ບົວໄລ ເນັດໄອດໍ້ ຢູ່ໄຮ່ຢູ່ນາຄືເກົ່າ ໄດ້ເປັນພີເຊັນເຕີ້ ອິຊິຕັນ ຄົນທຳອິດໃນປະເທດລາວ

ຫຼາຍຄົນອາດຈະຮູ້ດີ ໜຸ່ມເນັດໄອດໍ້ຄົນນີ້ທີ່ໂດ່ງດັງ ມີຊື່ສຽງຈາກການກິນທີ່ບໍ່ທໍາມະດາ ແປກ ແລະ ແຕກຕ່າງ ຈົນໂດ່ງດັງໄປທົ່ວປະເທດ ແລະ ປະເທດເພື່ອນບ້ານຕ່າງກໍ່ຮູ້ຈັກກັນດີ ນັບວ່າກໍາລັງເປັນກະແສທີ່ໜ້າຈັບຕາຫຼາຍຄົນ ສໍາລັບໜຸ່ມຄົນນີ້ ບົວໄລ ຢູ່ໄຮ່ ຢູ່ນາຄືເກົ່າ ເຊິ່ງມີຜູ້ຄົນຕິດຕາມທາງເຟສບຸກເປັນຈຳນວນຫຼາຍ ແລະ ມີຍອດຕິດຕາມ youtube ເຖິງ 5 ແສນກວ່າຄົນ.

ຫຼ້າສຸດ ສີໄຄການຄ້າ ຮ່ວມກັບ ເຄື່ອງດື່ມອິຊິຕັນ ເປີດຕົວ ບົວໄລ ມາເປັນພີເຊັນເຕີ້ຄົນທຳອິດໃນລາວ ໃຫ້ກັບເຄື່ອງດື່ມ ອິຊິຕັນ ຢ່າງເປັນທາງການ ໃນວັນທີ 19 ກັນຍາ 2019 ທີ່ໂຮງແຮງລັດສະໝີ ເປັນຄົນທໍາອິດທີ່ໄດເປັນ ພີເຊັນເຕີ້ໃຫ້ກັບເຄື່ອງດື່ມ ອິຊິຕັນ

ຜະລິດຕະພັນ ເຄື່ອງດື່ມຍີ່ຫໍ້ ອິຊິຕັນ ມີຍອດຈໍາໜ່າຍເພີ່ມຫຼາຍຂຶ້ນທຸກປີໃນລາວ ໂດຍສະເພາະແມ່ນໃນປີ 2019 ນີ້ ຄາດວ່າຈະມີຍອດຈຳໜ່າຍທັງໝົດ 3,000,000 ກະຕຸກ. ຖືວ່າເປັນການຕອບຮັບທີ່ດີຫຼາຍສໍາລັບຕະຫຼາດໃນປະເທດລາວ ແລະໃນປີໜ້າ 2020 ອິຊິຕັນ ຄາດວ່າຈະມີຍອດຈຳໜ່າຍເພີ່ມຂຶ້ນ 50% ຫຼືປະມານ 4,500,000 ກະຕຸກ ໂດຍສະເພາະ “ເຢັນ ເຢັນ” ເຊິ່ງເປັນນໍ້າສະໝຸນໄພ ທີ່ມີປະໂຫຍດຕໍ່ຮ່າງກາຍ.

ເຫດຜົນທີ່ທາງ ອິຊິຕັນ ເລືອກບົວໄລເປັນພຣີເຊັນເຕີ້? ບົວໄລ ຮູ້ຈັກກັນດີໃນສາຍາ “ຢູ່ໄຮ່ ຢູ່ນາຄືເກົ່າ” ຖືວ່າເປັນຄໍາຮິດທີ່ຮູ້ຈັກກັນຫຼາຍໃນໂລກໂຊຊ່ຽວ ໂດຍມີເອກະລັກເປັນຂອງຕົວເອງໃນການກິນອາຫານແບບບ້ານໆ ເຊັ່ນ: ຕໍາໝາກຫຸ່ງ, ກິນໝາກຂາມ, ໝາກມ່ວງ ແລະອາຫານອື່ນໆທີ່ມັກຈະຢົ້ວນໍ້າລາຍຄົນເບິ່ງໃຫ້ໄຫຼຕະຫຼອດ. ອາຫານສ່ວນຫຼາຍທີ່ ບົວໄລ ປຸ່ງແຕ່ງລ້ວນແຕ່ມີລົດຊາດເຜັດ ແລະຈັດ ຈຶ່ງເໝາະກັບເຄື່ອງດື່ມ ອິຊິຕັນ ທີ່ຈະຊ່ວຍແກ້ອາຫານເຜັດນັ້ນໄດ້ ແລະເຂົ້າກັບອາຫານເຫຼົ່ານີ້ໄດ້ດີ. ເຄື່ອງດື່ມອິຊິຕັນ ເປັນເຄື່ອງດື່ມທີ່ເໝາະກັບບຸກຄົນທົ່ວໄປ ເຊິ່ງສາມາດດື່ມໄດ້ທຸກເພດທຸກໄວ ຕັ້ງແຕ່ເດັກນ້ອຍໄປຈົນເຖິງຜູ້ເຖົ້າ ໂດຍສະເພາະເມື່ອກິນກັບອາຫານແບບບ້ານໆ, ອາຫານເຜັດໆ ຮ້ອນໆ ຈະເຮັດໃຫ້ອາຫານຂອງເຮົາມີລົດຊາດແຊບຍິ່ງຂຶ້ນອີກ.

 

 

ຂໍ້ມູນມາຈາກ : ລາວ3260ອົງສາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *