ສໍາເລັດຝຶກອົບຮົມກົດໝາຍຂັ້ນພື້ນຖານລະບົບ 45 ວັນ ໃຫ້ພະນັກງງານຫຼັກແຫຼ່ງ ຊຸດທີ II

ເມືອງແກ່ນທ້າວ ການຝຶກອົບຮົມກົດໝາຍຂັ້ນພື້ນຖານລະບົບ 45 ວັນ ໃຫ້ພະນັກງງານຫຼັກແຫຼ່ງ ຊຸດທີ II ຂອງເມືອງແກ່ນທ້າວ ແຂວງໄຊຍະບູລີ ໄດ້ປິດລົງໃນວັນທີ 18 ກັນຍາ 2019 ນີ້, ຢູ່ທີ່ສະໂມສອນເມືອງ, ໂດຍເຂົ້າຮ່ວມຂອງທ່ານ ອໍາຄາ ລັດສະໝີ ວ່າການເຈົ້າເມືອງແກ່ນທ້າວ,​ ທ່ານ ບຸນລ້ຽງ ດວງສົມພອນ ຮອງຫົວໜ້າພະແນກຍຸຕິທໍາແຂວງ ໄຊຍະບູລີ, ທ່ານ ບຸນສົງ ລາດຊະວົງ ຫົວໜ້າຄະນະ ຈັດຕັ້ງເມືອງ, ມີຄະນະປະຈໍາພັກເມືອງ, ກໍາມະການ ພັກເມືອງ, ຫົວໜ້າ, ຮອງຫົວໜ້າຫ້ອງການ, ຄູ-ອາຈານ ແລະ ນັກສໍາມະນາກອນເຂົ້າຮ່ວມ 60 ກວ່າທ່ານ.

ໃນກອງປະຊຸມ ທ່ານ ບຸນສົງ ລາດຊະວົງ ຫົວໜ້າຄະນະ ຈັດຕັ້ງເມືອງ ຕາງໜ້າຄະນະຮັບຜິດຊອບ ຊີ້ນໍາການຝຶກ ອົບຮົມ ຂຶ້ນຜ່ານບົດສະຫຼຸບການຈັດຕັ້ງປະຕິບັດການ ຝຶກອົບຮົມກົດໝາຍ 45 ວັນ ຊຸດທີ II ວ່າ: ຊຸດຝຶກ ອົບຮົມດັ່ງກ່າວໄດ້ເລີ່ມແຕ່ວັນທີ 15 ກໍລະກົດ 2019 ໂດຍມີຄູ, ອານຈານສອນ ທັງໝົດ 23 ທ່ານ, ຍິງ 3 ທ່ານ, ມີສໍາມະນາກອນ 43 ທ່ານ, ຍິງ 13 ທ່ານ.

ໃນນີ້, ມາຈາກ ສໍານັກງານ ຫ້ອງການອ້ອມຂ້າງເມືອງ 28 ທ່ານ, ຍິງ 11 ທ່ານ, ປກສ, ປກຊ 15 ທ່ານ, ຍິງ 2 ທ່ານ, ມີວິຊາ ຮຽນທັງໝົດ 32 ວິຊາ, ມີ 22 ໜ່ວຍກິດ ແລະ ມີ 352 ຊົ່ວໂມງ, ໃນນີ້ ທິດສະດີ 1 ວິຊາ ມີ 0,5 ໜ່ວຍກິດ, ກົດໝາຍ 31 ວິຊາ ມີ 21,5 ໜ່ວຍກິດ. ຜົນການຮຽນ ຄະແນນສະເລ່ຍ 7,9 ຈໍານວນ 1 ທ່ານ, 8,0 ຈໍານວນ 3 ທ່ານ, 8,1 ຈໍານວນ 4 ທ່ານ, 8, 2 ຈໍານວນ 9 ທ່ານ, 8,3 ຈໍານວນ 15 ທ່ານ, 8,4 ຈໍານວນ 5 ທ່ານ, 8,5 ຈໍານວນ 3 ທ່ານ ແລະ ຄະແນນສະເລ່ຍ 8,6 ຈໍານວນ 2 ທ່ານ.

ຈາກນັ້ນ, ໄດ້ມອບໃບຢັ້ງຢືນການຝຶກອົບຮົມກົດໝາຍ ຂັ້ນພື້ນຖານລະບົບ 45 ວັນ ໃຫ້ບັນດາສໍາມະນາກອນ ຢ່າງສົມກຽດ.

ໃນຕອນທ້າຍພິທີ ຍັງໄດ້ຮັບຟັງການ ໂອ້ລົມຂອງ ທ່ານ ອໍາຄາ ລັດສະໝີ ວ່າການເຈົ້າເມືອງ ແກ່ນທ້າວ, ເຊິ່ງທ່ານໄດ້ເນັ້ນໃຫ້ສໍາມະນາກອນທຸກທ່ານ ພາຍຫຼັງສໍາ​ເລັດ​ການ​ຝຶກອົບຮົມຄັ້ງນີ້ແລ້ວ ຈົ່ງນຳ​ເອົາ ບັນດາ​ເນື້ອ​ໃນ​ຈິດ​ໃຈ ກໍ​ຄື​ບົດຮຽນ ​ແລະ ປະສົບການໃນ ການຝຶກອົບຮົມ ​ໄປ​ຈັດຕັ້ງຜັນ​ຂະຫຍາຍ​ຢູ່​ໃນ​ກົມ​ກອງ, ຫ້ອງການ​ຂອງ​ຕົນ​ໃຫ້​ກວ້າງ​ຂວາງ ​ແລະ ທົ່ວ​ເຖິງ​, ບັນດາ​ຄູສອນ​ ແລະ ນັກຝຶກອົມຮົມຈົ່ງ​​ນຳ​ເອົາ​ບົດ​ຮຽນ ​ແລະ ປະ ສົບ​ການ​ຕົວ​ຈິງ​ໃນ​ຄັ້ງນີ້ ​ໄປ​​ປະ​ກອບ​ສ່ວນເຂົ້າໃນການ ເຄື່ອນໄຫວໜ້າທີ່ວຽກງານການສ້າງສາພັດທະນາປະເທດຊາດໃຫ້ນັບມື້ນັບຈະເລີນກ້າວຂຶ້ນເລື້ອຍໆ.

ໂດຍສະເພາະ ຫົວໜ້າ, ຮອງຫົວໜ້າຫ້ອງການ ຕ້ອງ​ເພີ່​ມທະວີ​ເອົາ​ໃຈ​ໃສ່​ໃນ​ການ​ເຮັດໜ້າທີ່​ຂອງ​ຕົນ​ເປັນຕົ້ນ​ແມ່ນ ການ​ປະຕິ​ບັດ​ລະບຽບ, ກົດໝາຍຂອງ​ລັດ​ໃຫ້​ເຂັ້ມງວດມີຜົນ​ສັກສິດ ​ແລະ ​ເປັນເຈົ້າການ​ຊີ້ນຳ-​ນຳພາ ຫ້ອງການ​ຂອງ​ຕົນ​ໃຫ້​ນັບ​ມື້ນັບ​​ເຂັ້ມ​ແຂງ, ​ເປັນ​ເສນາ​ທິການ​ໃຫ້​ຫ້ອງການ​ທີ່ຕົນ​ສັງກັດ​ຢູ່ ​ເປັນ​ແບ​ບຢ່າງ​ໃນ​ການ​ປະຕິບັດ​ກົດໝາຍ, ມະຕິຄຳສັ່ງ ​ແລະ ຈັດຕັ້ງປະຕິບັດ​ແນວ​ທາງ​ນະ​ໂຍບາຍ​ຂອງ​ພັກ-​ລັດ​ໃຫ້​ປະ​ກົດຜົນ​​ເປັນ​ຈິງ ໃນຂະ​ແໜງການ​ທີ່​ກ່ຽວຂ້ອງ​ໂດຍ​ສະ​ເພາະ ຫ້ອງການ​ຍຸຕິ​ທຳ​ເມືອງ ໃຫ້ເອົາ​ໃຈ​​ໃສ​ຕໍ່ວຽກງານ​ຍຸຕິ​ທຳ​ຮາກ​ຖານ, ປັບປຸງຄະນະແກ້ໄຂ ຂໍ້ຂັດແຍ່ງ​ຂັ້ນບ້ານ, ສຶບຕໍ່​ເຄື່ອນ​ໄຫວ​ລົງ​ໂຄສະນາ​ເຜີຍ​ແຜ່​ກົດໝາຍຕ່າງໆໃຫ້​ປະຊາຊົນ​​​ແຕ່​ລະ​ບ້ານ​ເປັນ​ລະບົບ​ ຕໍ່​ເນື່ອງ ​ແລະ ທົ່ວ​ເຖິງ ​ເພື່ອ​ຍົກ​ສູງ​ສະຕິ​ໃນ​ການ​ເຄົາລົບ​ກົດໝາຍຂອງ​ລັດ ​ເພື່ອ​ສະກັດ​ກັ້ນປະກົດ​ການ​ຫຍໍ້​ທໍ້​ທີ່​ເຄີຍ​ເກີດ​ຂຶ້ນທີ່​ຜ່ານ​ມາ​ໃຫ້​ຫລຸດ​ໜ້ອຍ​ຖອຍ​ລົງ, ​ເຮັດ​ໃຫ້​ສັງຄົມ​ມີ​ຄວາມ​ສະຫງົບ​ປອດ​ໄພ.

ທັ້ງນີ້, ເພື່ອເປັນການເສີມຂະຫຍາຍບົດບາດ ຂອງລັດໃຫ້ ສູງຂຶ້ນ, ບູລະນະລັດປະຊາທິປະໄຕປະຊາຊົນ ໃຫ້ເປັນ ລັດແຫ່ງກົດໝາຍຂອງປະຊາຊົນ ແລະ ເພື່ອຜົນປະ ໂຫຍດປະຊາຊົນຢ່າງແທ້ຍິງ.

 

ແຫຼ່ງຂ່າວ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *