ທູດຈີນ ມອບເງິນຊ່ວຍເຫລືອ ຜູ້ປະສົບໄພນ້ຳຖ້ວມຢູ່ລາວ

ໃນວັນທີ 20 ກັນຍາ 2019 ທີ່ນະຄອນຫລວງວຽງຈັນ, ທ່ານ ຈ່ຽງ ຈ້າຍ ຕົງ ເອກອັກຄະລັດຖະທູດ ສປ ຈີນ ປະຈຳ ສປປ ລາວ ຕາງໜ້າລັດຖະບານ ແຫ່ງ ສປ ຈີນ ໄດ້ນຳເງິນຈຳນວນ 100.000 ໂດລາສະຫະລັດ ຫລື ປະມານ 800 ລ້ານກວ່າກີບ ມອບໃຫ້ທ່ານ ຄຳແພງ ໄຊສົມແພງ ລັດ ຖະມົນຕີກະຊວງແຮງງານ ແລະ ສະຫວັດດີການສັງຄົມ ເພື່ອນຳໄປຊ່ວຍເຫລືອຜູ້ປະສົບໄພພິບບັດນ້ຳຖ້ວມ ຢູ່ບັນດາແຂວງພາກກາງ ແລະ ພາກໃຕ້ຂອງລາວ ເຊິ່ງເງິນຈຳນວນດັ່ງກ່າວແມ່ນ ໄດ້ລະດົມຈາກບັນດາຫ້າງຮ້ານ, ນັກສຶກສາ ແລະ ນັກທຸລະກິດຈີນ.

ໂອກາດນີ້ ທ່ານ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ສະແດງຄວາມຂອບອົກຂອບໃຈ ຕໍ່ທ່ານ ເອກອັກຄະລັດຖະທູດ ສປ ຈີນ ປະຈຳ ສປປ ລາວ ກໍຄືລັດຖະບານ ແຫ່ງ ສປ ຈີນ, ລວມທັງບັນດາຫ້າງຮ້ານ, ນັກສຶກສາ ແລະ ນັກທຸລະກິດຈີນ ທີ່ຮິບໂຮມນ້ຳໃຈສົ່ງມາຊ່ວຍເຫລືອ ປະຊາຊົນລາວ ຜູ້ທີ່ໄດ້ຮັບຜົນກະທົບຈາກ ໄພພິບັດນ້ຳຖ້ວມປີນີ້; ພ້ອມທັງຢືນຢັນ ຈະນຳເງິນຊ່ວຍເຫລືອດັ່ງກ່າວໄປມອບໃຫ້ເຖິງມືປະຊາຊົນ ຢ່າງແນ່ນອນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *