ເມືອງໄຊພູທອງ ປິດຊຸດຝຶກອົບຮົມທິດສະກີການເມືອງ-ການປົກຄອງ 45 ວັນ

ຊຸດທີ IV ວັນທີ 17 ກັນຍາ 2019 ຜ່ານມານີ້, ຢູ່ສະໂມສອນຫ້ອງວ່າການປົກຄອງເມືອງໄຊພູທອງ ແຂວງສະຫວັນນະເຂດໄດ້ປິດຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນຊຸດທີ IV ຂື້ນຢ່າງເປັນທາງການ ໃຫ້ກຽດເປັນປະທານໂດຍ ສະຫາຍ ວົງເພັດ ໄຊສະຫງວນ ຄະນະປະຈໍາພັກແຂວງ ຫົວໜ້າໂຄສະນາອົບຮົມແຂວງ,ມີຮອງຫົວໜ້າສະຖາບັນການເມືອງ ແລະການປົກແຂວງ. ພ້ອມດ້ວຍແຂກຖືກເຊີນ ແລະນັກສໍາມະນາກອນເຂົ້າຮ່ວມ.

ສະຫາຍ ສົມໝາຍ ແກ້ວລັດຕະນະວົງ ກໍາມະການພັກເມືອງຫົວໜ້າຄະນະໂຄສະນາອົບຮົມເມືອງ ໄດ້ຂຶ້ນຜ່ານບົດສະຫຼຸບໃຫ້ຮູ້ວ່າ: ຊຸດຝຶກອົບຮົມໃນຄັ້ງນີ້ ໄດ້ເລີ່ມແຕ່ວັນທີ 12ທັນວາ 2019 ຫາ 17 ກັນຍາ 2019 ເປັນເວລາ 45 ວັນມີນັກສໍາມະນາກອນເຂົ້າຮ່ວມທັງໝົດ 68 ສະຫາຍ, ຍິງ 17ສະຫາຍ ຊື່ງມາຈາກເລຂາໜ່ວຍພັກຄວບຕໍາແໜ່ງນາຍບ້ານ ແລະ ຮອງນາຍບ້ານມີ 12 ສະຫາຍ,ຍິງ 2 ສະຫາຍ,ຫົວໜ້າຫ້ອງການ ແລະ ຮອງຫ້ອງການມີ 2 ສະຫາຍ,ຫົວໜ້າໜ່ວຍງານ ແລະ ຮອງໜ່ວຍງານ ມີ 20 ສະຫາຍ,ຍິງ7ສະຫາຍ,ທະຫານ-ຕໍາຫຼວດ 14ສະຫາຍ,ຄູອາຈານ ມ/ສ ແລະ ມໍປາຍ 6ສະຫາຍ,ຍິ/ 2 ແລະ ຄູອາຈານມໍຕົ້ນ ແລະ ປະຖົມ 9 ສະຫາຍ,ຍິງ 5 ດ້ານເນື້ອໃນການເຝິກອົບຮົມຄັ້ງນີ້ລວມີ 2 ພາກໃຫຍ່ຄື: ພາກທິດສະດີ,ພາກແນວທາງການເມືອງຂອງລັດ ລວມມີທັງໝົດ 39 ບົດ, ພາກທີ 1 ພາກທິດສະດີປະກອບມີ 3 ວິຊາ,ມີຈໍານວນ 26 ບົດ ຄື:ວິຊາຄວາມຮູ້ພື້ນຖານປັດສະຍາ ມີ 8 ບົດ,ວິຊາ ຄວາມຮູ້ພື້ນຖານກ່ຽວກັບເສດຖະກິດ-ການເມືອງ ມີ 10 ບົດ ແລະ ວິຊາລັດທິສັງຄົມນິຍົມວິທະຍາສາດ ມີ 8 ບົດ, ພາກທີ 2 ພາກແນວທາງການເມືອງຂອງພັກມີ 2 ວິຊາ ,ມີຈໍານວນ 13 ບົດ,ໂດຍປະຕິບັດໂຄງການໄລຍະສັ້ນໃຊ້ເວລາ 45 ວັນ ບໍນັບວັນເສົາ ແລະ ວັນລັດຖະການ ເຊິ່ງລວມທັງໝົດ 290 ຊົ່ວໂມງ,ຈໍານວນຂື້ນຫ້ອງ 225 ຊົ່ວໂມງ,ຜ່ານໄລຍະການຮຽນ-ການສອນວິຊາປັດສະຍາມີຜູ້ໄດ້ຄະແນນເກດ A ຈໍານວນ 58 ສະຫາຍ,ຍິງ 17 ສະຫາຍ,ເກດ B+ ມີ 10 ສະຫາຍ,ວິຊາເສດຖະສາດການເມືອງ ເກດA 68 ສະຫາຍ,,ຍິງ 17 ສະຫາຍເຊິ່ງຜົນການປະເມີນສໍາມະນາກອນແມ່ນ ຮັບຮູ້ລະດັບດີຫຼາຍມີ 95%, ເພື່ອເປັນການຢັ້ງຢືນຜົນສໍາເລັດສະຫາຍ ວົງເພັດ ໄຊສະຫງວນ ໄດ້ຂຶ້ນມອບໃບຢັ້ງຢືນຝຶກອົບຮົມທິດສະດີິການເມືອງ-ການປົກຄອງໃຫ້ແກ່ສຳມະນາກອນທັງໝົດ.

ພ້ອມດຽວກັນນັ້ນ, ກອງປະຊຸມຍັງໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງ ສະຫາຍ ວົງເພັດ ໄຊສະຫງວນ ເຊິ່ງສະຫາຍໄດ້ມີຄໍາເຫັນບາງຕອນສໍາຄັນ ວ່າ: ການເຝິກອົບຮົມຄັ້ງນີ້ ເປັນການຍົກລະດັບຫຼັກໝັ້ນຄຸນທາດການເມືອງໃຫ້ໜັກ ແໜ້ນ, ຄຸນສົມບັດສິນທໍາປະຕິວັດ ກໍຄືຈັນຍາບັນຈັນຍາທໍາຂອງພະນັກງານ ທີ່ຖືກ ມອບໝາຍຈາກພັກ-ລັດ ກໍຄືປະຊາຊົນ; ພ້ອມທັງສະເໜີໃຫ້ຄະນະຮັບຜິດຊອບພະນັກງານ ໃຫ້ບັນດານັກເຝິກອົບຮົມຕີບັນຫາໃຫ້ອອກ; ແລະ ເປັນການແລກປ່ຽນຖອດ ຖອນບົດຮຽນເຊິ່ງກັນ ແລະ ກັນ; ສະເໜີໃຫ້ນັກເຝິກອົບຮົມປະຕິບັດລະບຽບວິໄນໃນ ການເຝິກອົບຮົມຢ່າງເຄັ່ງຄັດ, ຕັ້ງໃຈຮໍ່າຮຽນໃຫ້ໄດ້ຄຸນນະພາບຢ່າງແທ້ຈິງ; ສະເໜີໃຫ້ ຄະນະຮັບຜິດຊອບລາຍງານຜົນເກັບກ່ຽວການເຝິກອົບຮົມໃຫ້ໄດ້ຄຸນນະພາບຕົວຈິງ.

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *