ບໍລິສັດສົ່ງ​ເສີມ​ປູກ​ອ້ອຍ​ ​ແຂວງ​ຢູນານ ຍັງ​ຕ້ອງການ​ອ້ອຍ​ຈຳນວນ​ຫລາຍ ປ້ອນ​ໂຮງງານ​

ຕາມ​ການ​ໃຫ້​ສຳ​ພາດ​ຂອງ ທ່ານ ອາ​ແປະ ລາວ​ນີ ຕາງໜ້າບໍລິສັດສົ່ງ​ເສີມ​ປູກ​ອ້ອຍ ​ເມືອງພຸງ ​ແຂວງ​ຢູນານ ສປ ຈີນ ​ເມື່ອ​ບໍ່​ດົນ​ນີ້​ວ່າ: ບໍລິສັດສົ່ງ​ເສີມ​ປູກ​ອ້ອຍ ​ເມືອງພຸງ ​ເປັນ​ບໍລິສັດ​ໜຶ່ງ​ທີ່​ໄດ້​ດຳ​ເນີນ​ທຸລະ​ກິດ​ຊື້-ຂາຍ​ອ້ອຍ​ຢູ່​ເມືອງ​ລອງ ​ແຂວງ​ຫລວງ​ນຳ​ທາ ​ເພື່ອ​ນຳ​ໄປ​ສອງ​ໜອງ​ໂຮງງານ​ນ້ຳຕານ​ຢູ່ ​ສປ ຈີນ ​​ແລະ ປັດຈຸບັນ​ ທາງ​ບໍລິສັດ​ຍັງ​ມີ​ຄວາມ​ຕ້ອງການ​ອ້ອຍ​ເປັນ​ຈຳນວນ​ຫລາຍ ​ເພື່ອສະໜອງ​ໃຫ້​ແກ່​ໂຮງງານ

ທ່ານ  ອາ​ແປະ ລາວ​ນີ ​ໄດ້​ໃຫ້​ຮູ້​ວ່າ: ເມືອງ​ລອງ ​ເລີ່ມ​​ປູກ​ອ້ອຍ​ມາ​ແຕ່ປີ 2007 ມາ​ເຖິງ​ປັດຈຸບັນ ມີ​ບ້ານ​ທີ່​ປູກ​ອ້ອຍຈຳນວນ 32 ບ້ານທີ່ຢູ່​ໃນ 5 ກຸ່ມ​ບ້ານ​ຄື: ກຸ່ມ​ຊຽງ​ກົກ, ກຸ່ມຈໍ່​ໝອກ, ກຸ່ມ​ຈະ​ເລີ​ນ​ໄຊ, ກຸ່ມຈອມ​ແຈ້ງ, ກຸ່ມສີວິ​ໄລ ​ແລະ ກຸມ​ບ້ານ​ທາດ ລວມທັງ​ໝົດ 1.700 ຄອບຄົວ ທີ່ໄດ້ປູກອ້ອຍ ຂາຍໃຫ້ບໍລິສັດ ລວມມີເນື້ອທີ່ປູກ​ອ້ອຍ 1.300 ເຮັກຕາ, ຜົນ​ຜະລິດ 1 ​ເຮັກຕາ​ ໄດ້ປະມານ 80-116 ​ໂຕນ, ລາຄາ​ຂາຍ​ໂຕນ​ລະ 347 ຢວນ ຫລື ປະມານ 451.100 ກີບ​/​ໂຕນ. ໃນປີ 2019 ທົ່ວ​ເມືອງ​ສາມາດ​ເ ກັບ​ກູ້​ອອ້ຍ​ໄດ້ 151.000 ​ໂຕນ ເປັນ​ມູນ​ຄ່າຫລາຍ​ກວ່າ 52 ລ້ານຢວນ ຫລື ​ປະມານ 68 ຕື້​ກ່ວາ​ກີບ, ໄດ້​ສ້າງ​ລາຍ​ຮັບ ​ໃຫ້​​ປະຊາຊົນ ​ໄດ້​ຢ່າງ​ຫລວງ​ຫລາຍ ​ແລະ ​ເຮັດ​ໃຫ້​ຊີວິດ​ເປັນ​ຢູ່​ ຂອງ​ປະຊາຊົນ ນັບ​ມື້ດີ​ຂຶ້ນ​ເລື້ອຍໆ.

​ໂອກາດ​ນີ້, ທ່ານ ອາ​ແປະ ລາວ​ນີ ຍັງ​ໄດ້​ຮຽກ​ຮ້ອງ​ໃຫ້​ປະຊາຊົນ ​ເມືອງ​ລອງ ​ຫັນ​ມາ​ປູກ​ອ້ອຍ ໃຫ້ຫລາຍ​ຂຶ້ນ ​ເພື່ອ​ທົດ​ແທນ ​ການ​ປູກ​ຝິ່່ນ ​ແລະ ຫລຸດຜ່ອນ​ ການ​ຖາງ​ປາ​ເຮັດ​ໄຮ່ ​ແລະ ສະໜອງ​ໃຫ້ ​ບໍລິສັດພວກ​ເຮົາ ​ເນື່ອງ​ຈາກ​ວ່າ​ ທາງ​ບໍລິສັດ ​ຍັງ​ມີ​ ຄວາມ​ຕ້ອງການ ​ອ້ອມ​​ເປັນຈຳ​ຫລາຍ.

 

ແຫຼ່ງຂ່າວ: ຂປລ

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *