ບົວໄລ ເນັດໄອດໍບ້ານນາ ໄດ້ເປັນພຣີເຊັນເຕີ້ ອິຊິຕັນ ຄົນທຳອິດໃນປະເທດລາວ

ເຄື່ອງດື່ມອິຊິຕັນ ເປີດຕົວ ບົວໄລ ເນັດໄອດໍ ຊື່ດັງຂອງລາວ ທີ່ມີຜູ້ຄົນຕິດຕາມທາງເຟສບຸກເຖິງ 1 ລ້ານກວ່າຄົນ ແລະ ມີຍອດຕິດຕາມ youtube ເຖິງ 5 ແສນກວ່າຄົນ ໄດ້ມາເປັນພຣີເຊັນເຕີ້ຄົນທຳອິດໃນລາວ ໃຫ້ກັບເຄື່ອງດື່ມ ອິຊິຕັນ ຢ່າງເປັນທາງການ ໃນວັນທີ 19 ກັນຍາ 2019 ທີ່ ໂຮງແຮງລັດສະໝີ.

ບົວໄລ ສາຍາ “ຢູ່ໄຮ່ ຢູ່ນາຄືເກົ່າ” ຖືວ່າເປັນທີ່ຮູ້ຈັກກັນຫຼາຍໃນໂລກໂຊຊ່ຽວ ທັງໃນປະເທດລາວເອງ ແລະ ປະເທດໄທ ໂດຍມີເອກະລັກເປັນຂອງຕົວເອງໃນການກິນອາຫານແບບບ້ານໆ ເຊັ່ນ: ຕໍາໝາກຫຸ່ງ, ສົ້ມໝາກມ່ວງ ແລະ ອາຫານອື່ນໆທີ່ມັກຈະຢົ້ວນໍ້າລາຍ ຍອດຂາຍອິຊິຕັນໃນລາວເຕີບໂຕຂຶ້ນທຸກປີ ໂດຍໃນປີ 2019 ຄາດວ່າຈະມີຍອດຈຳໜ່າຍທັງໝົດ 3. 000. 000 ຕຸກ ຖືວ່າເປັນການຕອບຮັບທີ່ດີຫຼາຍສໍາລັບຕະຫຼາດໃນປະເທດລາວ ແລະ ປີໜ້າ 2020 ອິຊິຕັນຄາດວ່າຈະມີຍອດຈຳໜ່າຍເພີ່ມຂຶ້ນ 50% ຫຼື ປະມານ 4,500,000 ຕຸກນັ້ນເອງ, ໂດຍສະເພາະເຄື່ອງດື່ມ “ເຢັນ ເຢັນ” ເຊິ່ງເປັນນໍ້າສະໝຸນໄພ ມີປະໂຫຍດຕໍ່ຮ່າງກາຍ.

ຍ້ອນຫຍັງ ອິຊິຕັນ ຈຶ່ງເລືອກບົວໄລເປັນພຣີເຊັນເຕີ້? ບົວໄລ ສາຍາ “ຢູ່ໄຮ່ ຢູ່ນາຄືເກົ່າ” ຖືວ່າເປັນທີ່ຮູ້ຈັກກັນຫຼາຍໃນໂລກໂຊຊ່ຽວ ທັງໃນປະເທດລາວເອງ ແລະ ປະເທດໄທ ໂດຍມີເອກະລັກເປັນຂອງຕົວເອງໃນການກິນອາຫານແບບບ້ານໆ ເຊັ່ນ: ຕໍາໝາກຫຸ່ງ, ກິນໝາກຂາມ, ໝາກມ່ວງ ແລະ ອາຫານອື່ນໆທີ່ມັກຈະຢົ້ວນໍ້າລາຍ ຄົນເບິ່ງໃຫ້ໄຫຼຕະຫຼອດ ແລະ ບົວໄລ ກໍເປັນຄົນທີ່ເໝາະສົມທີ່ສຸດເພາະມັກກິນຂອງເຜັດ ແຊບໆ ແລະ ຕ້ອງການເຄື່ອງດື່ມ ຂອງອິຊິຕັນ ໄປກິນຄວບຄູ່ ເພື່ອຄາຍຮ້ອນ ແລະ ເພີ່ມຄວາມແຊບໄດ້.

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *