ກົມຂ່າວສານແມ່ຍິງລາວ ນຳສະເໜີປຶ້ມ ລົມຫາຍໃຈຂອງແຜ່ນດິນ

ໃນວັນທີ 19 ກັນຍາ 2019, ທີ່ນະຄອນຫລວງວຽງຈັນ ກົມຂ່າວສານແມ່ຍິງລາວ ສູນກາງສະຫະພັນແມ່ຍິງລາວ ໄດ້ນຳສະເໜີປຶ້ມ “ລົມຫາຍໃຈຂອງແຜ່ນດິນ” ໂດຍໃຊ້ກອງທຶນສິ່ງແວດ ລ້ອມໂລກ ເພື່ອຈັດຕັ້ງໂຄງການໂຄສະນາຜົນກະທົບ ດ້ານສິ່ງແວດລ້ອມ ຈາກການນຳໃຊ້ສານເຄມີ ໃນການຜະລິດກະສິກຳ ຜ່ານສື່ແມ່ຍິງລາວ ຢູ່ 2 ແຂວງພາກເໜືອ ຄື: ແຂວງບໍ່ແກ້ວ ແລະ ແຂວງອຸດົມໄຊ. ໃຫ້ກຽດເຂົ້າຮ່ວມຂອງທ່ານ ສາຍສະໝອນ ບຸດດາລາ ຫົວໜ້າກົມຂ່າວສານແມ່ຍິງລາວ ສູນກາງສະຫະພັນແມ່ຍິງລາວ, ມີບັນດາຫົວໜ້າບັນນາທິການ, ນັກກະວີ, ນັກປະພັນ ພ້ອມດ້ວຍບັນດາສື່ມວນຊົນເຂົ້າຮ່ວມ.

ທ່ານ ສາຍສະໝອນ ບຸດດາລາ ໄດ້ໃຫ້ຮູ້ວ່າ: ປຶ້ມ “ລົມຫາຍໃຈຂອງແຜ່ນດິນ” ເປັນຜົນງານຂອງກົມຂ່າວສານແມ່ຍິງລາວ ທີ່ໄດ້ຮວບຮວມເອົາບົດຄວາມ-ຮູບພາບ ຈາກຜູ້ແຂ່ງຂັນ ທີ່ເຂົ້າຮ່ວມການປະກວດ ພາຍໃຕ້ຫົວຂໍ້ “ຄືນຊີວິດສູ່ທຳມະຊາດ” ກະວີກ້ອງຮົ່ມໄມ້ຂອງສາຍດາຣາ ທີ່ສະທ້ອນບັນຫາ ຊັບພະຍາກອນທຳມະຊາດ ແລະ ສິ່ງແວດລ້ອມ ໃນແງ່ມູມຕ່າງໆໃນເວລາເຄື່ອນໄຫວໂຄງ ການ ກໍຄືໃນອາຊີບນັກຂ່າວເປັນເວລາ 11 ປີ ແລະ ໂຮມກະວີ, ເລື່ອງສັ້ນ ຂອງນັກຂຽນຮ່ວມສະໄໝ ໃນແວດວົງຂອງ ກຸ່ມລາວດວງເດືອນອີກດ້ວຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *