3 ປະເທດ ຮ່ວມຫາລືການອຳນວຍຄວາມສະດວກການຄ້າຊາຍແດນ

ເມື່ອບໍດົນມານີ້, ໄດ້ມີກອງປະຊຸມປຶກສາຫາລືລະຫວ່າງພາກລັດ ແລະ ພາກທຸລະກິດ ວ່າດ້ວຍການອຳນວຍຄວາມສະດວກການຄ້າຊາຍແດນ ລະຫວ່າງ ແຂວງສະຫວັນນະເຂດ ສປປ ລາວ, ແຂວງກວາງຈິ ສສ ຫວຽດນາມ ແລະ ຈັງຫວັດມຸກດາຫານ ຣາຊະອານາຈັກໄທ ພາຍໃຕ້ການສະໜັບສະໜູນຂອງສະຖາບັນລຸ່ມແມ່ນ້ຳຂອງ ເພື່ຶອສະຫລຸບ-ລາຍງານການຈັດຕັ້ງປະຕິບັດບັນດາຂໍ້ສະເໜີຂອງກອງປະຊຸມໃນຄັ້ງທີ່ຜ່ານມາ, ພ້ອມທັງສົນທະນາປຶກສາຫາລື ແລະ ຫາແນວທາງແກ້ໄຂບັນຫາ. ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ ໄດ້ໃຫ້ຮູ້ວ່າ: ກອງປະຊຸມໃນຄັ້ງນີ້ ເປັນການເປີດໂອກາດໃຫ້ບັນດາພະແນກການ ແລະ ຂະແໜງການທີ່ກ່ຽວຂ້ອງຈາກພາກລັດ ແລະ ພາກທຸລະກິດ ໄດ້ມາພົບປະສົນທະນາ, ແລກປ່ຽນບົດຮຽນຮ່ວມກັນ ເພື່ອແກ້ໄຂຂອດອຸປະສັກສິ່ງກີດຂວາງຕ່າງໆໃນການປະກອບທຸລະກິດ ໂດຍສະເພາະ ແມ່ນທຸລະກິດປະເພດສິນຄ້າກະສິກຳ ແລະ ການບໍລິການທີ່ຕິດພັນກັບສິນຄ້າກະສິກຳ ເຊິ່ງສິນຄ້າກະສິກຳ ກໍແມ່ນໜຶ່ງໃນໝວດສິນຄ້າຕົ້ນຕໍ ທີ່ມີການນຳເຂົ້າ ແລະ ສົ່ງອອກຜ່ານທັງ 2 ດ່ານແຂວງຄູ່ ລະຫວ່າງ 3 ແຂວງ 3 ປະເທດ ນັ້ນກໍຄືດ່ານສາກົນຂົວມິດຕະພາບລາວ-ໄທ ແຫ່ງທີ II ແລະ ດ່ານສາກົນແດນສະຫວັນ-ລາວບາວ.

 

ແຫຼ່ງຂ່າວ: ຂປລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *