຄະ, ດັ່ງນັ້ນ ຂໍໃຫ້ພໍ່ແມ່ປະຊາຊົນຈົ່ງມີສະຕິລະມັດລະວັງ ເພາະບໍ່ມີໃຜຮູ້ວ່າຢູ່ພື້ນດິນທີ່ເຮົາຢູ່ມີຫຍັງແນ່ ແລະ ຖ້າຫາກພົບເຫັນສິ່ງທີ່ຄ້າຍຄືລະເບີດ ຫຼື ສິ່ງທີ່ຄ້າຍຄືລະເບີດກໍ່ຄວນຮີບຮ້ອນແຈ້ງອຳນວຍການປົກຄອງບ້ານ ຫຼື ເມືອງ ໃຫ້ພົວພັນກັບເຈົ້າໜ້າທີ່ເກັບກູ້ລະເບີດດ່ວນ ແລະ ບໍ່ຄວນເຂົ້າໄປໃກ້ເພື່ອຄວາມປອດໄພຂອງທ່ານເອງ.

ແລະ ອຳນາດການປົກຄອງບ້ານເມືອງ ຫຼື ແຂວງກໍ່ບໍ່ຄວນນິ້ງນອນໃຈຫາກໄດ້ຮັບການແຈ້ງວ່າພົບວັດຖຸຄ້າຍຄືລະເບີດກໍ່ໃຫ້ຮ້ອນໃຈປະສານຫາເຈົ້າໜ້າທີ່ເກັບກູ້ລະເບີດ ຫຼື ໜ່ວຍງານກ່ຽວຂ້ອງໃຫ້ລົງໄປກວດສອບດ່ວນ.

ຂໍສແດງຄວາມສະລົດໃຈໃນເຫດການຄັ້ງນີ້ດ້ວຍ.​ ຂໍໃຫ້ເພິ່ນໄປສູສຸຂະຕິແລະສູພົບພູນທີດີເທີ້ນ.

 

 

ຂໍ້ມູນມາຈາກ : ລາວ360ອົງສາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *