ເມືອງ ອາດສະພັງທອງ ມີຄວາມພ້ອມໃນການເປີດສົກຮຽນໃໝ່ 100% ສົກປີ 2019 – 2020

ຕາມການໃຫ້ສໍາພາດຂອງ ທ່ານ ສີພະນົມ ອິນທະດາລິນ ຄະນະຫ້ອງການສຶກສາທິການ ແລະ ກິລາເມືອງ ອາດສະພັງທອງ ໄດ້ໃຫ້ສໍາພາດຕໍ່ຜູ້ສື່ຂ່າວ ໃນວັນທີ 09 ກັນຍາ 2019 ນີ້ວ່າ; ໃນໂອກາດໄຂສົກຮຽນໃໝ່ສົກ2019 – 2020 ແມ່ນທາງຫ້ອງການສຶກສາທິການ ແລະ ກິລາເມືອງ ອາດສະພັງທອງກໍ່ໄດ້ມີການກະກຽມຫຼາຍດ້ານກ່ຽວກັບບັນຫາດັ່ງກ່າວເປັນຕົ້ນກໍ່ແມ່ນອາຄານຮຽນ, ໂຕະ, ຕັ່ງ ແລະ ອຸປະກອນການຮຽນການສອນກະກຽມໄດ້ແລ້ວ 100 %.

ໃນນັ້ນ; ກໍ່ໄດ້ມີການເປີດກອງປະຊຸມຜູ້ບໍລິຫານການສຶກສາໃນທົ່ວເມືອງເພື່ອເນັ້ນໃສ່ການຈັດຕັ້ງປະຕິບັດການຮຽນການສອນໃນສົກຮຽນ 2019 – 2020 ນີ້; ພ້ອມນັ້ນ; ກໍ່ຍັງໄດ້ເປີດກອງປະຊຸມຄູໃນໄລຍະພັກພາກຮຽນ ໄດ້ເນັ້ນເຖິງ 3 ລັກສະນະ 5 ຫຼັກມູນຂອງການສຶກສາ ແລະ ເນັ້ນໃສ່ຄຸນສົມບັດຈັນຍາບັນຂອງຄູໃນການປະຕິບັດໃນການຮຽນການສອນແມ່ນເນັ້ນໃສ່ຄູເປັນຫຼັກ, ທາງດ້ານວິຊາການແມ່ນໄດ້ມີການກະກຽມ, ການຈັດຕັ້ງວາງແຜນເພື່ອເຮັດວຽກງານການຮຽນການສອນມີຄວາມສະດວກໂດຍແມ່ນອີງໃສ່ຄໍາສັ່ງແນະນໍາຂອງພະແນກສຶກສາ ແລະ ກິລາແຂວງ ທີ່ຕົກລົງໃຫ້ແຕ່ລະເມືອງໃຫ້ມີການຈັດຕັ້ງໃນການຮຽນ – ການສອນ.

ຈັ່ງໃດກໍ່ຕາມເມືອງ ອາດສະພັງທອງແມ່ນໄດ້ເລັ່ງໃສ່ບັນຫາຄຸນນະພາບຂອງການສຶກສາໃຫ້ດີຂຶ້ນແຕ່ລະກ້າວສະເພາະຕົວເລກໃນປີນີ້ຖ້າທຽບໃສ່ກັບປີທີ່ຜ່ານມາແມ່ນຈະເພີ່ມຂຶ້ນ 2 %; ເພາະອີ່ງໃສ່ບັນຫາຄອບຄົວໄດ້ມີການວາງແຜນໃນຄອຍຄົວເລື່ອງການອອກລູກ.

ສ່ວນຂໍ້ສະດວກ ແລະ ຂໍ້ຫຍຸ້ງຍາກແມ່ນ: ອໍານາດການປົກຄອງ ແລະ ພໍ່ແມ່ປະຊາຊົນອົງການການຈັດຕັ້ງຕ່າງໆພາຍໃນເມືອງແມ່ນໄດ້ມີການຊ່ວຍເຫຼື່ອໃນການສົ່ງລູກຫຼານໃນເກນອາຍຸໄດ້ເຂົ້າໂຮງຮຽນ 100 %. ໃນນັ້ນ; ຕາມແຜນການແມ່ນໄດ້ຈັດສົ່ງຄູອາຈານໃຫ້ລົງປະຈໍາການນັບແຕ່ວັນທີ 28 ສິງຫາຜ່ານມານີ້; ເປັນຕົ້ນໄປ, ເພື່ອກະກຽມຮອງຮັບນັກຮຽນ, ມີການສ້ອມແປງຫ້ອງຮຽນ, ໂຕະ, ຕັ່ງທີ່ເປ້ເພຈໍານວນໜຶ່ງ, ໄປຄຽງຄູ່ກັບຂໍ້ສະດວກນັ້ນກໍ່ຍັງມີຂໍ້ຫຍຸ້ງຍາກຄືເລື່ອງສະພາບດິນຟ້າອາກາດ, ຫົນທາງ ທີ່ບໍ່ເອື້ອອໍານວຍຄວາມສະດວກໃນການໄປໂຮງຮຽນ. ສໍາຫຼັບນັກຮຽນທີ່ຈົບຮຽນຈາກຊັ້ນປະຖົມຂຶ້ນມັດທະຍົມຕົ້ນແມ່ນທາງຫ້ອງການໄດ້ເຮັດໃບນໍາສົ່ງໃຫ້ມົດແລ້ວ, ນັກຮຽນຈົບຊັ້ນມັດທະຍົມຕົ້ນຂຶ້ນຊັ້ນມັດທະຍົມປາຍກໍ່ໄດ້ກະກຽມໃຫ້ໝົດແລ້ວ ແລະ ການເຕົ້າໂຮມຄູອາຈານກໍ່ໄດ້ມີການປະບິບັດຢ່າງລະອຽດ.

ໃນ ທົ່ວເມືອງອາດສະພັງທອງມີໂຮງຮຽນລ້ຽງເດັກ 2 ແຫ່ງ, ອະນຸບານ 28 ແຫ່ງ, ປະຖົມສົມບູນ 53 ແຫ່ງ, ມູນລະປະຖົມ 2 ແຫ່ງ, ມັດທະຍົມສົມບູນ 6 ແຫ່ງ, ມັດທະຍົມ 15 ແຫ່ງ, ມັດທະຍົມຕົ້ນ 15 ແຫ່ງ. ມັດທະຍົມຕົ້ນສົງ 1 ແຫ່ງ ແລະ ມັດທະຍົມປາຍມີ 1 ແຫ່ງ ມີຫ້ອງຮຽນທັງໝົດ 392 ຫ້ອງຮຽນ, ມີລັດຖະກອນຄູທັງໝົດ 442 ຄົນ, ຍິງ 248 ຄົນ, ພະນັກງານບໍລິຫານ 43 ຄົນ, ຍິງ 15 ຄົນ ແລະ ຄູອານຈານສອນ 374 ຄົນ, ຍິງ 221 ຄົນ.

ທັ່ງນີ້; ກໍ່ເພື່ອເປັນການຫ້າງຫາກະກຽມໃນການໄຂສົກຮຽນໃໝ່ສົກປີ 2019 – 2020 ໃຫ້ຮັບປະກັນທັງຄຸນນະພາບ ແລະ ປະລິມານໃຫ້ໄດ້ຫຼາຍຂຶ້ນກວ່າປີທີຜ່ານມາ. ພາບຂ່າວ ສາຍສະໝຸດ ສິມພະລີວົງ ນັກຂ່າວເມືອງ ອາດສະພັງທອງ

 

ແຫຼ່ງຂ່າວ: ວິທະຍຸກະຈາຍສຽງສະຫວັນນະເຂດ

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *