ລອນນີ່ ຂັວນໃຈມະຫາຊົນ ຊະນະ ນັກສະນຸກເກີ່ ສປ ຈີນ 6-0 ເຟມ ລາຍການຊ່ຽງໄຮ້ ມາດເຕີ່ 2019

ການແຂ່ງຂັນສະນຸກເກີ່ລະດັບສາກົນ ລາຍການຊ່ຽງໄຮ້ ມາດເຕີ່ ປະຈຳປີ 2019 ທີ່ນະຄອນຊ່ຽງໄຮ້ ປະເທດຈີນ ຊີງເງິນລາງວັນລວມ 751,000 ປອນ ຫລືປະມານ ໜຶ່ງຕື້ກວ່າກີບ,ແຂ່ງຂັນໃນອາທິດນີ້

ຜົນຮອບ2 ຫລືຮອບ 16 ຄົນສຸດທ້າຍ ລອນນີ່່ ໂອຊຸນລີແວນ ຂັວນໃຈມະຫາຊົນສັນຊາດ ອັງກິດ ອາຍຸ 43 ປີ ມືໜຶ່ງຂອງໂລກ ເຊິ່ງເປັນແຊ້ມເກົ່າລາຍການນີ້ ກັບມາແຂ່ງຂັນອີກຄັ້ງນັບຕັ້ງແຕ່ຈົບຊີງແຊ້ມໂລກຕົ້ນເດືອນມິຖຸນາ ທີ່ຜ່ານມາ ເອົາຊະນະ ຈ່າງຢີ່ ຈາກເຈົ້າພາບຈີນຂາດລອຍ 6-0 ເຟມ ເຂົ້າສູ່ຮອບ 8 ຄົນສຸດທ້າຍໄປພົບກັບ ຄີເລນ ວິວສັນ ແຊ້ມປີ 2015 ມື 8 ຂອງລາຍການເພື່ອນຮ່ວມຊາດ ທີ່ເອົາຊະນະ ສຽວກູ້ຕົງ ອະດີດຮອງແຊ້ມປີ 2013 ຈາກເຈົ້າພາບ 6-4 ເຟມ

ຄະນະທີ່ ຊອນ ເມີຟີ່ ມື 14 ຂອງລາຍການຈາກອັງກິດ ຊະນະ ມ້າກ ວິນລ່ຽມ ມື 3 ຂອງລາຍການຈາກ ເວວ ອະດີດຮອງແຊ້ມປີ 2011 : 6-5 ເຟມ ຮອບ 8 ຄົນສຸດທ້າຍໄປພົບກັບ ແຈັກ ລີຊ້ອບສະກີ່ ມື 11 ຂອງລາຍການເພື່ອນຮ່ວມຊາດທີ່ປາບ ມ້າກ ເຊວບີ່ ມື້ 6 ຂອງລາຍການເພື່ອນຮ່ວມຊາດ ອະດີດແຊ້ມປີ 2011 : 6-3 ເຟມ

 

 

ຂໍ້ມູນມາຈາກ : ສະປອດອັບເດດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *