“ໄກ່” ປິດຕຳນານນາມສະກຸນ “Overdance” ເປີດສັງກາດໃໝ່ຂອງ “ນາງພະຍາ” ໄກ່ ໂອເວີແດນ

ອອກມາປະກາດຜ່ານທາງອິນສະຕາແກຣມສ່ວນຕົວ ສະຫຼະນາມສະກຸນ Overdance ທີ່ໃຊ້ມາຕັ້ງແຕ່ເລີ່ມເຂົ້າວົງການ ພ້ອມປະກາດເລີ່ມໃຊ້ນາມສະກຸນໃໝ່ “ນາງພະຍາ” ຢ່າງເປັນທາງການ. ການປ່ຽນແປງໃນຄັ້ງນີ້ມີຂຶ້ນເມື່ອໜຶ່ງອາທິດທີ່ຜ່່ານມາ ເຊິ່ງເນື້ອໃນຂອງຂໍ້ຄວາມດັງກ່າວໄດ້ເວົ້າເຖິງສາເຫດທີ່ປ່ຽນ ແລະ ໃຊ້ນາມສະກຸນໃໝ່ ວ່າຂໍປິດຕຳນານໃຫ້ Overdance ຢູ່ກັບວົງ ສ່ວນຕົນເອງຂໍໃຊ້ນາມສະກຸນ ນາງພະຍາ ທີ່ຕົນເອງເລີ່ມສ້າງກັບຄອບຄົວ ແລະ ທີມງານ ທີ່ສ້າງຜົນງານມານຳກັນ ແລະ ຈະສ້າງຜົນງານໃໝ່ໆອີກໃນອະນາຄົດ.

ສຳລັບຄຳວ່າ ນາງພະຍາ ມາຈາກຜົນງານເພງ “ນາງພະຍາ” ເຊິ່ງປ່ອຍອອກມາເມື່ອຫຼາຍປີກ່ອນ ແລະ ຫາກໍປ່ອຍ MV ອອກມາໃຫ້ເບິ່ງເມື່ອຕົ້ນປີທີ່ຜ່ານມາ ໂດຍເອັມວີດັ່ງກ່າວ ໄກ່ ໄດ້ໃຊ້ນັກເຕັ້ນຈຳນວນຫຼາຍກວ່າ 50 ຊີວິດ ແລະ ຮອດປັດຈຸບັນເອັມວີນີ້ມີຄົນເຂົ້າເບິ່ງຜ່ານທາງຢູທູບແລ້ວກວ່າ 530,000 ເທື່ອ.

ພ້ອມນີ້ ໄກ່ ນາງພະຍາ ຍັງໄດ້ປະກາດອີກວ່າ ໃນໄວໆນີ້ຈະໄດ້ເບິ່ງຜົນງານໃໝ່ກໍຄື “ນາງພະຍາ 2” ເຊິ່ງເປັນເພງສານຕໍ່ຄວາມສຳເລັດຂອງເພງກ່ອນໜ້າ ເຊິ່ງໃນຮອບນີ້ເພິ່ນກໍຮັບປະກັນວ່າ ຈະເຮັດໃຫ້ຫົວໃຈເຕັ້ນແຮງຂຶ້ນກວ່າເກົ່າ.

ຂະນະທີ່ກຳນົດເວລາປ່ອຍເພງນີ້ຢ່າງເປັນທາງການຍັງບໍ່ທັນປະກາດອອກມາຢ່າງເປັນທາງການເທື່ອ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *