ລັດຖະບານຫວຽດນາມ ປະດັບຫລຽນໄຊແຮງງານຊັ້ນ I ໃຫ້ທູດລາວ

ໃນວັນທີ 19 ກັນຍາ 2019 ທີ່ຮ່າໂນ້ຍທ່ານ ຟ້າມ ບິ່ງມິນ ຮອງນາຍົກລັດຖະມົນຕີ  ລັດຖະມົນຕີກະຊວງການຕ່າງປະເທດ ແຫ່ງ

ສາທາລະນະລັດ ສັງຄົມນິຍົມ ຫວຽດນາມ ໄດ້ຕ້ອນຮັບການເຂົ້າຢ້ຽມຂ່ຳນັບອຳລາ ຂອງ ທ່ານ ທອງສະຫວັນ ພົມວິຫານ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສັງ ຄົມນິຍົມ ຫວຽດນາມເນື່ອງໃນໂອກາດສຳເລັດ ການປະຕິບັດໜ້າທີ່ການທູດຢູ່ ສສ ຫວຽດນາມ.

ໂອກາດນີ້ທ່ານ ຮອງນາຍົກລັດຖະມົນຕີ ຟ້າມ ບິ່ງມິນ ໄດ້ສະແດງຄວາມຊົມເຊີຍຕໍ່ ທ່ານ ເອກອັກຄະລັດຖະທູດລາວ ທີ່ໄດ້ສຳເລັດໜ້າທີ່ການທູດ ຢູ່ ສ ຫວຽດນາມ ແລະ ຕີລາຄາສູງຕໍ່ບົດ ບາດ ແລະ ການປະກອບສ່ວນຢ່າງຕັ້ງໜ້າ ເຂົ້າໃນການສົ່ງເສີມຄວາມສຳພັນມິດຕະພາບ ແລະ ການຮ່ວມມື ລະຫວ່າງສອງປະເທດ ຫວຽດນາມ-ລາວ ໃຫ້ນັບມື້ຂະຫຍາຍຕົວ ໂດຍສະເພາະແມ່ນ ຂົງເຂດການຕ່າງປະເທດ ໃຫ້ເຂົ້າສູ່ລວງເລິກ ແລະ ແທດເໝາະກັບສະພາບຕົວຈິງ. ທ່ານ ຟ້າມ ບິ່ງມິນ ໄດ້ສະແດງຄວາມເຊື່ອໝັ້ນວ່າ ພາຍຫລັງສຳເລັດການ ປະຕິບັດໜ້າທີ່ຢູ່ຫວຽດນາມ, ທ່ານ ເອກອັກຄະລັດຖະທູດ ທອງສະຫວັນ ພົມວິຫານ ຈະສືບຕໍ່ປະກອບສ່ວນເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງຄວາມສຳພັນ ຫວຽດນາມ-ລາວ ໃຫ້ນັບມື້ແຕກດອກອອກຜົນຍິ່ງໆຂຶ້ນ.

ພ້ອມດຽວກັນນີ້, ທ່ານຮອງນາຍົກລັດຖະມົນຕີ ຍັງໄດ້ຕາງໜ້າພັກ-ລັດຖະບານ ຫວຽດນາມ ປະດັບຫລຽນໄຊແຮງງານຊັ້ນ I ໃຫ້ທ່ານ ທອງສະຫວັນ ພົມວິຫານ ເພື່ອສະແດງຄວາມຍ້ອງຍໍຊົມ ເຊີຍຕໍ່ຜົນສຳເລັດ ອັນໃຫ່ຍຫລວງຂອງທ່ານ ໃນໄລຍະການປະຕິບັດໜ້າທີ່ ທາງການທູດຢູ່ ສສ ຫວຽດ ນາມ ໃນການສົ່ງເສີມສາຍພົວພັນ ມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດລາວ ແລະ ຫວຽດນາມ ໃຫ້ນັບມື້ເຂັ້ມແຂງ​ ແລະ ຂະຫຍາຍຕົວຢ່າງບໍ່ຢຸດຢັ້ງ.

ໂອກາດດຽວກັນ, ທ່ານ ເອກອັກຄະລັດຖະທູດ ທອງສະຫວັນ ພົມວິຫານ ໄດ້ກ່າວສະແດງຄວາມຂອບໃຈຕໍ່ ທ່ານຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຟ້າມ ບິ່ງມິນ ແລະ ພະນັກງານກະຊວງການຕ່າງປະເທດ ຫວຽດນາມ ເຊິ່ງຍາມໃດກໍໃຫ້ການສະໜັບສະໜູນ ແລະ ໃຫ້ການຮ່ວມມືກັບສະຖານທູດລາວ ໃນການປະຕິບັດໜ້າທີ່ ການທູດຢູ່ຫວຽດນາມ ອັນໄດ້ປະກອບສ່ວນເຮັດໃຫ້ ສາຍພົວພັນແບບພິເສດ ແລະ ການຮ່ວມມືຮອບດ້ານ ລະຫວ່າງລາວ-ຫວຽດນາມ ນັບມື້ເຂົ້າສູ່ລວງເລິກ ແລະ ແທດເໝາະກັບສະພາບຕົວຈິງ. ພ້ອມນັ້ນ ທ່ານທູດ ຍັງໄດ້ຕີລາຄາສູງຕໍ່ການພັດທະ ນາ, ຖານະບົດບາດຂອງ ຫວຽດນາມ ໃນເວທີສາກົນ ແລະ ພາກພື້ນທີ່ນັບມື້ນັບສູງເດັ່ນ, ພ້ອມໃຫ້ຄຳໝັ້ນສັນຍາວ່າ ຈະສືບຕໍ່ປະກອບສ່ວນ ເຂົ້າໃນການ ເພີ່ມພູນຄູນສ້າງໃຫ້ແກ່ສາຍພົວພັນມິດຕະພາບຄວາມສາມັກຄີ ແບບພິເສດ ລະຫວ່າງລາວ-ຫວຽດນາມ ໃຫ້ນັບມື້ດີຂຶ້ນຢ່າງບໍ່ຢຸດຢັ້ງ.

ຂ່າວ+ພາບ: ບຸນເຫລືອ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *