ປະຊາຊົນເມືອງຄົງເຊໂດນ ແຂວງສາລະວັນ ທີ່ໄດ້ຮັບຜົນກະທົບ ຈາກໄພນ້ຳຖ້ວມ ຮູ້ສຶກພາກພູມໃຈທີ່ການນຳ ແລະ ສັງຄົມ ໃຫ້ການຊ່ວຍເຫຼືອເປັນຢ່າງດີ

ປະຊາຊົນບ້ານຫ້ວຍເຊົາ, ບ້ານໜອງແຕ່ງ ແລະ ບ້ານໜອງຫີນ ເມືອງຄົງເຊໂດນ ແຂວງສາລະວັນ ທີ່ໄດ້ຮັບຜົນກະທົບຈາກໄພນ້ຳຖ້ວມ ຮູ້ສຶກດີໃຈ, ພາກພູມໃຈທີ່ສຸດ ທີ່ການນຳ ແລະ ສັງຄົມ ບໍ່ຖີ້ມບໍ່ປະໃນຍາມທີ່ປະສົບໄພ ແລະ ໃນຍາມທີ່ລຳບາກ ແລະ ຂໍສະແດງຄວາມຮູ້ບຸນຄຸນມາຍັງທຸກພາກສ່ວນທີ່ນຳເອົາເຄືີອງຊ່ວຍເຫລືອ, ພ້ອມຄວາມເປັນຫ່ວງເປັນໃຍ ມາມອບໃຫ້, ເຊິ່ງນັບແຕ່ເກີດໄພນ້ຳຖ້ວມເປັນຕົ້ນມາ (2 ກັນຍາ 2019) ບັນດາການນໍາຈາກສູນກາງ, ທ້ອງຖິ່ນ, ນັກທຸລະກິດ, ພ້ອມດ້ວຍປະຊາຊົນລາວທຸກຖ້ວນໜ້າ ກໍໄດ້ນຳເຄື່ອງບໍລິໂພກ-ອຸປະໂພກ ພ້ອມດ້ວຍເງິນສົດ ແລະ ກຳລັງໃຈ ມາມອບໃຫ້ຢ່າງບໍ່ຂາດສາຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *