8ປະເພດຂອງລິບສະຕິກທີ່ສາວໆຕ້ອງຮູ້ ເລືອກຊື້ໃຫ້ຖືກ ເພີ້ມຄວາມງາມໄດ້ອີກຫຼາຍ

1.ລິບເນື້ອແມັດ

ເອີ້ນໄດ້ວ່າຄອງໃຈສາວໆມາເປັນອັນດັບຕົ້ນໆເລີຍ ຄວາມພິເສດຂອງມັນຄືສີລິບຊັດເຈນ ຕິດທົນ ປາກບໍມັນວາວເນືອລິບແຫ້ງດ້ານ ສາມາດແຕ່ງໄດ້ຫຼາຍລຸກ ແຕ່ໃຜທີ່ມີປາກແຫ້ງຕ້ອງລະວັງເພາະມັນອາດເຮັດໃຫ້ລິບຕົກຮ່ອງ ຂາດຄວາມໝັ້ນໃຈໄດ້ ແນະນຳໃຫ້ຮອງພື້ນດ້ວຍລິບບາມກ່ອນ

2.ລິບເນື້ອຄີມ

ກົງຂ້າມກັບລິບເນືອແມດ ທາແລ້ວຈະໃຫ້ຄວາມເປັນຄີມ ນຽນນຸ້ມ ປາກມັນວາວບໍ່ແຫ້ງ ເມັດສີຊັດເຈນບໍ່ແພ້ລິບເນືອແມດເລີຍ ແຕ່ສາວຄົນໃດທີ່ປາກໜາຂໍໃຫ້ຂ້າມໄປກ່ອນ ເພາະທາແລ້ວອາດປາກອວບອິ່ມເກີນໄປ

3.ລິບເນື້ອຊາຕິນແລະເນືອເຊຍ

ມັນເປັນລິບທີ່ຢູ່ທາງກາງລະຫວ່າງລິບມັນກັບລິບເນື້ອຄີມ ໂຕເນືອລິບຈະມີຄວາມມັນວາວທາແລ້ວໃຫ້ສີລິບະພຽງບາງເບົາເໝາະກັບຜູ້ທີ່ມັກລຸກທຳມະຊາດ ແລະບໍ່ຢາກໃຫ້ສີລິບເດັ່ນເກີນໄປ ຄວາມພິເສດຂອງມັນອີກຢ່າງໜຶ່ງຄື ຈະທາທັບເທົ່າໃດກໍ່ບໍ່ເປັນຄາບ

4.ລິບສະຕິກ ຫຼືລິບຈິ້ມຈຸ່ມ

ມາແຮງຫຼາຍຕອນນີ້ ກຳລັງເປັນທີ່ນິຍົມໃນໝູ່ສາວໆ ເມັດສີຊັດເຈນ ຕິດທົນນານ ມີໃຫ້ເລືອກທັງແບບມັນວາວແລະເນື້ອແມດ

5.ລິບກອສແລະລິບຕິນ

ສາວໆຄົນໃດທີ່ມັກຄວາມເປັນທຳມະຊາດແບບປາກບໍ່ແຫ້ງແຕກເປັນຂຸຍ ມາທາງນີ້ ເພາະໂຕລິບກອສ ຈະໃຫ້ຄວາມມັນວາວ ເນື້ອສີບາງໆ ສ່ວນລິບຕິນຈະໃຫ້ສີທີ່ຊັດເຈນກວ່າແລະບໍ່ມັນວາວເທົ່າລິບກອສ ສ່ວນໃຫຍ່ມັກໃຊ້ຄູ່ກັນໂດຍທາຕິນໄວ້ດ້ານໃນ ແລະລິບກອສທັບໄດ້ລຸກງາມໃສເປັນທຳມະຊາດ

6.ລິບມັນແລະລິບບາມ

ສິ່ງນີ້ແນະນຳໃຫ້ສາວໆພົກພາຕິດກະເປົ໋າໄວ້ເລີຍ ເພາະມັນຈະໃຫ້ຄວາມຊຸ່ມຊື່ນທາແລ້ວບໍ່ມີສີຍົກເວັນບາງຍີ່ຫໍ້ທີ່ຈະອອກສີບົວເບົາໆ ມັກໃຊ້ທາເວລາປາກແຫ້ງຫຼືກ່ອນທາລິບທົ່ວໄປ

7.ລິບໄລເນີ້

ອັບສະກິວການທາລິບຂື້ນໄປອີກເມື່ອທ່ານມີລິບໄລເນີ້ ສິ່ງນີ້ມັກຈະມາໃນຮຸບແບບສໍຫຼືແທ່ງ ມັກໃຊ້ທາກ່ອນລົງລິບສະຕິກເພື່ອແຕ້ມຂອບປາກໃຫ້ຊັດເຈນ ຈະຕ້ອເລືອກສີໃຫ້ໃກ້ຄຽງກັບສີລິບທີ່ເຮົາຈະທາຫຼາຍທີ່ສຸກດ

8.ຟອສຕິ້ລິບສະຕິກ

ດ້ວຍຄວາມທີ່ເນື້ອລິບມີການຜະສົມກລິດເຕີ້ ເຮັດໃຫ້ເວລາທາອອກມາແລ້ວຈະເຮັດໃຫ້ປາກກາຍເປັນມຸກນ້ອຍໆ ສີຊັດເຈນແລະບໍ່ມັນວາວເກີນໄປ ເປັນອີກໜຶ່ງໂຕເລືອກຂອງຜູ້ຍິງທີ່ບໍ່ມັກໃຫ້ປາກແຫ້ງ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *