ກອງປະຊຸມຮ່ວມລະຫວ່າງຄະນະປະຈຳສະພາແຫ່ງຊາດ ແລະ ສສຊ

ກອງປະຊຸມຮ່ວມລະຫວ່າງ ຄະນະປະຈຳສະພາແຫ່ງຊາດ (ຄປຈສພຊ) ກັບ ຄະນະສະມາ ຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງ ໂດຍການ ເປັນທານຂອງທ່ານນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ ປະທານສະ ພາແຫ່ງຊາດໄດ້ຈັດຂຶ້ນ ເມື່ອ ວັນທີ 18 ກັນຍາ ຜ່ານມາ, ເຂົ້າ ຮ່ວມມີຮອງປະທານສະພາ ແຫ່ງຊາດ, ປະທານ-ຮອງປະ ທານກຳມາທິການ, ປະທານ-ຮອງປະທານສະພາປະຊາຊົນຂັ້ນແຂວງ (ສພຂ) ຈາກ 18 ເຂດເລືອກຕັ້ງ, ເລຂາທິການ-ຮອງເລຂາທິການສະພາແຫ່ງຊາດ, ເລຂາ-ຮອງເລຂາສະພາປະຊາຊົນຂັ້ນແຂວງ, ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ, ພະນັກງານວິ ຊາການຈາກ ສພຊ ແລະ ສພຂ.

ກອງປະຊຸມໄດ້ຮັບຟັງບົດລາຍງານການເຄື່ອນໄຫວວຽກງານຂອງຄະນະ ສສຊ ປະຈຳ ເຂດເລືອກຕັ້ງ, ການກະກຽມ ແລະ ດຳເນີນກອງປະຊຸມ ສພຂ ຊຸດທີ I ໂດຍຫຍໍ້ ຊຶ່ງການເຄື່ອນໄຫວ ວຽກງານທີ່ພົ້ນເດັ່ນຂອງຄະນະ ສສຊປະຈໍາເຂດເລືອກຕັ້ງສະ ແດງອອກດັ່ງນີ້: ສັງລວມແລ້ວ ບັນດາຮ່າງກົດໝາຍທີ່ ສສຊ ປະຈໍາເຂດເລືອກຕັ້ງໄດ້ເຂົ້າຮ່ວມໃນການຄົ້ນຄວ້າ, ປະກອບຄໍາ ຄິດຄໍາເຫັນມີທັງໝົດ 73 ສະ ບັບ (ສ້າງໃໝ່ 32 ສະບັບ ແລະ ປັບປຸງ 41 ສະບັບ); ສັງລວມສະຖິຕິການພົບປະທັງໝົດທົ່ວປະເທດ ນັບແຕ່ກອງປະຊຸມຄັ້ງປະຖົມມະລືກ ຮອດປັດຈຸບັນ ມີຈໍານວນ 6.441 ຈຸດ ມີຜູ້ເຂົ້າຮ່ວມທັງໝົດ 1.118.548 ຄົນ, ຍິງ 502.489 ຄົນ; ຄະນະ ສສຊ ປະຈຳເຂດເລືອກຕັ້ງ ໄດ້ຕິດຕາມກວດກາຕາມແຜນ ການຂອງ ຄປຈສພຊ ແລະ ກຳມາທິການສະພາແຫ່ງຊາດ, ບາງຄັ້ງກໍຕິດຕາມກວດ ກາຕາມຄຳຮ້ອງທຸກຂອງປະຊາຊົນ ເປັນຕົ້ນໂຄງການເສັ້ນທາງລົດໄຟ, ໂຄງການເສັ້ນທາງສາຍດ່ວນ, ເຂື່ອນໄຟຟ້ານ້ຳ ຕົກ ແລະ ການບຸກລຸກເຂດປ່າສະຫງວນ ແລະ ອື່ນໆ; ຮັບຟັງບົດລາຍງານກ່ຽວກັບການປະຕິບັດໜ້າທີ່ວຽກງານ ຂອງຄະນະເລຂາທິການສະພາແຫ່ງຊາດ ຕໍ່ວຽກງານເຂດເລືອກຕັ້ງ; ຮັບຟັງການເຜີຍແຜ່, ແນະນໍາກ່ຽວກັບການກະກຽມ ແລະ ດໍາເນີນການປະເມີນຜົນຕໍ່ການປະຕິບັດໜ້າທີ່ຂອງບຸກຄະລາກອນ ດໍາລົງຕໍາແໜ່ງທີ່ ສພຊ, ສພຂ ເລືອກຕັ້ງ ແລະ ຮັບຮອງເອົາການແຕ່ງຕັ້ງ; ຮັບຟັງການແນະນໍາ, ປຶກສາຫາລືກ່ຽວກັບ ການກະກຽມເບື້ອງຕົ້ນການເລືອກຕັ້ງ ສສຊ ຊຸດທີ IX ແລະ ສພຂ ຊຸດທີ II.

ຈາກນັ້ນ, ປະ ທານກອງປະຊຸມໄດ້ມີຄໍາຖາມເຈາະຈີ້ມ ໃນແຕ່ລະຫົວຂໍ້. ຫຼັງຈາກນັ້ນ, ບັນດາທ່ານ ສສຊ ໄດ້ສຸມໃສ່ປະກອບຄໍາເຫັນໃສ່ ແຕ່ລະຫົວຂໍ້ຢ່າງມີເຫດມີຜົນ ແລະ ກົງໄປກົງມາ.

ສຳລັບທິດທາງປັບປຸງ ການຈັດຕັ້ງ ແລະ ການເຄື່ອນ ໄຫວຂອງຄະນະ ສສຊ ປະຈຳເຂດເລືອກຕັ້ງ ເພື່ອຮັບປະກັນໃຫ້ແກ່ການ ເຄື່ອນໄຫວວຽກງານຕາມພາລະບົດບາດ, ສິດ ແລະ ໜ້າທີ່ຂອງຄະນະ ສສຊ ປະຈຳເຂດເລືອກຕັ້ງໃຫ້ມີປະ ສິດທິພາບດີຂຶ້ນກ່ອນອື່ນຕ້ອງ ເພີ່ມທະວີການຊີ້ນຳ-ນໍາພາ ຂອງ ຄປຈສພຊ, ສ້າງລະບຽບ ການພົວພັນປະສານງານລະ ຫວ່າງ ຄະນະ ສສຊ ປະຈຳເຂດເລືອກຕັ້ງ ກັບບັນດາກຳມາທິການ, ຄະນະເລຂາທິການ, ກົງຈັກທີ່ຄະນະປະຈຳສະພາ ແຫ່ງຊາດສ້າງຕັ້ງ ໃນການ ເຄື່ອນໄຫວ; ການປັບປຸງຂັ້ນຕອນ, ວິທີການທາບທາມຮ່າງ ກົດໝາຍຢູ່ເຂດເລືອກຕັ້ງ ໂດຍສະເພາະກຳມາທິການທີ່ ກ່ຽວຂ້ອງຂອງສະພາແຫ່ງ ຊາດປະສານສົມທົບກັບກະ ຊວງ, ອົງການທີ່ກ່ຽວຂ້ອງ ເພື່ອມອບໝາຍໃຫ້ຄະນະ ສສຊ ປະຈຳເຂດເລືອກຕັ້ງເປັນໃຈກາງ ປະສານສົມທົບກັບພະແນກ ການ, ອົງການທີ່ກ່ຽວຂ້ອງ ຂອງທ້ອງຖິ່ນ ເພື່ອຈັດກອງປະ ຊຸມທາບທາມຄຳເຫັນຢ່າງກວ້າງຂວາງ ແລະ ການສ້າງຄວາມເຂັ້ມແຂງໃຫ້ຄະນະ ສສຊ ປະຈຳເຂດເລືອກຕັ້ງ.

 

(ຂ່າວ-ພາບ:ສະພາແຫ່ງຊາດ)

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *