ແຫ່ງທ່ອງທ່ຽວ ດັກນົງ (ຫວຽດນາມ)

ຫ່າງຈາກນະຄອນໂຮ່ຈີມິນ ຕາມເສັ້ນທາງເລກທີ 14ໄປທາງທິດຕາເວັນຕົກສ່ຽງເໜືອ ປະມານ 230 ກິໂລແມັດ, ນັກທ່ອງທ່ຽວ ຈະໄປເຖິງ ເທສະບານ ຢາເງ້ຍ, ເມືອງເອກຂອງແຂວງ ດັກນົງ ທີ່ຖືກອ້ອມຮອບໄປດ້ວຍພູຜາປ່າດົງ, ອາກາດເຢັນສົດໃສ ແລະ ຕາດນ້ຳຕົກທຳມະຊາດ ທີ່ສະຫວັນປະທານໃຫ້ແກ່ດັກນົງ, ໃນນັ້ນມີຕາດທີ່ສວຍງາມເຖິງ 16 ແຫ່ງຄື: ນ້ຳຕົກໄຕຣຊັບ, ຢາລອງ,ຈິງໜີ້,ໂກຕຽນ,ລຽງນຸງ,ແລນກຸນ,ຢ້ຽວແທງ,ເຮືອງຢາງ,ລືວລີ…ເປັນຕົ້ນ. ນອກຈາກຄວາມງາມ,ຕາດແຕ່ລະແຫ່ງຍັງຊ້ອນແຝງເລື່ອງລາວອັນມີລັກສະນະເທບນິຍາຍທີ່ໜ້າຟັງ. ທາງຂຶ້ນຕາດ ໄຕຣຊາບທີ່ຄົດລ້ຽວ,ເລັດລອດໄປຕາມປ່າດົງດິບນັບຫຼາຍພັນປີ, ຢູ່ຕີນຕາດແມ່ນໂງ່ນຫີນເຕັມໄປດ້ວຍໄຄ່ນ້ຳທີ່ເຢືອກເຢັນ. ກະ ແສນ້ຳຕາດໄຫຼລັ່ງ ສົ່ງແສງເຫຼື້ອມວັບໆແວບໆ ປະດຸດດັ່ງກຳແພງນ້ຳໃນຍ່ານເວຫາ ແລະ ສຽງນ້ຳຕົກນຶກນັນໄປທົ່ວພູຜາປ່າດົງ. ໃນຄຳວ່າ  “ໍໄຕຣຊາບ” ເປັນພາສາພື້ນເມືອງຂອງເຜົ່າເອເດ, ຊຶ່ງມີຄວາມໝາຍວ່າ“ຕາດຄວັນ” ຍ້ອນວ່າຕາດນີ້ ເກີດເປັນຮູບເປັນຮ່າງຂຶ້ນຈາກສາຍນ້ຳ ກຣົງໂນ ແລະ ກຣົງອານາ ທີ່ຊາວເອເດ ແລະ ເມີນົງ ເອີ້ນວ່າແມ່ນ້ຳຜົວ ແລະ ແມ່ນ້ຳເມຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *