ອົບຮົມຄວາມຮູ້ພື້ນຖານການຊ່ວຍເຫລືອ ຜູ້ຖືກເຄາະຮ້າຍຈາກການຄ້າມະນຸດ

ເມື່ອບໍ່ດົນມານີ້, ພະແນກແຮງງານ ແລະ ສະຫວັດດີການສັງຄົມແຂວງຫລວງນ້ຳທາ ໄດ້ສຳເລັດຊຸດອົບຮົມຄວາມຮູ້ພື້ນຖານ ການຊ່ວຍເຫລືອດ້ານຈິດຕະສັງຄົມ ສຳລັບຜູ້ຖືກເຄາະຮ້າຍຈາກການຄ້າມະນຸດ ໃຫ້ແກ່ບັນດາພະແນກການອ້ອມຂ້າງແຂວງ ໂດຍມີ ທ່ານນາງ ວຽງພອນ ເຮືອງແພງອ່ອນ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ທີມງານຄູຝຶກໂຄງການ IOM ມາຈາກສູນກາງ ແລະ ທ້ອງຖິ່ນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ທ່ານ ນາງ ສີສົມພອນ ສຸວັນນີ ຕ່າງໜ້າກົມສັງຄົມສົງເຄາະ ກະຊວງກແຮງງານ ແລະ ສະຫວັດດີການສັງຄົມ ໄດ້ໃຫ້ຮູ້ວ່າ: ຕະຫລອດໄລຍະການອົບຮົມ 4 ວັນຜ່ານມາ ສຳມະນາກອນໄດ້ຮຽນຮູ້ເນື້ອໃນເອກະສານ ຄວາມເຂົ້າໃຈກ່ຽວກັບການຄ້າມະນຸດ ແລະ ການບັງຂັບໃຊ້ແຮງງານ, ເປັນໂສເພນີ, ແຕ່ງງານແບບແອບແຝງ, ກຸ່ມຄົນທີ່ມີຄວາມສ່ຽງຕໍ່ການຄ້າມະນຸດ, ສະພາວະຜິດປົກກະຕິທາງຈິດຈາກເຫດການຮຸ່ນແຮງພາຍໃນເດັກ, ເດັກທີ່ມີການກະທົບກະເທືອນທາງຈິດໃຈ ແລະ ບັນຫາອື່ນໆ ທີ່ພົວພັນເຖີງການຄ້າມະນຸດ. ຊຸດອົບຮົມຄັ້ງນີ້, ສຳມະນາກອນຍັງໄດ້ຈັດແບ່ງເປັນກຸ່ມເພື່ອຄົ້ນຄ້ວາສົນທະນາ ຮຽນຮູ້ວິທີການແກ້ໄຂ, ການໃຫ້ຄວາມຊ່ວຍເຫລືອຈາກຜູ້ຖືກເຄາະຮ້າຍ, ການບຳບັດທາງຈິດໃຈຜູ້ທີ່ຖືກກະທົບ, ຖືກຄວາມຮຸ່ນແຮງຈາກການຄ້າມະນຸດ.

 

ແຫຼ່ງຂ່າວ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *