ສະຖາບັນວິຈິດສິນແຫ່ງຊາດ ເປີດສົກຮຽນໃຫມ່ 2019-2020 ແລະ ມອບ-ຮັບໃບປະກາສະນີຍະບັດ ປະລິນຍາຕີ ຮຸ່ນທີ XIII

ໃນວັນທີ 20 ກັນຍາ 2019ນີ້ ຢູ່ສະຖາບັນວິຈິດສິນແຫ່ງຊາດ ໄດ້ຈັດພິທີ ເປີດສົກຮຽນໃຫມ່ 2019-2020 ແລະ ມອບ-ຮັບໃບປະກາສະນີຍະບັດ ໃຫ້ນັກສຶກສາ ປະລິນຍາຕີ ຮຸ່ນທີ XIII ໃຫ້ກຽດມອບໃບປະກາດສະນີຍະບັດໂດຍ ທ່ານ ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີທ່ານ ໄມ່ສິງ ຈັນບຸດດີ ຫົວຫນ້າສະຖາບັນວິຈິດສິນແຫ່ງຊາດ, ມີບັນດາທ່ານ ຮອງຫົວຫນ້າ ສະຖາບັນວິຈິດສິນແຫ່ງຊາດ, ຄູ-ອາຈານ, ນັກສຶກສາ ແລະ ແຂກທີ່ຖືກເຊີນເຂົ້າຮ່ວມ.

ສໍາລັບການຈັດຕັ້ງປະຕິບັດໂຄງການສິລະປະນິພົນຈົບຊັ້ນປະລິນຍາຕີວິຈິດສິນ ຮຸ່ນທີ XIII ແລະ ຊັ້ນອານຸປະລິນຍາຮຸ່ນທີ VII, ສາຂາໂຮງຮຽນວິຈິດສິນສະຫວັນນະເຂດຮຸ່ນທີ I ສົກຮຽນ 2018-2019 ໂດຍຫຍໍ້ ດັ່ງນີ້, ລະດັບປະລິນຍາຕີ ວິຈິດສິນ ສະຖາບັນວິຈິດສິນແຫ່ງຊາດ ສົກຮຽນ 2018-2019 ມີຈຳນວນນັກສຶກສາປີທີ 5 ທັງຫມົດ 18 ຄົນ, (ຍິງ 8 ຄົນ); ປະກອບມີພາກວິຊາຈິດຕະກຳ ມີ 13 ຄົນ, (ຍິງ 5 ຄົນ), ພາກວິຊາສິລະປະພາບພິມ ຍິງ 1 ຄົນ, ພາກວິຊາອອກແບບນິເທດສິນ ຍິງ 1 ຄົນ, ພາກວິຊາປະຕິມາກຳ 3 ຄົນ, (ຍິງ 1 ຄົນ) ໃນພາກວິຊານີ້: ຂະແຫນງຄວັດແກະສະຫລັກ 2 ຄົນ, ມີຍິງ 1 ຄົນ ແລະ ປັ້ນ-ຫລໍ່ 1 ຄົນ.

ແຕ່ຜ່ານການດຳເນີນການຮຽນຕົວຈິງໄດ້ມີນັກສຶກສາ ຈາກພາກວິຊາຈິດຕະກຳ 1 ຄົນ ບໍ່ມາຜ່ານຫົວຂໍ້ ແລະ 2 ຄົນ ຂໍໂຈະຈຶ່ງຍັງເຫລືອແຕ່ 15 ຄົນ, (ຍິງ 8 ຄົນ), ຄິດເປັນເປີເຊັນ 83.33%.

 

ແຫຼ່ງຂ່າວ: ຂປລ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *